ليش دكاترة بريطانيا يعاملو الطلاب كذا ؟

الجامعات هنا في بريطانيا


عندهم 3 تقادير الاول هو باس وهذا من 40 الى 60 والثاني ميريت وهو من فوق الستين والثالث وهو الامتيار ديكستينشن وهو 70 واعلى وبس

يعني اللي يجيب كل مواده 70 هذا امتياز وبالتوفيق

نعم هذا الشئ ملاحظ , فوق الــــ 70 الطالب ما ياخذ , لكن عسى الله يسهل

ذكرتيني بزوجتي, تقولي افاااا جايب 70 او 65 وانا اقولها تراها ممتااااااز وقابليني لو جبتيها هههههههههه حتى الوالدة الله يحفظها ويشفيها لمن اقولها نجحت وجبت في 3 مواد 60 تقول افا!! يلا ان شاءالله المواد الثانية تجيب احسن.

صحيح, نظام التصحيح والتقييم في جامعات بريطانيا شديد وهو ليس حكر على طلاب جنسية معينة او دكاترة من جنسية معينة والدليل قوائم اعلان الدرجات. فيه طلاب ياخذو 70 وفوق, وبعضهم يوصل فوق ال80. بس الفرق زي ماذكر اخوي سليمان ان عندهم ال70 "امتياز" بينما عندنا ال70 "جيد"!! لو رجعتي لكتيب برنامجك رح تلاقين شرح للدرجات يوضح وش معنى ومتطلبات كل نطاق من الدرجات. مثلا 60-70

اذكر في الاسبوع التعريفي قالنا مدير برامج الماسترز في الجامعة بانك لو حفظت الكتاب واختبرت بتجيب 60
ولو قرأت من مصادر اخرى غير الكتاب ووسعت معرفتك بالمادة رح تجيب 70
واذا اضفت على ماسبق تحليلك ونقدك الشخصى رح تجيب 80 وهكذا

هي فعلا طريقة مختلفة لنا نحن حيث تعودنا على حفظ الكتاب من اوله لاخره ونحصل على درجة فوق ال90 ولكن هي مفيدة للطالب بحيث لايعتبر ماهو مذكور في الكتاب المقرر بأنه هو الصح 100% وانه لايمكنه ان يعارضه او ينتقده. وبالتالي يقرأ ويناقش ويتحاور ويقدم وجهة نظره الشخصية حول الموضوع.

الموضوع فيه شيء من الصحة لكن بعض الأخوان مهول الموضوع بزيادة !
..

عشان تكون الصورة أوضح للي ما بعد بدأوا الدراسة أو يعتقدون أن الموضوع صعب و مستحيل و الماستر كابوس و و و ..
النظام البريطاني في الدرجات معروف من زمان أنه نظام بخيل في الدرجات, و لا أحد يصور لك انه بس علينا إحنا السعوديين و عشان فلوس و و كل الطلاب اللي تدرس معك تراها دافعة زي المبلغ اللي انت دافعه بعدين ما أذكر في دكتور سألني عن جنسيتي ولا عن ديني ..
الناس سواسية في 99% من الحالات و لكن طبعاً لكل قاعدة شواذ و لا أظن النسبة تتعدى الـ 1% و من الظلم تقيس نظام تعليمي كامل في بلد زي بريطانيا مثلاً على الـ 1% ..
نكون منصفين شوي ترا حتى البريطانيين ما ياخذون أكثر من 70% إلا في حالات نادرة جداً ..

النظام بخيل لكن في نفس الوقت منصف ..
النظام الأمريكي المطبق في السعودية نظام منطقي لكن بطريقة أو بآخرى يشابه النظام البريطاني, كيف ؟

النظام الامريكي يعتمد على نظام القريدات يعني ( ممتاز مرتفع - ممتاز - جيدجدا مرتفع - جيدجداً ....)
البريطاني نظام معدل عام جداً يعني اللي ياخذ 51 بالضبط نفس معدل اللي ماخذ 59 القريد واحد ..

النظام الامريكي كويس للطالب الجيد لأنه بيفرق عن الطالب اللي أقل منه بشوي حتى لو بدرجة واحدة ..
البريطاني كويس للطالب العادي يعني اللي يبي ينجح لأن حتى اللي يفرق عنك بـ 9 درجات مسمى المعدل هو نفسه !!
النظام البريطاني ما فيه إلا ثلاث مستويات و النظام يختلف من جامعة لجامعة
في جامعات درجة النجاح فيها من 40 و جامعات 50 و جامعات 60
نضرب مثال بالجامعات اللي تنتهج نظام الخمسين كونه الأوضح ..
تحت 50 راسب
50-59 ناجح
60-69 درجة الإستحقاق Merit
70-100 درجة التميز Distinction

اللي يقول لك أنك ماتاخذ 70 أقول له إلا تقدر تاخذ بس حط في بالك أن المعيار مو معتمد عليك كطالب أجنبي المعيار عليك يالأجنبي و على البريطاني علشان يكون فيه عدل, يعني معيار التصحيح يكون دقيق شوي لكن موش مستحيل ..
و ترا موش صعبة سعوديين كثير ماخذين هالدرجة !

موفقين

مرافق مبتعثه


دعائي لك بالشفاء العاجل

دمتم في حفظ الرحمن

السلام عليكم جميعا
اشكر الللي كتب هذا الموضوع جزاك الله خير
واشكر على الردود على الموضوع خاصه الكاتب ' كان '
انصح اي طالب يدرس في اي جامعه بريطانيه يكون عارف النظام زي ما كتب اخونا ' كان '
اتمنى لكم التوفيق والنجاح الدائم

مرافق للمبتعثه

مع احترامي لوجهة نظرك لكن الموظوع ماله دخل بالإسلام والأديان... وهذي اليهوديه مع اني في نفس الجامعة ما أعرفها كل المدرسات اللي عندنا مسيحييات لكن ممكن تكون احداهم يهوديه واحنا ما ندري واذا كانت قالت هالكلام عليها من الله ما تستحق ولا ننتظر منهم انهم يمدحون الاسلام هذا ديدنهم على مر العصور.

بالنسبة لنظام الدرجات هو نظام عندهم ما احد ياخذ اكثر من سبعين إلا ما ندر ومع ذاك من يأخذ 70 يعتبر إمتياز وهذا ما نطمح إليه إمتياز .... ولا أخفيك إني أوافقهم في هذا النظام لأنه بالعقل ما فيه احد كامل ولا فيه احد يستاهل الميه بالميه وضربت لكم المثال أن انشتاين لو أنه عندهم لأخذ 80 بمعنى أخر ما احد حياخذ 100 ...... إذاً ما نطمح إليه هو الإمتياز وهذا يحصل بدرجة 70
بالنسبة للأخت اللي في البريسيشنال كورس انا في نفس البريسيشنال كورس نفسه في ميتروبيلتن وكثير من الطلاب جابو 65 وانا جبت ستين واحمد ربي لأنها بنظامهم تعتبر درجة جيده جداً.... بالتوفيق