استفسار help me plz

صباح الخير اختي سارة
اول شي ابارك لك تخرجك من الجامعة واتمنى لك حياة عملية او علمية موفقة وحياة مستقرة باذن الله
وابارك لك انضمامك الى مبتعث واتمنى انك تلاقين اللي تحتاجينه في هذا المنتدى..
بالنسبة للجامعات اللي حددتيها افضلهم شيفلد وهي من الجامعات العريقة والمشهورة وحاصلة على تصنيف عالي بين الجامعات البريطانية
وهي معتمدة في جميع التخصصات ولجميع الدرجات العلمية وفي نفس الوقت جامعة جادة وتحتاج اجتهاد وتعب وجودة في اللغة وفي نوعية الابحاث اللي يقدمها الطااب.. الجامعة تقع في مدينة شيفلد شمال بريطانيا وقبل اسكتلندا وهي مدينة جميلة وفيها طبيعه حلوه
وامنه مره وفيها كثير من المبتعثين والمبتعثات ومبسوطين فيها..
جامعة ليفر بول برضو جامعة قوية ومعتمده في جميع التخصصات ولجميع الدرجات العلمية.. وتصنيفها متوسط بين الجامعات البريطانية
وبرضو الجامعة هذي تبي شدة حيل واجتهاد اول باول ولكنها اسهل الى حد ما من شيفلد.. مدينة ليفر بول تقع شمال غرب بريطانيا تقريبا
وقريبه من شمال ويلز وهي مدينه حلوه وتطل على البحر وفيها مبتعثين كثير واغلبهم يمدحونها..
جامعة برونيل جامعة جيدة ومرنه مع الطلاب ومشهورة بسهولتها سواء في الدراسه او في القبول.. ومعتمدة في التخصصات الادارية والقانون.. تقع تقريبا 25 دقيقة عن لندن ويوجد فيها حاليا 300 طالب سعودي غير العرب الباقين من دول الخليج وليبيا وغيرهم وهم كثيرين جدا لدرجة انك لو دخلتيها الان راح تحسين انك في مصر من كثر العرب اللي فيها..
يوجد جامعات اخرى كثيرة متميزة في التخصصات الادارية وماهي جامعات صعبه وعندهم مرونه في التعامل مع الطلاب
مثل جامعة هل في مدينة هل وجامعة بانقور في ويلز وجامعة ايسكس في كولشيستر وهيرتفورتشير في هات فيلد على ما اظن وجامعة بورتسموث في مدينة بورتسموث في الجنوب وبرضو فيها سعوديين وخليجيين كثير..
هذا الي عندي حاليا ولو احتجتي اية معلومات اضافية انا وباقي الاعضاء ماراح نقصر معك..
اتمنى لك التوفيق وحاضر لاي استفسار

اختي سارة قبل لا ابدأ.. اقول وفقك الله اخوي خالد واسعدك ربي في الدنيا والأخرة على ما تفضلت به وأشكرك جداً لأني والله احب اللي يحب مساعدة إخوانه...

آسف على الإطالة... اولا أبارك لك هذا التخرج وأسأل الله ان يحقق لك ما ترجينه..
أُوافق اخي خالد على ما قاله لأكن اللي اريد ان أعرفة، هل تبحثين عن جامعة قوية ( اللي قوية راح تكون شادة ) او تريدين جامعة متسيهله.
من خبرتي المتواضعة أنصحك بما انك الآن راح تدرسين الماستر ان تبحثي عن الجامعات القوية لأن ترى كلها سنه وانتي خالصة.. وانتم يالبنات معروفين بالدفرة ما شاء الله عليكم >> قال ما شاء الله

انتظر ردك على أساسه اقدر أنصحك..

اختي سارة هل قبلتي على البعثة.. لأن اللي أعرفة ان الإلحاق جداً صعب
وكذلك كيف مستواك في اللغة؟...

...لعلمك بإمكاني توفير قبولات سواء للغة او للجامعة لدراسة اي تخصص...


تمنياتي لك بالتوفيق وكذلك لكل إخواني وأخواتي الطلبة

ان شاءالله بالتووووووووفيق يارب
جامعه برونيل سمعت عنها انها كويسه اللي بلندن وفي جامعه هيرتفوردشير بهاتفليد يقلون سهله مره عشان كذا انا قدمت عليهاا

بالنسبة لــ ( متساهله وغير متشدده ) ما لك غير جامعة ( دي مونت فورت ) في مدينة لستر

جامعة مررررررره متساهله وبإمكانك تسألي عنها

للاسف كل الي ذكرتيهم في موضوعك مو سهلات ماعدا جامعة برولين نوعآ ماء معقوله لكن ماتعتبر سهله

اذا تفكر في شي سهل ركز على تخصص يكون بحوث وانتهاء الموضوع .

انا كنت زيك اعتقد الجامعه سهلة بس بعد ماقابلت ناس فيها ويدرسون مامدحوها يقولوا مره تشددو مع الطلاب ولاينصحون في جامعه دي يمونت فورت خاصه البزنس وبالتوفيق

عن جد مره شكرا ليكم كلكم
دوبي عرفت انه الدنيا لسه بخير ، أنا كنت حاسه نفسي ضايعة ..

شيفلد خلاص شلتها من بالي حسيت من كلامكم انها صعبة ومعقدة ، أنا ما يهمني الجامعة تكون قوية ولا لأ أهم شي معترف بيها
أنا الصراحة لغتي ضعيفة فكيف النظام عندهم ادرس لغة في نفس الجامعة ولا في معهد منفصل عن الجامعة وهل لازم اجيب قبول كمان من المعهد ؟! بليز اذا تقدرو تساعدوني في حكاية القبول سواء للجامعة او المعهد يكون جزاكم الله خير لأنه ما عندي اي فكرة عنها أنا تقديري ممتاز .
بالنسة لجامعة برونيل هل المنطقة تعتبر المعيشة فيها غالية لقربها من لندن ولا عادي ، ليفربول اتحمستلها عشانها على البحر

بالنسبة لي اللي بيبعتولي على الخاص بليز من فضلكم ابعتولي هنا لأني ما اقدر ارد عليكم على الخاص بيقولولي لازم تتعدى مشاركتك ما اعرف كم وأنا لسه جديدة هنا ..
وانا متقبلة اي مساعدة منكم ..
تسلمو