جــــــــــــاوبوني

مقفل للي مامعهم واسطات

أنا قرأت في موقع الوزارة إنه بعض الجامعات مو كلها مقفل الإبتعاث ماأدري راح تجلس مقفله حتى المرحلة الجاية؟؟؟؟؟؟

والله وانا وانا اخوك اعرف ناس مشو امورهم بواسطة وتم الحاقهم بالبعثة
والبعض الي باع سيارتة وجاي بحساب سيارته ليدرس اللغة قالولة بعد ما درس بشهرين
مـــــــافي قبول
وهذا وربي يقطع القلب من الحزن بسبة ناس انظموا بالواسطة ويتكلمون مع غيرهم ويقولون انظمينا والباقين لحقووة ورجعوا بلا
ابتعاث وبلا سيارة بالسعودية
وش تقولين بناس كذا......؟
اذا هم قفلوا الابتعاث بلغوا الناس انة تم فعلا وقف الابتعاث مو توهمونهم ان الابتعاث بالالحاق ومن هالخرابيط
ما اقول الا الله يسامح الجميع

مسا الخير فراشة
بالناسبة للالتحاق فهو رسميا وامام الناس و الاعلام موقف واعلنوه في الجرايد وعلى لسان الوزير نفسه..
ولكن اختي العزيزه مع ذلك مازال فيه ناس الى الان يجون ويلتحقون بالبعثة..
معناته ان السالفة سالفة واسطات ومعارف..
الشغلة الثانية اذا كان تخصصك طب او شي من ذا القبيل
او كان معك قبول من احدى الجامعات العريقة مثل كيمبريج او اوكسفورد او جامعة لندن او جامعة ووريك
راح يضمونك بدون واسطة والكلام هذا مؤكد..
اتمنى لك التوفيق وحاضر لاي استفسار..

جزاكم الله خير ع ردودكم
أنا تخصصي كيمياء حيوية ورح أتخصص مختبرات طبية لو قدمت ماسترلكن سمعت من دكتورة عندنا بالقسم من مؤسسات قسم الكيمياء الحيوية في الجامعة إنه في بريطانيا أقدر أدرس الدكتوراه ع طول بدون الماستروقالت لي حتسأل لي وتشوف لو طلعت أدرس الدكتوراه وطلع الكلام فعلا صحيح حتخصص في الميديكال عشان كذا أسأل لأني ع أبواب تخرج بإذن الله

طيب متى أقدم ع الجامعة عشان آخذ قبول وكيف طريقة التقديم ؟؟؟؟جعلها الله في موازين حسناتك

مرحبا اختي فراشة
التقديم على الجامعات البريطانية مفتوح طوال السنة ومافيه وقت محدد له..
طريقة التقديم تكون اما عن طريق مكتب قبول او مندوب يجيب قبولات وياكثرهم سواء في السعودية او بريطانيا
وبعضهم ياخذ منك مقابل وغالبا هذي طريقة المكاتب اللي في السعودية وثلاث ارباعهم استغلاليين وحرامية مع احترامي لهم
اما ااصحاب القبولات اللي في بريطانيا غالبا يجيبونلك القبول مجاني ولكن بشكل عام اغلب اصحاب القبولات سواء في بريطانيا
او السعودية يماطلون بالطالب ويعطونه كلام بدون فعل وفي الاخير مايجيبون له قبول الا عقب شهور من الانتظار..
عشان كذا وانا اخوك خلك حذره منهم ومن استغلالهم..
الطريقة الثانية للتقديم وهي الافضل من اي طريقة ثانية وهي انك تقدمين بنفسك عن طريق موقع الجامعة
فقط تدخلين على الموقع وتسجيلين فيه وتفتحين رابط التقديم وتعبين الاستمارة وترفقين اوراقك وشهاداتك في نفس الاستمارة
عشان كذا لازم تسوين سكان لكل اوراقك على جهازك وتحملينها مع الاستمارة اللي في موقعهم..
انا اعتقد انه انتي لازم تقدمين عن طريق الموقع لانك مابعد تخرجتي وبالتالي مابعد حصلتي على الشهادة وراح تلاقين في الاستمارة
حقل تكتبين فيه انك على وشك التخرج وراح يعطونك قبول ماعندك مشكلة.. لو قدمتي عن طريق صاحب قبولات راح يقولك وين شهادتك
وبالتالي ماراح يقدر يقدملك..
اخير ا بالنسبة لاستفسارك عن دراسة الدكتوراة مباشرة دون دراسة الماستر فهذا الكلام غير صحيح ولكن دكتورتك كانت تقصد انك تدرسين
بنظام يسمونه الجامعات البريطانية Mphil وهذا عبارة عن برنامج مدته اربع سنوات يكون شامل الماستر والدكتوراه مع بعض
وهذا النظام اعتقد ماصارت تعتمده وزارة التعليم العالي ولاتوافق عليه الملحقية اصلا ولا اعرف السبب..
ومن مجهة نظري انك تدرسين الماجستير بشكل مستقل وبعدين تدرسين الدكتوراه افضلك بكثير..
اذا احتجتي مساعده في التقديم على الجامعه بلغيني وان شاالله اساعدك..
اتمنى لك التوفيق وحاضر لاي استفسار..

شكرا جزاك الله خير

ممكن لو سمحتوا تكتبوا لي خطوات التقديم ع الجامعة اللي أبغاها وإيش الخيار اللي يعني إنه أنا متوقع تخرجي لأني حقدم طلب بذي الفترة ع الجامعه لحد مايفتحوا التقديم في الوزارة وهل التقديم لدراسة اللغة غير عن تقديم دراسة الماستر ماعليش بس أبغى منكم المساعدة بعدالله وشكرا