مين يدرس بجامعة keele

هلابك اخوي
جيت الجامعة قبل كم يوم عشان اقدم عليهم وقالو التقديم عن طريق اون لاين
لكن انت بتدرس ماستر او بكالريوس وماهو تخصصك ؟
يمكن افيدك بمعلومات عنها ؟ حسب كلام احد الاخوان لي .

هلا اخوي
انا بدرس ماستر ادارة موارد بشرية ان شاء الله
مدري يالغالي تعرف احد يدرس فيها حاليا في البيزنس سكول ؟

طيب اخوي عندك قبول مشروط او غير مشروط

اخوي البرنس
اول شي بيض الله وجهك عالمعلومات اللي كتبتها لي بالرساله الخاصه وللاسف ماقدرت ارد عليك عشان عدد المشاركات وصدق انك على اسمك برنس كثر الله من امثالك والله يوفقك ويوفقني ان شاء الله وجميع المسلمين
يالغالي انا معي قبول مشروط من جامعة كيل والقبول من قدمت عليهم لين جاني عالبيت قعد تقريبا 5 ايام
ثاني شي انا معي قبول غير مشروط من جامعة هل لاني جبت الدرجة اللي يبونها بالايلتس طالبين سته والحمد لله جبتها بس جامعة كيل قالو لي لازم بريسشنال كورس وحاليا انا ادرس بيرسشنال بيزنس متخصص في البيزنس فقط في جامعة بيرمنجهام وعلى حسب علمي انها الجامعة الوحيدة اللي تعطي بريسشنال متخصص في البيزنس في بريطانيا لاني بحثت ولاحصلت الا هم وداخله عشان استفيد وزي ماقلت لك معي انكودنشنال اوفر من هل
لما جاني القبول يالغالي من كيل راسلتهم وقلت لهم اني ادرس في بريسشنال بيزنس ببرمنجهام وان معي قبول غير مشروط من جامعة هل لكني افضل ادرس عندكم ع حسب النصايح اللي جتني من الفريندز والريلتفز وقالو لي جب لنا شهادة منهم انك تعادل ال 6ونص ف اعدت ارسال الايميل وقلت لهم ان جامعة بيرمنجهام راح يعطوني شهادة حضور فقط هل تقبلونها وفي انتظار ردهم عسا الله يكتب لي اللي فيه الخير ان شاء الله
وكتبت لهم بعد اني يوم ادخل كورس بيرمنجهام جايب 6 وراح ادرس معاهم 14 اسبوع متخصصه في البيزنس ف شي طبيعي لغتي ببتطور وخصوصا في مجال البيزنس الي هو مجال دراستي

اخوي البرنس نسيت اكتب لك بالرد اللي قبل ولا عليك امر يالغالي ممكن ترسل لي رقمك او ايميلك ع الخاص اذا مايضايقك طبعا اخوي
في انتظار ردك يا برنس

انا ان شاء الله طالع للجامعه يوم الاربعاء بقدم عليها..... لكن تعال يالبرنس ليش قالوا لك ان التقديم اونلاين؟؟؟؟ انت رحت للأنترناشونال اوفيس ولا نفس المدرسه اللي بتقدم عليها..؟؟؟
المهم
انا كلمت واحد من الشباب... فيها يدرس موارد بشريه ماستر وقالي صراحه الجامعه موب سهله بس انها تعطيك حقك وان نسبة السعوديين قليلة جدا جدا مادري ليش حتى ان التخصصات الثانيه نسبة السعوديين شبه معدومه وهذا بنضري شي غير جيد

هلا ابو جبل
انت وينك ادور عليك من زمان
ويرحم والديك عن النار وصلني لخويك انا عندي كم سؤال بسالهم اياه وتعرف المعلومات اللي عندنا مستحيل نفس المعلومات اللي بيعطينا اياها واحد يدرس الحين
لان الحيره لعبت فيني بهذلتني
مرات اقول ادرس بهل وخصوصا ان الموارد البشرية بهل اول سنه يدرسون هالتخصص السنه سبتمبر الجاي اللي هو ادارة موارد بشرية
ومرات اقول يارجال هذي اللي هي كيل مافيها اختبارات وقلق و7 مواد
الحيره والعذاب
في انتظار ردك اخوي

وفقك الله اخوي وبالتوفيق ان شاء الله ويسر الله امورك
وشكرا على الكلام الطيب ولاتشكرني ترى ماسويت شي

هلابك اخوي ابو جبل
بالنسبة للتقديم أون لاين حاولت اني اقدم عليها اون لاين وهو سهل مره وقدمت 3 خطوات وسويت لها حفظ وقلت احسن اروح لهم واقدم اوراقي للقسم القبول وقبل كم يوم طلعت لهم وجيتهم وقابلت حقين القبول ولكن قالو التقديم اون لاين أفضل وأحسن ولافية تقديم اوراق ورجعت متضايق ومشاوير وتكت ترين وبدون فايده لكن جعل في الأمر خيره ان شاء الله
بعد ذلك كملت خطوات التقديم أون لان ولا يأخذ منك نصف ساعة بالكثير
وبالنسبة لعدم وجود سعوديين ماادري ليش لكن المدينة صغيره على ماأظن ولايرغبونها الطلاب
واذا تبي اي استفسار أخوي ابو جبل تامر امر
وبالتوفيق