لدارسي ماجستير الترجمة..للأهمية !!

راح افيدك بالجانب اللي أقدر عليه .. انا اشوف انك تدخل على موقع قسم الترجمة وتشوف وصف البرنامج . راح تشوف وصف مفصل جدا . وكمان تسئل المسؤول عن البرنامج بالتواصل عبر الايميل هل التركيز اكثر على الجانب النظري او التطبيقي .. الخ

جامعه مانشستر كويسة وفيه جامعة ليدز كمان كويسة في الترجمة من الانجليزية للعربية والعكس وجامعه درم ..

وبالنسبة للترجمة الفورية .. البرامج اللي مخصصة فقط للترجمة الفوريه غالبا تكون مؤتمرات - على حد علمي - لكن أحيانا يكون برنامج الترجمة وفيه جانب ترجمة فوووررية ويكون فيه اختبار اول شي عشان يحددون انت ممكن تدخل هالكورس وتاخذه او لا .. والاهم ان يكون من ضمن البرنامج الترجمة من العربية الى الانجليزية والعكس ..

فأنا اشوف انه راجع لك ووايش حاب تسوي بالماستر لما تخلصه .. اذا حاب ترجمة المؤتمرات وشايف فرصتك فيها توكل على الله
او خذ ماستر ترجمة وفيه جانب ترجمه فووريه عشان يكون المجال أوسع ..

والله أعلم ..

الله يجزاك خير اخت معيده
ما قصرتي وشكرا على الرد
بانتظار ردود اخرى أعزائي

بالتوفيق انشاء الله اخي المترجم,

حبيت اني افيدك بالشئ الي اعرفه,,بحكم انه ذات تخصصي..... انا مثلك تماما بحثت في جامعات كثيرة ووجدت انها تقدم ماستر ترجمة ولكنها دراسات ترجمية,, تتناول الجانب النظري مثل ما ذكرت..وقد خلا معظمها من الترجمة للعربية ومنها..وبحكم اننا عرب ونرغب الاحترافية في الترجمة ,,,فلا بد انه الجامعة تركز على اللغتين والجانب النظري والتطبيقي على حد سوااااء..
جامعة مانشستر من الجامعات العريقة والمدينة رائعة للسكن على حسب ماسمعت..ولكن من اطلاعي على برنامج الترجمة لاحظت انه لايوجد تركيز على الجانب العملي..رغم اني حصلت على قبول مشرووط منها..الا انني اتجهت الى جامعة درم بمدينة درم او كما يقال دورهااام. ولو دخلت على موقع الجامعة راح تلاقي قسم متخصص باللغة العربية فيها وبرنامج ماجستر ترجمة من الانجليزية الى العربية والعكس MA in Arabic/English Translation & Interpreting.برأي طالما لديك موهبة الترجمة الفورية فالافضل انك تتخصص بترجمة عميقة للغتين..ثم تواصل دراسة الدكتوراء في المجال الي تحب وهي ترجمة المؤتمرات ..على اساس انه برنامج الترجمة الي ذكرته لك في درم يركز على الترجمة الفورية ايضا الى جانب التحريرية.
وبصراحة انا اشوف الي يبغى يبرع في الترجمة...لابد انه يدرسها كممارسة وتطبيق لا ان يدرس نظرياتها وعلومها.
وقد اجمع الكثير انه كورس الترجمة في جامعة درم يركز على الجانب التطبيقي على عكس مانشستر وخلافها من الجامعات..
عموما...حبيت اني اطلعك على تجربتي واتمنى انها كانت مفيدة لانني وقعت في نفس مشكلة الاختيار مابين مانشستر ودرم....ووقع الاختيار على درم لنفس الاسباب الي ذكرتها اعلاه.وذا كان لديكم المزيد بخصوص هذا الموضوع ياليت نستفيد من خبراتكم.
والله يوفقك بالقرار الصائب.

اختي امل
جزاك الله خير
ردك كان هو ما أبحث عنه بالضبط بحكم خبرتك في المجال ومعرفتك بالجامعات
شاكر ومقدر لكل حرف كتبتيه
رح ادخل موقع جامعة درم و اشوف التفاصيل بنفسي
مرة اخرى شكراااااااااا جزيييييلا

معلومات مفيدة ماشاء الله .. انا كنت حابة اتخصص ترجمة بس فجأة اتجهت للغويات ..موفقين ان شاء الله .

you can apply at Salford Uni, MA Arabic/English English/Arabic Translation+Interpreting which it's good department in there

راااااااائع هالاختصاص
الله يوفقكم وان شالله نلحقكم

لي صديق عزيز درس ترجمه عربي انجليزي مع ترجمه فوريه في جامعة سالفورد اللي تبعد حوالي 10 دقايق عن مانشستر ستي سنتر . الكورس ممتع خصوصا الترجمه الفوريه مع العلم انك ممكن تدرسه ترجمه بس وتاخذ ماده نظريه بدل الفوريه .الاساتذه متعاونيين واغلبهم عرب وحتى البريطانيين يتكلمو عربي يعني التفاهم معهم سهل
الله يوفقك وانصحك بركعتين الاستخاره وصدقني ما راح تندم

حبيت اضيف انه اغلب الكورس تطبيقي وليس نظري حيث ان الاختبارات والاسايمنتات ترجمة خالصه- ماده واحده الزاميه فيها بحث والباقي اختياري الله يوفقكم جميع ويسهل دراستكم