طفـــــــــــــــــــــــشان وش الحل ؟؟؟؟؟؟

اخوي تعوذ من ابليس اقراء قران ولا صلي ركعتين واستغفر ونام شوي وارجع اطلع اشتري الاغراض الي ناقصتك اذا كان ناقصك شي ولا ذاكر دروسك ولا اطبخ ولا غسل ملابسك ولا شف الاخبار على النت ولا سوي موضوع توعيه ولا نصح وارشاد بالموضوع الي يعجبك فيما ينفع و تعقتد انه اهمل من جانب اخوانا المسلمين ولا اقولك درب نفسك على كتابة ابحاث يعني اختار موضوع واكتب عليها بحث واذا طفشت سكره واحتفظ فيه يمكن يجي يوم وتحتاجه الا وهو جاهز

عندك طرق كثيره تشغل نفسك فيها ومن احسنها انك تشغل نفسك بذكر الرحمن وانت اختار ماتشاء واذا حسيت انك باقي طفشان تعال وسولف هنا واخونك المبتعثين راح يردون عليك وتنبسط ان شا ءالله

الله يزيح الهم والغم عن صدرك ويسر لك امرك ويفرج كربك ويرزقك راحة البال وسعة الصدر والوناسه ان شاء الله اللهم امين

اوافق اختي قطرة 100%

...الله يفرج همك يالغالي...

تعوّذ من ابليس



..

هههههههههههههههههههههه

يا حبي لكم يالمبتعثين ووالله اني كأننا في بيت واحد

شف وانا اخوك يا مستر طفشان ..

امسك ورقه وقلم ..

واكتب وش اللي انت حققته من طموحات كنت تطمح لها قبل خمس سنوات ..
وبعدين اكتب وش طموحاتك واهدافك بعد سنتين من الآن ..

اكتب انت وش تبي الآن من الدنيا ..

أنت وش هدفك ووش تبي وليش جاي هنا ووش ووش ؟؟

اكتب أي شي حتى لو كان سخيف فعلاً ..

يعني مثلاً ليش جيت هنا ؟؟ مثلاً .. مغصوب على الجيه وش أسوي
اكتب هالجمله
بعدين اكتب طيب هل هالغصب ذا زين لي والا بس كبت حريه وغصب عني تركت حبايبي هناك وبس
طيب بمعنى آخر
هل هالفرصه اللي هي غصب عني تحصل لأي أحد .. الجواب لا طبعاً
يعني هي فرصه واحتمال ما تتكرر أبد .. طيب يابو فلان وش رايك ما تغتنمها وتتوكل على ربك وتستعين به << تكلم نفسك طبعاً ..
وتكتب مثلاً أن كل شي مكتوب ومقدر وانا مؤمن بقضاء ربي وقدره
طيب اكتب اني أخلق فرصة الوناسه بنفسي انا في وضع طفش طيب ليش ما أخلق درب وناسه

يا حبيبي أنت مؤمن صحيح ؟؟<< أكيد مؤمن يابو فيروز تستهبل أنت ؟؟

طيب ما دام انت مؤمن ودي تآخذ نصيحتي وحتى لو لقيت تثاقل من نفسك والشيطان ..

ارجوك حاول تجربها واصدق مع نفسك ..

الآن قم توضأ وإذا توضأت قل أشهد أن لا إله إلا الله وأن محمداً عبده ورسوله .. اللهم اجعلني من التوابين واجعلني من المتطهرين ..

سكر عليك النور في الغرفه .. افرش السجاده .. استقبل القبله .. صل ركعتين جاهد فيها نفسك والشيطان بحيث انك ما تفكر الا في ربك وانت تصلي ..

صل في طمأنينه وخشوع وركود .. استشعر عظمة ربك وأنه ملك الملوك .. شفت الملك عبدالله الله يطول يعمره على الطاعه .. استشعر ربه اللي خلقه واللي هو أقوى منه وهو ملكه سبحانه ..

استشعر أن الدنيا هذي ما تساوي عند الله جناح بعوضه .. أووووف عجيب سبحان الله ما تساوي عند الله جناح بعوضه ؟؟

حنا وهو حنا نقطه من الأرض ونقطه من الدنيا ما نساوي عند ربي لا حنا ولا دنيانا ولا عيشتنا ولا اموالنا ولا ملكنا ولا أي شي قوي وعظيم .. جناح بعوضه ؟؟

لكن تعال بالمقابل .. حديث الرسول صلى الله عليه وسلم ( الدنيا ملعونه ملعون ما فيها .. إلا ذكر الله وما والاه )

يعني وانت تصلي ترى ربك يحب هالشي اللي انت قاعد تسويه ..لأنه مو من ضمن الأشياء اللي لعنت من الدنيا من قبل الله عز وجل ..

تفكر أن هالأرض اللي انت فيها تراها كوكب من ملايين الكواكب في مجرة التبانه .. والكون الفسيح كله فيه ملااااااااااااااايين المجرات مثل مجرة التبانه .. يعني ملايين المجرات وفي وسطها ملايين الكواكب مثل كوكب الأرض .. وقارن بينا وبين حجم الأرض ؟؟!!!

سبحان ربي .. والله سبحانه فوووووووووووووق هذا كله ولم يعي بخلقهن سبحانه .. ومع هذا نطلب من غيره ونحتاج من غيره وهو القوي سبحانه وهو القادر وهو صاحب الخزائن الملئ .. لااااااااا .. وبرضوه يتنزل في السماء الدنيا كل ليلة في الثلث الأخير من الليل سبحانه وتعالى فيقول هل من تائب فأتوب عليه هل سائل فأعطيه سئله .. رحماااااااااااااك يا ربي .. لا إله إلا أنت سبحانك إني كنت من الظالمين ..

