كيف ادرس في البيت بعد ما اطلع من المعهد ..ساعدوني الوقت يمر بسرعه!!

عندك كتب جامعة كامبرج لتعليم اللغة

تستخدمينها في الدراسة ولا لا ؟

أنسي شي اسمه حفظ كلمات .. واحفظي جمل كامله .. وأذا حفظتي الجمل ترا راح تستغنين عن القرمر استغناء كلي.

ركزي على الضماير وطريقه استخدامها .. ومارسيها كثيرررررررر تراها تسهلهك الطلاقه في الكلام اللي هي His, her and them etc

لا تجبرين نفسك انك كل يوم تسمعين اخبار ولا تقرين مقالات انجليزيه >< شوفي لك برنامج على ذوقك وتابعيه مثل ماتتابعين المسلسلات العربيه.

وأخيراً: لا تتخوفين .. ترا أجزم أن كل السعودين ببريطانيا لغتهم وحده ودرجاتهم في الايلتس متقاربه .. الا البعض اللي حلفهم الحظ .. ولحقو أعمارهم وهم صغار يمارسون الانقلش.

وهذا وصلى الله وبارك على نبينا محمد

أختي مي .. بأذن الله اخدمك بالموضوع اللي راح انزلة في قسم الأنجليزي بس يبيلي شوية اجمع الأفكار وبأذن الله الكل يستفيد الموضوع ليس جديد لكن بأسلوبي الخاص

انا اعرف طريقة تطور الاستماع والنطق..... ومجربه وناجحه ميه بالميه لمن يطبقها
وهي فيه مقاطع في موقع اسمه انقلش بود تقريبا كل مقطع يشمل مفردات كثيره ومفيده جدا ولحسن الحظ يوجد برنامج للايفون لهذا الموقع يعني تقدر تستمع له اي وقت
لكن الشي المهم هو تستمع لكل درس اقل شي اسبوع كامل وحتى لو حفظته حفظ ومليت لازم تواصل وتستمع خلال شهر واحد راح تلاحظ الفرق اذا استمريت وبرنامج الايفون فيه ثلاث دروس مجانيه بعدين تشترك معهم بمبلغ بسيط ويعطونك حوالي 10 دروس
english pod اسم البرنامج

انا صراحة استفدت منه كثير جدا جدا جدا لان مشكلة الاستماع عندنا هي الاستماع لاشياء متفرقه وتضيع التركيز لكن لما تحدد الاستماع خلاص راح ترسخ معك حتى انه فيه دروس كنت اسمعها قبل اكثر من سنه والا اللحين حافظ المحادثه كله

بالتوفيق

الافضل عدم الاعتماد على المترجم العربي - انجليزي

بالتوفيق

السلام عليكم جميعا

الحل انك
راي الشخصي
تشتغل(وظيفه) في اي محل او اي مكان
براتب او بدون راتب
الهدف هو الاستماع ومعرفه نطق الكلمات من مخرجها و معرفه كلمات جديده
اتمنى لك التوفيق والنجاح الدائم

انا اشوف انك تركزين على جوانب الضعف عندك وتحاولي تطوريها

وخصصي جزء للقراءه وجزء للكتابه وجزء للاستماع

الاستماع المفروض ماياخذ شي من وقتك .. يعني خلي معاك الاي فون او الاي بووود وانتي بالترين او بالباص او بالشارع ماشيه او حتى بسريرك بتنامين او تسوين رياضه اسمعي حاجه على الاي بوود .. وشوفي البي بي سي عندهم podcast من اغلب المحطات عندهم .. اظن فيه podcast مرره كان حلو من البي بي سي اسمه 6 minutes English
حتى احيانا وانتي تتغدين او تشتغلين في البيت تنظفين خلي الاي بود معاك ومنها تشتغلين ومنها تسمعين حاجه مفيده

يعني الحين الاستماع خلصتي منه لانك استغليتي وقتك الضائع

راح يبقى لك وقت كثير استغليه في القراءه والكتابة

القراءه لازم تقراي كل يوم حاجه مش صعبه جدا ولا سهله جدا حاجه على مستواك شووفي الجرايد اون لاين او اشتريها من اي ستاند واقرائي وترجمي الكلمات لان هذا ممكن يساعدك في جزء القراءه في الايلتس طبعا حاولي تنوعي في القراءه يعني احيانا اشتري مجلات زي ديسكفري او ساينس او امريكان ساينتست .. على اساس تنوعين الفوكاب عندك في كذا مجال

بالنسبه للكتابه اكتبي دائما وخلي احد يصححح لك اخطائك ويعلمك ايش هي ويشرحها لك .. ولو فيه قاعده اتضح انك مو فاهمه ارجعي لها وادرسيها مضبوط .. هذا احسن بكثير من انك تمسكين كتاب قرامر وتذاكرين من االاول للاخير
يعني لو عندك غلط في اسماء الجمع ارجعي لقاعده الجمع واراجعيها بس خلي عندك كذا كتاب قرامر للرفرنس يعني ترجعين لها لما يتضح انك مو فاهمه قاعده معينه لان بهالطريقه اذا اخطائي ورحتي درستي نفس القاعده راح تثبت

والمحادثه خلاص ان شاء الله راح تتاحدثين مع الناس برى وفي المعهد وفي كل مكان بس حلو كمان تسمعين لشي سهل عشان يطور الفوكاب ويحسن القرامر عندك


وزي ماقلت لك انتي اكثر وحده تعرف انتي ايش تحتاجين تطورين
واكثر وحده قادره تسوي لها برنامج خاص فيها لان كل شخص له طريقه تعلم خاصه فيه

بالتوفيق