استفسار - ادخل وريح بالي الله يوفقك ويسهل امورك ولايعسر عليك شي

اخواني المبتعثين
قبل كل الشي اللي بيرد واللي مايرد اسأل الله ان يوفقه وينجحه ويسهل امرة ويفرج كربة وهمه وغمة ويسهل دراسته ولايعسر علية ويوفقه ويسهل بحوثه ويرزقه التقوى وينسية غمومة واسأله سبحانه ان ينجحه بشهادات التفوق ويسهل دراسته في الغربه

عندي استفسارات بسيطه جداً رد عليها وانت ماشي الله يوفقكم

طبعا في البدايه انا ماكان في بالي شي اسمه ابتعاث لكن بعد ان تعرفت عليه صرت مهووس بشي اسمه ابتعاث وناوي بل وقررت الابتعاث بعد عون الكريم المنان وعندي وابغى جامعه برمنجهام وتقريبا ما ابغى الاى هي وعندي طموح مرة اني اجرب البعثه علماً باني ادرس بكالريوس ادارة اعمال وباقيلي سنتين على التخرج

استفساراتي
-- اللغه هل تأخذ مدة طويله وهل استطيع ان اخلصها بالكامل في موعدها المحدد وهل هي سهلة او صعبه وكم احتاج من الوقت حتى اتقنها طبعاً من الضغط والمذاكرة المتواصله

مافي شي سهل ومافي شي صعب..لو حاط في بالك اننك تتعلم بتتعلم ان شاء الله .. عندي وحده من صاحباتي جت وهي ماتعرف شي بالمرره خلال سنه وسبعه شهور تقريبا لغتها تطورت كثييير.. وفيه ناس يجلسون يدرسون لغه ثلاث سنوات ويحوسون في لندن والنايتسبريدج المهم يعني من الاخر كذا يعتمد عليك انت ومدى جديتك في الدراسة وتركيزك .. وان شاء الله لكل مجتهد نصيب ..

-- اختبار الايلتس او الايلس (ما اعرف اسمه بالضبط) هل هو صعب او سهل لاني اعرف واحد رجع من البعثه وكنت اسولف معه وقالي مرة صعب ويطلبون 6 وماتقدر تجيبها لو ايش طبعاً ان خفت كثير بس ماعلي منه انتو قولولي عنه وهل اقدر اعديه وادخل الجامعه وهل الافضل الايلس او التوفل او ماني مخير بينهم

الايلتس غالبا تتطلبه الجامعات البريطانية والتوفل الامريكية ,, نصيحتي لك "لاتسمع كلام الناس الا بعد ماتجرب انت بنفسك" .. نااس كثيرين ماشاء الله عدوا اختبارات اللغة وجابوا درجات عاليه مرره ..الواحد يدرس ويشد حيله وتعبه ان شاء الله مايضيع..

-- هل اسكن في شقة لحالي او اسكن مع عائلة لاني سمعت ان لغتي بتتطور اكثر اذا سكنت مع عائله وهل ابتعد من العرب حتى اتعلم اللغه

اذا جيت تبدا تفكر بهالاشياء ,, لكن انا اشوف ان العائله افضل لانك على الاقل بتمارس الانقلش معاهم ووتعرف عالكالتشر والشقه مرره متعبه من نواحي كثيره والا هي زينه

-- هل تأقلمتوا بسرعه في بداية ابتعاثكم مع البلد واهل البلد ووش الصعوبة اللي واجهتكم

امممم ماادري بس انا تأقلمت من اول يوم لاخر يوم ماشاء الله .. ودي ارجع الحييين الحيين وماواجهتني اي صعوبات ياربي لك الحمدلله الا كلها اشياء حلوة )

-- كم يحتاج اجيب معي فلوس في بداية الابتعاث لان احوالي الماديه تعبانه واحتاج اجمع من الحين

امممم ماعرف بهالامور صراحة بس بتحصل كثير مواضيع بالمنتدى تتكلم عن هالنقطه ,,حاول تقراء بالنت بمنتديات المبتعثين ..وبامكانك انك تقدم عن طريق برنامج الملك عبدالله اذا معدلم مرتفع وانت ماستر بتدرس يعني ان شاء الله تنقبل ..بس انت ادعي ان البرنامج يستمر عشان بعد اختي تروح واخوي

-- مما زاد همي اني سمعت الابتعاث لبريطاينا مقفل لكن عندي امل انهم يفتحونه على بال ما اتخرج (اذا تعرف شي عن الموضوع قول)

هو صحيح متقفل حاليا لكن يمكن ينفتح خصوصا انو فيه كثير طلاب تخرجو وبيتخرجون ..

-- من وجهة نظرك وين احسن بريطانيا او امريكا

هذا السؤال مااعرف كيف يتجاوب بصراحة .. بس الاكيد ان البلدين كلهم حلوين

طيب هل اقدر اكمل في نفس التخصص ادارة الاعمال
ام لا وانا الحين احاول اتعلم اي كلمة انجليزية لاني ميح واختبرت نفسي في مصطلحات التخصص وتمام التمام ولكم كامل الشكر

بالنسبة للتخصص طبعا بامكانك تغيره لتخصص اخر .. نقطه حلوة انت ذكرتها وهي انك تعرف المصطلحات بالبزنس مرره كويس.. لانو بتساعدك عالدراسه بعدين وترا مو كل الي يدرسون ماستر يعرفون انقلش مرره وبيرفكت لا .. بس دام الواحد يعرف المصطلحات الي بتخصصه ويفهمها والمواضيع وطبعا يعرف جنرال انقلش اكيد ان شاء الله اللغه ماراح تكون عائق ,,