الي عنده اجابة يفيدني ارجوكم

سؤآلك صعب


لآنك مخليه بشكل عآم

حدد وش اللي آنت تبي تفهمه من الاغرآض يعني


وآذآ قصدك آغرآضك اللي يمكن تحتآجهآ هنآك ,, فشف موضوع مثبت بيفيدك من الالف لليآء

والاجرآئآت ,,

آشآعه لصدرك ,, وآورآقك الرسميه خلها قريبه لك لو آحتجتهآ


بالتوفيق

اخوي الكريم قصدي بسوال وش اجراتهم في المطار يعني اروح من الساعة كم.......الى اخره وشكرا

تروح قبل الرحله بثلاث سآعآت ,, وتشحن الشنآط ,, وتقص البوردينج

وتجلس بصآله المطآر تدخن وتشرب كوفي لحد مآيفتحون البوآبه ,, بعدين تطفي زقآرتك وتحط كوب الكوفي في سله المهملات ,, وتروح تركب الطيآره ,, وآذآ جلست ع المقعد تربط الحزآم ,, وتقفل الاجهزه الالكترونيه اللي معك ,, وآذآ جآك نوم سم ونم ,, وآذآ جعت والا عطشت آطلب منهم يعطونك اللي تبي ,, وآذآ وصلت هنآك ,, فك الحزآم ,, وشغل جوآلك ,, وآنزل من الطيآره ,, ورح آستلم شنآطك ,, وآطلع لآقرب تآكسي ,, وآسآله بكم للمنطقه الفلانيه ,, بعدين آركب ,, وآربط الحزآم لحد مآتوصل للبيت ,, بعدين فك الحزآم وآنزل ولآتنسى تعطيه حسآبه ,, بعدين طق باب البيت ,, وآدخل ,, وآذآ عندهم بنوته حلوه ليتك تتميلح قدآمهآ من آول يوم < عشآن يشوتونك هع


آتمنى يكون شرحي مفيد

الله يعطيك العافية بس للحين موضحتلي طريقة الجوزات يعني يلطعونك ولالا وشكرا

لآ يآحبيبي مآتطول آبد ,, تمسك سرى مع الخلق ,, وتعطيهم جوآزك يختمون لك آذآ آمورك تمآم وتتوكل ع الله < الا آن لزم عليك آحد الضبآط تتقهوى معه فهذآ شي ثآني هع



توصل بالسلامه يآغآلي

يزيد , سؤالك جداً عام ...

عن اي مطار تتكلم , فليس كل المبتعثين لبريطانيا يأتون لمطار هيثرو .

هل تتكلم عن هيثرو بالتحديد ؟ أم المجيء إلى بريطانيا من أي جهة , وأين أنت في بريطانيا , هل في الجنوب او الشرق أو الغرب وهكذا ,

مثال , أنا تحاشيت مطار هيثرو وزحمته من خلال المجيء عبر باريس شارديقول . طبعاً من الرياض . ومن باريس ساعة وانا في نيوكاسل .

طال عمرك انا طالع من مطار الرياض الى مطار هيثرو والمدينه الي في بريطانيا هي بورتسميث في الجنوب

احوي زبطت تاكسي والا لسا انا عندي ارقام عرب من نفس المدينه بورتسموث يجونك للمطار ويودونك لبورتسموث واسعارهم رخيصه واذا حظك حلو ممكن تركبو كذا شخص وتتقاسموا الاجره

اذا احتجتهم لايردك الا لسانك وانا مجربهم ومره تمام واخلاق عاليه جدا جدا جدا

والاهم اتمنى لك اقامه سعيده في بريطانيا وربنا يسهلك امورك دنيا واخره

الله يجزاك خير والله يسر امرنا وامرك