الترجمة الحرفيه لم تفيدني في معرفة ماذا تريد الدكتوراة بالضبط فياليت تفزعون لي ياشباب

اللي فهمته من كلامها.... انها تبي بروبوزل كامل مادري انت مرسل شي ناقص ولا هو ماعجبها ولا مدري وش السالفه.... عاد هي حاطه بين القوسين وش اللي تبي منك بالضبط اللي هو الباكقراوند ( خلفيك عن التخصص او اي شي يتعلق بمعرفتك قبل له) والمتعلقات او الاشياء اللي تم عرضها ادبيا المتعلقه بالتخصص ... والمنشورات الالاكاديميه النضيره والقريبه من التخصص..... واخر شي طالبه اهدافك من دراسة الدكتوراه مع سيرتك الذاتيه...

بأختصار المفهوم من طلبها انها تبيك تدعم البروبوزل بشي.. يعني ليش اخترته بالذات اكيد انك قريت عنها كتب ومقالات اكاديميه واخذت عنه باك قراوند كافي قبل لاتقدم عليه..... حاول تتعمق بالبروبوزل

تبي منك البروبوزال كامل بالتفاصيل اللي ذكرها الاخ اعلاه بالاضافه الى عمل سيره ذاتيه تشتمل على الغرض من عمل الدكتواره

اخي الكريم ابو جبل على فكرة راح اجرب هذا الشاي هههه
اشكرك كثير على مساعدتك الله يعافيك ويوفقك لكن بطولها معك وارجو ان تتحملني ، انا ارسلت لها بربوزل يحتوي على خلفية علمية كاملة عن الموضوع ولكن في الحقيقة لم ابين لها لماذا اخترت الموضوع وكذلك ليس لدي ابحاث سابقة عن هذا الموضوع او غيره وعلى كل حال كيف ترى يكون ردي عليها يعني سوف ارسل لها السيرة الذاتية والغرض من الدراسة بشكل مستقل في ملف وورد لحاله غير ملف البربوزل اما بالنسبة اني قريت عن الدكتورة فهذا لم يحصل فقط قرئت سيرته الذاتية من موقع الجامعة وارسلت لهاز
والان ياليت تعلمني وتوجهني كيف اقنعها واسف على الاطالة؟

لاخوان عقبوا وماقصروا

خل بقولك شي مهم عند هالدكاتره هاللي يشرفون على مراحل الدكتوراه.... هم بيعرفون ليش اخترت الموضوع ذا يعني على اي اساس ليش حبيته ليش تبي تبحث فيه ليش ليش... الخ يعني هم يبونك تقول انك مهتم جدا بالموضوع ذا وقرأت فيه كثير وتذكر كتب تتعلق بالموضوع ذا او مقالات علميه وحتى اكتب كتب عربيه اذا قريت منها شي وحط المرجع من وين....... بس هم مايبونك تختار موضوع ولاتدري ليش اخترته... طبعا كلامي عااااااااام على اغلب الجامعات ولافيه بعض الجامعات يقبلونك بدون بربوزل من القهر اهم شي تدفع

...... ان شاء الله انك فهمت علي....معليش اسلوبي ركيك شوي

واذا قبلوك علمن عشان ارسلك عينه من شاهي ابوجبل هديه

كما أشارو الأخوان

المطلوب هو بربوزال للرسالة موضحاً فيها:

1- خلفيتك العلمية عن الموضوع عن الموضوع سواء قراءات أو ندوات أو دراسات سابقة أو مواد تم دراستها يعني أي شيء يبين أن عندك خلفية عن الموضوع وأنا نصيحتي ماهو شرط تصف كل الأشياء اللي سويتها لا حاول تذكر شيء يبين أنك فاهم بالموضوع يعني بالعربي (اعرف من أين تؤكل الكتف)

2- Literature review المقصود هو دراسات وبحوث سابقة في نفس الموضوع وخصوصاً ما يكون مستعرض منها بواسطة مجموعة متخصصة في المجال ومقيمة من قبل هذه المجموعة << يعني أعتقد أن المهم أن لها قيمة ومعترف بها حيث أنهم ينظرون لها بهذا المعيار - أو أن تكون هذه البحوث مستعرضة ومدروسة من قبل زملاء لك في الدراسة أو في نفس مستواك العلمي << حقيقة peer review هذي ما أجزم بمعناها : (

3- الهدف من رسالة الدكتوراة هذه

وترسلهن على هيئة ملف ورد مع سيرتك الذاتية

أرجو أني أفدتك

الله يجزاكم كل خير والله ما قصرتوا وان شاء الله نتقهوا عندك يابو جبل ههههههههههههههههه