مساعدة كم يوم انتظر طال انتظاري وتعب صبري

بالنسبة لي انا رحت بنفسي للمعهد وناشبتهم وفي خلال ٣ ايام واحسها كثيرة لانهم سو لي اختبار تحديد مستوى لان الايلتس اللي مقدم فيه قديم ،عطوني اياه ،،
لكن بما انك عن طريق مكتب فبالكثير ياخذ اسبوعين ، ولو تبين النصيحه المكاتب ما وراها سنع ، خذي رقم المعهد وكلمي بنفسك وقولي لهم خلال ٤ايام ما اذاما وصلني الكاس نمبر بشوف غيركم ، واذا اقدر اساعدك بشي ترى حاضر ومن عيوني ،*

مااقدر اقولهم بشوف غيركم لاني خلاص عطيتهم الضمان المالي وهم عارفين انو راح ادرس عندهم بس بعد هم من شروطهم مايعونك الكاس نمبر قبل ماتجيب الضمان المالي هذا النظام الجديد للفيز بس ابي اعرف كم مدة يجلسون عشان يعطوني الكاز نمبر

مالك الا تتصل عليهم ...تتصل على مكتبا لطلاب الاجانب وتقولهم انك عندك موعد لتجديد الفيزا ..... هو بالعاده اسبوع ويطلع

والله ياابو جبل مابقى من الفقشات الا وعطيتهم ومن كثر مادقت صارو مايردون علي قلت لهم موعدي في السفارة اليوم الفلاني اكرشوني وقلت لهم بعدي يومين رحلتي حاجزه عليها ماردو علي خليت صديقتي تروح لهم قالو لها نفس الكلام بنرسله ايميل والله يسهلها يارب


عاد صديقتي تقول يمكن الطلاب المبتعثين معطينك عين اكتبي موضوعك في المنتدى تطيح عيونهم <<<<<=====تفكير نسوان بس ترى من جد قالت لي كذا

أنا حولت لهم الفلوس، بعد وصولها بثلاثة أيام ارسلوا لي على الإيميل إستمارة فيها البيانات الي راح تكون في الCAS (الأسم / رقم الجواز / العنوان،،، )عشان أتأكد من صحتها، رديت عليهم في نفس اليوم، و في اليوم الرابع أرسلوا لي الCAS.

الله ييسر أمورك.

تحياتي،
د.علي

طيب اخوي د.علي الاستماره الي فيها البينات الي لازم تتاكد منها عشان الكاز نمبر لازم اطبعها واوقعها وارجع اسويها سكان وارسلها لهم ولا كيف ؟؟؟

لان سبق وارسلو لي رساله اسمها Acceptance form وطبعته وقعته وارسلته لهم وهذا ماله دخل بالكاس نمبر هذا توقيعي على قبول الكور الي انا اخذته بس

بالنسبه لي كان إيميل فيه جدول فيه البيانات، تعدل عليها إذا فيها غلط، وترسلها عن طريق اللإيميل، و هذا مختلف عن نموذج القبول الي وقعتيه.

تحياتي،
د.علي

هلا وغلا كل عام وانتم بالف خير

انا ارسلت لهم الضمان بالايميل

خلال خمسة الى ستة ايام ارسلو لي الكاست نمبر علىالايميل

اتمنى افدتك لكم كل الود

الله يعطيكم العافيه جميعا"

لكن خوي مبتعث انا سويت الي علي وان شاء الله ربك يسرها مشكور ماقصرت