إن استطعت أن تبكي فابكي أو تباكى .. ترى ربي ما يدخل النار رجل بكى من خشيته ..الله يجعلني وياك من أهل الجنه ..

بعدين ادع الله انه يفرج عنك ما اهمك وغمك .. ترى على فكره أنا ادري انك تعرف بهالشي بس ترى ابليس يقولك وين مشوار أقوم اتوضأ وأصلي يا رجال ربك يفرجها

والله انه ملعون هالشيطان .. تعوذ من الشيطان وجربها وانا واخوك ..

وأنا والله ما كتبت لك ولا طولت الا لأنك تبحث عن حل .. الله يسهل أمرك يالغالي

شغله ثانيه .. بعد ما تطبقها وانا اخوك تعال هنا أبيك في شغله ثانيه توسع الصدر بإذن الله تعالى ..

تراني انتظرك يالغالي

عشان ماتعرف الطفش الا نادرا وتسير قطوع معه

اطلع تمشى في هالارض الحلوه والربيع وجنة الدنيا لا تصك على نفسك البيت

تواصل مع الناس زور واعزم الطلاب السعوديين والخليجيين بس ماتكون لزقه للي يبي يذاكر خخخخ

ومايمنع اذا انك وسيم تروح تتعرف على جنسيات ثانيه .... { واحد شاحتن معه الوسامه خخخخخخ

و تعرف على طبايع البشر وعاداتهم بالسواليف معهم والاحتكاك

واذا تقول انك كل يوم تطلع وتروح ومع ذلك طفش

فعليك بالصلاة بوقتها وقراءة القرآن






*

يا اخي انت طفشان
طيب اشرايك نروح الملاهي الليلية وتنام مع وحده وتدقلك سجاااارة وفلها وربك يحلها و....و....و...و

هذا الشي راح يقولها لك صاحبك البطال لما تقلة "انــــا طفــــشان" وراح تخرب معاه وترجعوا بلا قيمة
انتبه تسلك هالسلوك وانا اخوك
اعرف شخص كان يقول انا طفشان....
راح استلمه واحد عربي ما ابي اقول دولتة لان المغزى منها شلون صار ومو كل الناس زي بعض....
استلمة العربي ودشرة باليالي وصار الاخ محب للسهرات وعلى الحريم والعياذ بالله مع انة متزوج حسبي الله فية
وش حيكون ردة زوجتة فية وهو راج اخر الليل سكران.......؟ راح تشيل همه ويمكن تتعثر بالدراسة
المهم اذكر مقولتة الي قالها لي بالصبح لما كنت بالكلاس "والله يا هاذي الليلة لاخلي الشعب البريطاني يشوفوا شلون العرضة السعودية"

ماشاء الله تبارك الله نورتنا برقصتك يا اخي
ورفعت راس السعودية وانت ترقص......
ومازال الرجال مواصل بالسهرات الى وقتنا الحالي
ولا ازيدكم من الشعر بيت يتسلف من الشباب الي معي فلوس واحنا بنصف الشهر

انتبة وانا اخوك والله ما نصحتك الا لانك مثل اخوي
ويعطيك العافية يا ابو فيروز ^_*

الاخوان قطرة مطر ، تكفون انا بحاجتكم ورادوي الف شكر على ردودكم وانا الحمدلله محافظ على الصلاة والاذكار
ابوفيروز تسلم كلك ذوق على اسلوبك الحلو بس راح اسوي بنصيحتك بس لمعلوميتك انا ماعندي هوم سك يعني ما اشتقت للسعودية بس اشتقت لامي الله يحفظها والا الباقي عادي وانا جيت هنا وانا مقتنع وابغى ادرس بس المشكله انو مافي مكان اروح له يعني رحت كل الاماكن
مبتعث في زحل للامانه انا مره من الطفش حطيت براسي اروح نادي ليلي و رحت اول مره ومادخلوني يقولون لازم الايدي وانو انا تحت 21 ورجعت بيوم ثاني وجبت الاي دي ودخلت بس بصراحة ماعجبني الجو حسيته مو جوي ومعد رحت وبالنسبة للعرب انا مااكلمهم واتحاشاهم لاني اسمع بمشاكلهم انا اطلع احيانا مع اخوياي اوربيين بس مشغولين اكثر الوقت
الف شكر لكم بس ابغى اعرف انتو شلون تقطعون الوقت يعني اذا خلصتو مذاكره وكذا وش تسوون

شف أخوي هذا الموضوع يمكن تستفيد منه
http://www.mbt3th.us/vb/forum66/thread177714.html

وعذراً لا تنتظر القوابل الجاهزة بل كون قالبك بنفسك <<<<< شوي فلفسه

قصدي لا تنتظر أحد يقول لك زين كذا وسو كذا
بل أنت من
يعرف ماذا تريد ؟
وكيف تريد؟
متى تريد؟
ولماذا تريد ؟
الله يوفقك ويعينك ويسهل أمرك ويدفع عنا وعنك كل شر وطفش

الحمد لله ما فيه طفش وفيه انترنت ..!

ثانيا : جرب الكتابة والقلم ..

والأخ أبو فيروز قدم لك نصحية طيبة جدا ..

ضع خطة لك في حياتك وجرب ..!