ماهي الأوراق المطلوبة في الملف الذي ترسلونه للجامعات البريطانية؟

اختي مها اتمنى لك التوفيق
بس اذا كان الالتحاق بالجامعه في الدراسات العليا ( ماجستير ودكتوراة ) لازم خطة بحث .
وصورة لجواز السفر ولا بد ان يكون الأسم في الوثيقة مطابق تماماً لجواز السفر
والتوصيات والوثيقة تكون باللغة الأنجليزية ..
بالتوفيق انشاء الله ..

ايش خطة بحث هذي

لايكون نفس ال statment pour

أخي ابو ربى شكرا وللأسف صار عندي مشكلة
أنا خريجة جامعة الملك سعود والوثيقة أصلا تكون نصفين للغة عربية وللغة انجليزية
يعني ما تحتاج ترجمة وجدت أن أسم والدي يوجد حرف في الوثيقة مختلف عن الجواز أيضا أول حرف من أسم الجد
في الوثيقة جي وفي الجواز كيو...والاقرب للصحة جواز السفر...وأنا اخذت توصية واحدة من أستاذة وعطيتها أسمي الي في الجواز
الوثيقة والسجل الأكاديمي فيه أختلاف في الإسم...ما الحل ؟
هل ممكن أغير الوثيقة حتى تكون مطابقة للاسم في الجواز؟
وهل هذا يأخذ وقت؟
وفي حال أني لازم أغير ولازم أقدم خطة بحث يعني لن ابدأ بإجراءت الإبتعاث إلا متأخر ربما شهر 10؟
والقبول من الجامعات شبه متأكدة منه لأن الحمدالله معدلي جيدجيدا...هل تأخيري في التقديم يؤخر دراستي سنة أو اكثر؟

وشكرا لمن يستطيع الإجابة..

مهم جدآ آن تتطآبق الاسمآء في الوثيقه والجوآز ,,

رآجعي الجآمعه عشآن يعدلو لك الاسم << وغريبه كيف كتبو الاسمآء هذي من عندهم ؟؟؟؟؟؟!!!!!!


الحل آرجعي للجآمعه ويعدلو لك الاسمآء ,, وبعد كذآ آرسلي للجآمعآت آي شي متعلق فيك

جوآز سفر ,,, وثيقه تخرج ,, كشف الدرجآت ,, توصيآت ,, خبرآآت ,, الغرض من الدرآسه ,, cv ,, آو اي شي تعلمتيه في حيآتك من دورآت آو آي شي


ترى تكون عآمل مهم في القبول

ولو مآحطيتيهم مآضرك ,, لآكن بتنفعك كثير لو آرفقتيهم

شكرااا وهو كزالك
الله يعين على هالنساء وثقالة الدم (اجر إن شاء الله بحتسبه عند رب العالمين !)
بغير الوثيقة بطلع جديدة مطابقة للجواز

ألحين شلت هم الخطة خطة رسالة الماستر يبيلي اجلس عليها من شهر الى شهرين الله يعين
ما راح ابداء بمراسلة الجامعات إلا اذا خلصت بتأخر بقوة

اخت مها ..
اتمنى لك التوفيق ..
ولا تشيلي هم خطة البحث بسيطة جداً لا تتعدى سبع ورقات واذا كان تخصصك تربية فمستعد اساعدك في خطة البحث مع العلم بان خطة البحث لابد ان تكون باللغه الانجليزية ..
اذا احتجتى اي مساعد اختى راسليني على الخاص .

طيب هل لازم ارفق ضمان مالي ولا بعد ما اخد اانكونديشن اعطيهم الضمان المالي ؟

مبتعثة من جده والله ما أدري جديدة على هذه الاجراءات
إن شاء الله بعد فترة من الزمن ندخل ونصير خبرة نساعد الجدد

الله يجزاهم خير الي يردون علينا ويساعدونا يارب

شكرا جزيلا
لا لست من أهل التربية وإن كان يدخل من ضمن التخصص كفرع
التخصص sociology
علم اجتماع
الي أعرفه أن خطة البحث يجب أن تحوي (عنوان البحث "الصياغة" + المقدمة +الفصل الأول والذي يحوي موضوع أو مشكلة البحث والأهداف والأهمية والتساؤلات أو الفروض ثم +الفصل الثاني والي هو الاجراءات المنهجية نوع الدراسة والمنهج العينة ...الخ +هذا لست متأكدة هل يجب ان يكون موجود أو لا الي هو الفصل الثالث الإطار النظري)

هل هم يريدون كل هذا او أشياء أقل وأبسط؟
وطبعا بكتبها بالعربية ثم أقوم بالترجمة لأن اللغة ضعيفة الأن
الله ييسر ويعين على هاللغة..

وشكرا جزيلا