محتــ مغتربات ومغتربين بريطانيا ساعدوني فـ إخيار دولة الإبتعاث ـــاره

اخوي الكريم

هذا يعتمد عليك
يعني انت شوف وش تبغى بالظبط

كل دوله له حسناتها ولها مساوئها والمواضيع في المنتدى كثيره حول المقارنات بين الدول الي ذكرت
فانت حاول تدخل عليها وشوف مميزات ومساوئ كل وحده والي تنطبق مع مافي داخلك روحها وتوكل على الله

موفق

هلا اخوي " اموت اوصل "

مشكووور ع النصيحه .. ان شاء الله بشيك ع المواضيع

آميـــــــــ ربي يوفقنا ويآك ــــــــــن

اولاً ليش اخترتي بريطانيا او كندا


انا صراحتاً انصح تروحين لامريكا <<طبعا لازم المحرم

دراسه صح وحيات صح وكلش صح مافيه اخطاء

مسااللخير اختي العزيزه
في رايي الخاص بريطانيا تمتاز على امريكا في عدة امور ..
اولا .. قربها من السعودية نسبيا وتواجدها بجانب الدول الاوربية المهمه مثل فرنسا وهولندا ولمانيا وسويسرا وغيرهم..
ثانيا.. اللغة الانقليزيه البريطانية اوضح من الامريكية وافصح...
ثالثا.. بريطانيا بلد صغير ومدنها صغيرة وقريبه من بعض وعشان كذا التنقل بين المدن سهل جدا ومايحتاج طيران وحجوزات وتعب
خصوصا مع وجود شبكة قطارات جبارة تربط كل بريطانيا مع بعض بالاضافة الى شبكة الباصات برضو..
رابعا.. بريطانيا جوها جميل جدا جدا مع انه اغلب فترات سنه يكون بارد وامطار في اغلب الايام مع وجود مناظر طبيعيه ساحره
وخضره على مد النظر في اغلب المناطق..
خامسا.. بالنسبة للنظام التعليمي فجامعات بريطانيا مثلها مثل باقي جامعات الدول المتقدمه من ناحية وجود جامعات عريقه وصعبه ومعقده
و جامعات متوسطه وجيده وجامعات سهله ومشي حالك ويهمها الجانب الربحي فقط.. ولكن بشكل عام الجامعات البريطانية تركز على البحوث في التقييم اكثر من تركيزها على الاختبارات النهاية بل كثير من الجامعات البريطانية ماعندهم اصلا اختبار نهائي بل يطلبون من الطالب القيام بابحاث ومقالات اكاديمية طويلة فقط..
سادسا.. الجامعات البريطانية غالبا ليست معقده في القبول باستثناء الجامعات العريقه ويوجد عندهم كورسات اكاديميه في اللغة مخصصه للي ماجابو شرط اللغة في اختبار الايلس..
سابعا.. بريطانيا تتمتع بوجود نظام سياسي من ارقى الانظمه الحاكمه في العالم وبدون منافس من ناحية احترام الانسان وحماية حقوقه
بانواعها الثقافيه والدينيه والسياسيه والاجتماعية وحسن المعامله وعدم التمييز بين مواطن واجنبي او ابيض واسود او امراءه او رجل
وتمنح جميع من هم على ارضها الحرية المطلقه في ممارسة مايريدون دون تدخل حتى لو من اكبر راس في البلد بالاضافه الى النقطة
الاهم وهي الامان في بريطانيا والحمدلله يوجد فيها امان فوق الوصف والنظام بشكل عام حريص جدا على حماية الناس وبريطانيا مرصعه
ومتروسه بكاميرات المراقبه في كل شارع تقريبا..
سلبيات بريطانيا.. اولا .. غلاء الاسعار والمعيشه بشكل كبير خصوصا في المدن الرئيسيه وعلى راسهم لندن والمناطق القريبه منها
من ناحية السكن وتكلفة التمشيات والنزهات والمطاعم والمقاهي و وسائل النقل..
ثانيا .. الشعب البريطاني شعب محترم بشكل عام و واعي وماعندهم عنصريه في التعامل ويتكلمون معك باحترام واضح ولكنهم شعب
متحفظ جدا وغير منفتح على الاجانب ولايختلطون نهائيا بالجنسيات الاخرى ولا حتى يبادرون باية كلمه مهما كان الموقف الا اذا انتي
سالتي شخص معين عن شغله معينه مثلا.. وهذي تعتبر سلبية بالنسبة للطلاب اللي ودهم يختلطون بهم عشان يقوون لغتهم.. حتى العوائل البريطانية للاسف غالبا مايهملون الطالب ومايتكلمون معه بالشكل المطلوب..
ثالثا.. الفيزة البريطانية اصبحت معقدة وصار الطالب لازم يلتزم بالمعهد اللي جاب القبول منه وتكون مدة الفيزه على مدة القبول تقريبا
واذا ما صار المعهد كويس وحب الطالب انه يغير المعهد لازم يطلع فيزه جديده ويلغي فيزته الاوله ويدفع رسوم جديده..
اتمنى لكي التوفيق واسف على الاطاله..

مرحبـا أختـي

نصيـحة أخ أدرسـي في أمريكـا ولا تفكريـن بغيرهـااا أبداا

بريطـانيـا لهـا مزايا بس عيوبهـا أكثر ,,

تقلبـات الجوو ,, متعبـة جـدا ,, بريطانيا في الشتـاء متعبه ,, الغـلاء,, صعوبه الاكسنت البريطاني ( يأكلون الكـلام )

مالكـ مجـال تتعلـم الانقـلش خارج حدوود المعهـد ,, شعب بارد جداا ,, والدليل أغلب الطلاب في ليفـل الانترميديـااا ,,

مع العلـم لهـم مدة طويـله ,,

دمتي بود

هلا بك اخوي

انا اخترت بريطانيا لأنها قريبه .. وكندا سمعت كثير يمدحونها

ولأنو أساسآ .. أنا طالبه فـ كلية التقنيه ومو أي دوله مسموح الإبتعاث لها

اللي عرفت انو حددوا "بريطانيا,,ايرلندا,,نيوزيلندا,,وكندا"

يعطك العافيه ع المرور والنصيحه

هلا بك اخوي Khalid 111

ربي يجزاك الجنه ماقصرت والله بالعكس كفيت ووفيت

احرجتني بكرم أخلاقك ,, لكن ماادري ليش احس اني مو مرتاحه كثير لـ بريطانيا

أنا يهمني الشعب كثير إنو يكون متعاون ويختلط مع المبتعثات والمبتعثين عشان تكسب اللغه اسرع

وودي فـ البدايه أسكن مع عائله وبرضو اللي عرفت انو مررره غاليه

لكن مايمنع إنو تكون من اختياراتي يمكن تكون هي أفضل دوله بين رغباتي "وعسى أن تكرهوا شيءً وهو خيرٌ لكم"

هلا بك اخوي مشعل ,,

نصيحتك مهمه بالنسبه لي واحتاجها ,, وحسيت إنو عيوب بريطانيا كثيره أو بالأصح خليني أقول

الأشياء اللي تهمني كثير لقيتها عيوب فـ بريطانيا

وبرضو كثير أسمع إنو الآكسنت مررررره صعب عندهم " الله يعين "

يعطيك العافيه وربي يوفقك فـ حياتك

ويـوفقكـ ربـي ,,

دمتـي بـود