اللي يبي يجي لندن سياحه .. عندي له شقه يحبها قلبك

May 3rd, 2010, 06:48 PM

السلام عليكم جميعاً أيها الساده الكرام

أنا ساكن في لندن وبأطلع لي طلعه من تاريخ 1/6 _ 14/6 بإذن الله تعالى

يعني أربعة عشر يوماً

فاللي حاب ياخذ شقتي في الفتره ومهتم في هالشأن يعطيني خبر والله يسهل ما بيني وبينه

للجادين فقط

شقتي تتكون من

• غرفتين _ كلها دبل بد (double bed)
• وصاله مساحتها حلوه
• دورتين مياه أعزكم الله
• مطبخ (فيه كل المواعين من ترامس الشاي والقهوه والخلاط وقدووروفناجين...حق طبخ )
• غساله مواعين (اوتوماتيك ) وكوايه وغساله ملابس
• نظام واير ليس للانترنت
• نظام البنايه cctv
• تلفزيون 32 بوصه .. وبرضوه سلك للتيفي آوت .. للي حاب يشوف شغله من النت على التلفزيون ..

وانا ساكن في بيلدنق أوكما يسمونه كورت عليه نظام سكيورتي
بوابه كبيره تفتح على المواقف فيها ريموت كونترول
طبعاً فيه باركنق للسياره
من موقف واحد إلى ثلاثة مواقف .. لي أنا .. يعني يستفيد منها اللي يبي يسكن في هالفتره ..
تحت البيلدنق اللي انا فيه بقاله تركيه على عربيه فاتحه أربع وعشرين ساعه حتى الخبز اللبناني المفرود متوفر فيها
عندي آسدا(ASDA) مشي أربع دقايق تقريباً وممكن تروح له بالباص
ونرجع للبيلدنق ...هي جديده وأنا أول من سكنها.. فيها سطح في الدور الرابع وسطح في الدور السابع كانه بلكونه كبيره مثل الباراندا رائع ومرتب للسكان جميعهم ومرتب فيه العاب مثل بلياردو وبيبي فوت على الهواء الطلق فوق
انا صراحه دايم اطلع فوق اسوي باربيكيوو ... وعدة الباربيكيوو موجوده ومتوفره في شقتي
وفي صاله جيم مكشوفه فيها الالات للجيم
بدون ماابالغ شقتي شرحه مره كانها شاليه وتطلع على حديقه المبنى وفيها مراجيح للأطفال واطلالتها بانوراميه وكل الغرف مع الصاله تطل على الحديقه والمراجيح
يعني وانت من شقتك تشوف عيالك يلعبون ويطامرون ولا يحتكون الا بعيال اللي ساكنين في العماره وعددهم دائماً أشوفهم من خمسة إلى ثمانية أطفال نفس الأطفال من يوم سكنت وحتى حفظت أشكالهم ههههههه
يعني تنفع عوائل او عزابيه برضوه ..


طبعا محطه اندر قراوند جنبي تقريباً 5 دقايق مشي وتقريبا من موقعي الى ماربل ارش ياخذ معي من35 الى 40 دقيقه تقريباً

سعر الشقه باليوم : 65 باوند ..

طبعا انتو لو تقارنونها في b&b ارخص منها بكثير انا اخذ بي اند بي دايم بحدود 60 _65 باوند وبس غرفه وحده ومو هذاك المستوى حقيقه ..

يعني ما فيه مقارنه أبداً .. هذي شقه وهذاك غرفه ؟؟!!

وبرضوه ما عندي مشكله لو يتقاطون فيها مجموعة شباب محترمين ومهذبين ويحافظون عليها كأنها بيتهم يستاهلون كل خير

تواصلوا معي وبإذن الله تلقون اللي يسركم ..

• نشر عبر تويتر
• نشر عبر فيسبوك
• نشر عبر جوجل