استفسار استفسارات مبتعث جديد ؟ أرجوكم ثم أرجوكم ثم أرجوكم الرد بوضوح

سبحانك ربي عما يصفون وسلام على المرسلين والحمدالله ربي العالمين

سلام
شوف يابويا الموضوع بسيط سنة اللغة جرت العادة انو البعثة تديك تدرس سنة لغة قبل الماستر وعادة سنة اللغة تكون في معهد الجامعة او اي معهد خارجي ازا دخلت معهد الجامعة للغة عادة يكون كويس ويركزو على الجوانب الاكاديمية اكتر يعني في كل شي الكتابة والقراءة والاستماع وكلو صراحة بالنسبة ليا ماشفت فرق بين معهد اللغة حق الجامعة او معهد خاص
وعادة البعثة ماتديك انو انجليزي خاصة بالمهندسيين او كدى هوا برنامج عام وهرجة عام واكاديميك نفس الشي بس انو الاكاديميك يركز على الانجليزي اللي حيفيدك في الجامعة من ناحية كتابة البحوث والكلام دا ومايفرق التخصص ايش
اما الفاونديشن زي ما تقول سنة تحضيرية وعادة الملحقية ما توافق عليها
اما البريسيشنال كورس هادا في عيال دخلوه ودا عادة يكون في الصيف يعني قبل دراسة الماستر بشهرين تلاتة كدى ومدتو تكون عادة شهرين تلاتة وهوا زي ماتقول تجهيز للماستر وبرضو يعني تاخد مهارات لغة واكاديمية تجهزك للماستر وهادي عادة الشباب ياخدوه لانو يفيدك وبتوافق عليه الملحقية واحيانا يجيك قبول مشروط للماستر بس انك تدرس البريسيشنول كورس
وهوا طبعا مالو دخل في سنة اللغة ولا في الايلتس دا شي مستقل عادة ياخدوه الشباب بعد سنة اللغة قبل الماستر
وطبعا الايلتس مهم لانو كل جامعة تشترط درجة معينة فيه عشان تقبلك ويختلف الوضع من جامعة لجامعة
ممكن جامعة تطلب منك 6 ونص في الايلتس عشان تدخل الماستر وممكن جامعة تانية تقلك ازا ماجبت الدرجة المطلوبة مثلا جبت 5 ونص ولا 6 خلاص تاخد البريسيشونال كورس ونقبلك بدرجة الايلتس دي وهكذا طبعا انا كلامي امثلة لانو مرة فرق في جامعات ممكن تاخدك وانتا معاك 5 ونص على طول ماستر فدا الشي يفرق وتعرفو لما تراسل الجامعة وتعرف شروطهم
اما هرجة العوم اوفيس خخخخخخخخخ دا البعبع
الهوم اوفيس هوا وزارة الداخلية في بريطانيا وحتحتاجهم في حال تجديد فيزتك داخل بريطانيا حتراسل الهوم اوفيس
يعني مالك فيهم حاليا
عموما
بالمختصر المفيد عشان لا تتلخبط الشخص لما يراسل جامعة وهوا ماعندو شهادة اثبات لغة زي الايلتس او التوفل يا انهم يدوك قبول مشروك تدرس سنة لغة عندهم وبعدها تبدا الماستر او انهم يقولو يفتح الله لما تجيب الدرجة المطلوبة في الايلتس او التوفل بعدها كلمنا
ففي جامعات كدى وفي كدى
والعادة اللي بتحصل انو الطالب مابيراسل الجامعة على الماستر
الطلاب بيراسلو معاهد اللغة في الجامعات ويحصلو على قبول لغة سنة ودا سهل وخلال دراستهم للغة هناك يحاولو يجيبو الايلتس ويراسلو جامعات للماستر خلال دراستهم هناك
والايلتس زي حكاية التوفل بس واحد بريطاني وواحد امريكي والجامعات في كل دول العالم تقبل ا ي واحد فيهم ما فرقت
انشالله يكون الكلام افاااادك
وسلامتكم

أسأل الله الكريم رب العرش العظيم ان يوفقك في حياتك العلمية والعملية وأن يرزقك من حيث لاتدري
وأن يسلمك من مكروه




تحياتي لك

اما البريسيشنال كورس هادا في عيال دخلوه ودا عادة يكون في الصيف يعني قبل دراسة الماستر بشهرين تلاتة كدى ومدتو تكون عادة شهرين تلاتة وهوا زي ماتقول تجهيز للماستر وبرضو يعني تاخد مهارات لغة واكاديمية تجهزك للماستر وهادي عادة الشباب ياخدوه لانو يفيدك وبتوافق عليه الملحقية واحيانا يجيك قبول مشروط للماستر بس انك تدرس البريسيشنول كورس
وهوا طبعا مالو دخل في سنة اللغة ولا في الايلتس دا شي مستقل عادة ياخدوه الشباب بعد سنة اللغة قبل الماستر


هل معنى كلامك يحتاج قبول خاص له أومن ضمن سنة اللغة أو يعتبر بعد ماتخلص اللغه وتختبر الأيلتس تأخذه ؟ وهل هو (اجبار ي اختياري)

وهل له شروط حتى تأخذه ؟

وفقكم الله وشكرالله سعيكم

اهلين
شوق يابويا البرسيشنال مالو علاقة في سنة اللغة اللي بتدرسها هادا بيكون من الجامعة نفسها وزي ما قلتلك هوا عبارة عن تاهيل قبل الماجستير
وهرجة اجباري ولا اختياري زي ماقلتلك حسب احيانا بعض الجامعات تشترط عليك انك تدرسو ازا شافو انو درجتك في الانجليزي مش ولا بد
والهرجة التانية انو الطلاب بيدخلوها طواعية باختيارهم لانو مفيد
وسلامتك

كيف طريقة دراسة اللغه (هل هي محاضرات واختبارات... أم اختبار واحد اللي هو الأيلتس
وكذلك الماستر طريقته خاصه للهندسة

وهل اختبار الأيلتس انت اللي تحدد الموعد أم هم اللذين يحددون الموعد؟ وهل هو طوال السنه أو له مواعيد محدده


ضروووووووووووري الرد

ردوااااااا يا اخوااااااان