استفسار عن معهد اللغة والمدينة ( مشورتكم )

لهدرجه سؤالي صعب بصراحه احبطت ..

thanks anyway

الاخت الفاضلة
صبرك الاخوان نائمين وصحوا راحوا دروسهم

هناك عدة مدن ومعاهد مناسبة في الشمال والوسط والجنوب

مثل يورك وليدز
كولشستر و
ايست بورن واكسترو بريتون

وغيرها

تواصلوا معي لاختيار المناسب لكم

مشكووور ابو ساري جداا..

والله انا مستعجله ومحتاره بنفس الوقت بس الحمد لله جلست ابحث بنفسي ولقيت معاهد حلووه بس برضوا مانستغني عن مشووورتكم ..

صباح الخير اختي معيدة
راح اعطيك معلوماتي عن كيمبريج من واقع خبرتي البسيطة عنها لاني درست فيها 6 شهور السنة الماضية..
اولا.. معاهد اللغة
كيمبريج فيها معاهد لغة كثييرة مررره وبعضها متميزة وبعضها معاهد مشي حالك حسب كلام اللي درسو فيها..
انا شخصيا درست في معهد يورو سنتر وبصراحة كان معهد ممتاز جدا ومدرسينهم جدا متميزين وطريقتهم في التدريس واضحة
ومتمكنين واصحاب خبرة.. والمعهد يعطي الطالب كتابين اصليات مو تصوير اوراق وكلام فاضي زي اغلب المعاهد..
حتى المعهد مبناهم كانه مبنى كلية وكبير ومرتب بصراحة..
يوجد ايضا معهد ايمباسي برضو كانو اللي يدرسون فيه يقولون انه ماعليه كويس.. عندك برضو معهد متميز اسمه بيل سكوول لكن اذكر ان الملحقية كانت ترفض تعطي الطلاب ضمان مالي عليه لانه غالي حسب كلامهم.. عندك برضو معهد اي اف برضو معهد كويس
ويمدحونه اللي كانو يدرسون فيه..
ثانيا.. المعيشة والسكن
كيمبريج مدينة حلوة وهادية وامنة جدا ومليانة طلاب واهلها متعودين على الوضع هذا وفيها شارع اسمه ميل روود مناسب للعرب
لان فيه بقالات ومطاعم حلال وفيه المسجد.. وبرضو عندك المكتبة الخاصة بجامعة انجليا راسكن مفتوحة تقريبا 24 ساعة ويقدر اي
شخص يروح ويقرا فيها ويستفيد من خدماتها مجانا حتى لو كان مو طالب في الجامعة وموقعها على شارع العرب اللي قلت لك..
الاسعار في كيمبريج للاسف غالية شوي مقارنة باغلب المدن البريطانية خصوصا السكن والمطاعم لكن في نفس الوقت الاسعار بشكل عام مقدور عليها ان شاالله.. تتميز كيمريج بوجود مسطحات خضرا وحدائق كثيرة جدا حلوة وفيها زي النهر الصغير نسيت اسمه يمر من عند السنتر وكليات جامعة كيمبريج..
اتمنى ان افدتك بالمعلومات البسيطة هذي وحاضر لاي استفسار والله يوفقك ويسهل امرك..

مشكوووور يا أخ خالد على المعلووومات المفيده

هل اليورو سنتر غير موقوف من قبل الملحقيه ؟

وهل تظن فروعه الثانيه في مثلا برايتون نفس الجوده والقووووه؟

وماهو التركز في المعهد ؟ ممكن تتكلم عن الدراسه فيها وهل فيه تركيز على الكتابه وهل فيه كورسات اكاديمك وكورسات تحضير ايلتس ؟ وهل ممكن اجمعها سووا ؟ لان برضوو دخلت على الموقع ومافيه تفصيل

و هل سهل ايجاد سكن في كامبريدج؟

وهل تنصحيني اغير المدينه عشان غلاء المدينه؟ يعني مثلا تكون مدينه ثانيه اقل تكلفه وفيها معاهد قووويه ؟؟


انا الان في بالي الامباسي واليوورو سنتر لانك نصحتني فيه ؟ هل تتوقع فيه معاهد قوووويه ممكن افكر فيها حاااليا في مدن ثانييه ؟

انا طبعا ابي معهد قوووي جدا ومناسب للمستوى المتقدم وفيه تركيز على الاكادميك اسبكت وكمان على الرايتنق ابي شغل مكثف جدااا وفيه تحضيير للايلتس ..


والله يجزززاك خيير على رحابه صدرك واخلاصك ...

جزيل الشكر

كامبرديج مرره حلوووه ومعاهدها كويسه بس للاسف ما لقيت سكن ! حتى في رايت موف مو محصله ..
ماادري هي على الدووام كذا ولا كيف ...

طموح معيده
حابه اقولك شغله مهمه

اذا انتي مبتعثه من قبل جامعة الملك سعود
فلااااااااااااااازم يكون المعهد تابع لجامعه يوجد بها تخصصك الدقيق ... انتبهي للنقطه هذي لانهم مايبتعثون لمعهد تجاري ابدااا

اما اذا كنتي تابعه لجامعة ناشئه
فعادي تحظرين قبول من معهد تجاري + قبول ماستر في جامعه معترف فيها لازم الاثنين سوااا


وبالنسبه للمعاهد اللغه ياريت تبحثي بشكل دقيق وتستفيدي من اراء الطلاب اللي درسو هناك لان مو كل المعاهد سمعتها طيبه
واهم شي تختاري منطقه ماتكون غاليه في المعيشه

يعني حطي كذا اعتبار في راسك قبل تبحثي

وبالتوفيق يااارب

أهلين ياقلبي تسلمين على هالنصائح الذهبيه .. انا تقريبا جبت السكووور في الايلتس خلاص وحصلت قبول غير مشروط من جامعه وكمان حتى معاهد الجامعه اللي تبدا في جانيوري اللي اطلعت عليها كلها مستويات اقل من مستوااي بكثيير .. عشان كذا ابي معهد اكاديمي مضبوط..


وفعلا زي ماقلتي الواحد يدور مكان مافيه غلاء معيشه .. بصراحه اكسفووورد وكامبريدج ناااااااار هذا غير اني مالقيت اصلا سكن في كامبريدج هههههه مع المعاهد هناك هي الافضل حسب بحثي ..

الله يعيين مشكوووره كثييييييييير ..