كيف استخدم الباصات في بريطانيا ؟

انا مثلك الوفا انا جاية بعد كم يوم انشاء الله وما اعرف في بورنموث ولا شيء ابيييض الله يعننا انشاء الله انتى تدرسين معهد ولا جامعة عشان ابغى احد معاى منى عارفة ولا شيء على الاقل احد يدلنى الله ييسرلنا انشاء الله

اذا وصلتو بالسلامة .. اسألو عن bus station بالمنطقة ... وخذو معكم صورة شخصية وقبولكم الاكاديمي او قبول المعهد ... والأسعار تختلف من شركة لشركة ومن منطقة لمنطقة عادة بين الـ30الى 50 باوند ع حسب شركة او كل الشركات .. نصيحتي تشوف عنوان السكن قبل + عنوان المعهد او الجامعه + عنوان الستي او التاون سنتر حقكم .. تتأكد ان الباص الي بتشترك بشركته يمر عليهم كلهم وهذي عن طريق الزملاء الي بالمعهد وان شاء الله مارح يقصرون أو الي يشتغلون بالمعهد .. وتطلعون تكت الباص وتراهـ موضوع تافه لاتشيلون همه

حياكم الله في بورنموث والله بدت الزحمة عندنا وخاااااصة العرب الله يحييكم عموما >>خخخ
وموضوع الباصات سهل جدا ,, في بورنموث شركتين للباصات وحدة لونها اصفر ومركزها في السكوير|(التاون سنتر)
وتخدم السنتر وشرق بورنموث بشكل كبير ومكثف
والشركة الثانية لونها ازرق على احمر وومركزها في دولفين سنتر وتخدم السنتر وغرب بورنموث بشكل كبير ومكثف
حتى تحددي اي باص تاخذين لازم تعرفي سكنك مع العائلة وين(عساكم لقيتو عائلة تسكنون فيها لانه فيه ازمة سكن)
وتشوفي اقرب باص ستوب عندك وين مكانه وكذلك المعهد وين مكانه وهل الباص يوقف عنده او لا(وكلها سهلة وبسيطة يعني لاتشيلون همها) لكن والله المعاهد بدت تكتظ بالعرب الله يبارك فيهم اهم شي.. وعساكم وفقتو في اختيار المعهد؟!!
وطبعا تقدرين تاخذين الباص يوم كامل او اسبوع واحد او شهر
وبطاقة المعهد والاثباتات مش ضروريه هناك اهم شي معك فلوس وتدفع حتى القطار بتسافرين من جنوب لندن الى شمالها محد يطلب منك اثبات...
أتمنى اكون وفقت في تبسيط الموضوع عليكم وتوضيحه
واي استفسار حاضرين..
بالتوفيق في دراسة اللغة

ايش رائيكم يا جماعة في معهد ويست بورن او كابلان الأفضل ؟

ميزة ويستبورن جدية في الدراسة , نظام ,مدرسين غالبهم كفاءات , مو استغلاليين في تقسيم الليفيلات بشكل مبالغ فيه
اسعارهم رخيصة , واهم ميزة بالنسبة لي انه مايقبل طلاب الابتعاث وبالتالي يعتبر من اقل المعاهد حضور العرب فيه
وان كان بدو يتوافدون علينا فيه حاليا وخاااصة من عمان الشقيقة (بس ونعم الشعب)
اما كابلن جنبنا لكن مااعرف عنه شي سوى انه يقبل طلاب الابتعاث وفيه عرب اكثر من ويستبورن
وبالتوفيق ان شاء الله لكن اذا كنت جاي بالصيف فاتوقع راح تواجه مشكلة في توفر عائلة ....

كابلان يذمونه ..

بالتوفيق