بالنسبة للجوال في ديرتكم

وياك إن شاء الله ... الله يبارك فيك :
فعلاً شركة ليبارا كانت كذا أول .. حتى لو ما فيه رصيد ممكن الواحد يكلم من ليبارا لليبارا طول اليوم ..
وبعدها غيروا نظامهم وصاروا يعطون الواحد دقايق ورسايل من ليبارا لليبارا تستخدم خلال فتره معينه وعددها وفترة استخدامها يكون على حسب مبلغ الشحن ... مثلاً :
إذا نشحن بـ 5 باوند يجيك 100 دقيقه و100 رساله من ليبارا لليبارا ( طبعاً هذا بلإضافه إلى رصيد الشحن اللي هو 5 باوند هنا ) ولازم تستخدم هالدقايق والرسايل خلال 10 أيام ولا تروح عليك
ومثلا إذا نشحن بـ 10 باوند يجيك 250 دقيقه 250 رساله ومدتها 15 يوم
و 20 باوند 500 دقيقه و500 رساله خلال 20 يوم
و30 باوند 1000 دقيقه و1000 رساله خلال 30 يوم .. وطبعا زي ما قلت كل هذا بالإضافه إلى الرصيد المشحون
وبالمناسبه شركة ليبارا ما عندها إلا شرايح مسبقة الدفع ..
وهذا موقعهم ويدعم اللغه العربيه : Lebara Mobile - International mobile phone calls & SIM cards
وأتذكر كان فيه وحده من مميزات شركة فودا فون للشرايح المسبقة الدفع ( ما أدري إذا موجوده للحين ولا لأ )وهو إن الواحد يدفع 5 باوند شهريا ويختار 5 أرقام أو 3 معهم فودا فون نفس الشي وتكون المكالمه لهم مجانيه طول الشهر حتى لو حتى كان الرصيد صفر ..
وكل شركه تتميز عن غيرها بشي فالواحد يدور وش اللي يناسبه منها ويتوكل على الله ويختارها .. وممكن الواحد يجرب الشركات كلها عشان يكتشف بنفسه الفرق بينهم لأن شرايح كل الشركات متوفره في كل مكان تقريبا وكل اللي يسويه الواحد إنه يشتري الشريحه ويركبها في جواله ويستخدمها على طول بدون ما يسوي أي شي ثاني ( لا تسجيل ولا غيره )
و عموما ما سوينا إلا الواجب .. وحاضرين لأي استفسار دايماً ..