مساعدة ممكن مساعدة في الحصول على عائله في برايتون

عليكم السلآم

أنا عندي رقم عائلة موقعهم قريب من محطة قطار برايتون تقريبا 15-20 دقيقة مشي

لكن ما أدري إذا تقدر تسكن معهم أو ما تقدر لآنها متعاقده مع معهد والطلآب يكونون عن طريق المعهد و إذا ودك تكلمهم وتتفاهم معهم عندي رقمهم أنا حاضر

وكذلك عندي رقم فندق في السنتر في برايتون ومقابل البحر وسعره في الآسبوع 105 باوند وغرفه صغيره وضيقه لكن موقعه حلو

وفيه مواقع في النت للبحث عن عوائل أبحث وشوف يمكن إن شاءلله تحصل اللي يناسبك ،،

السلام عليكم

ااهلا اخوي والله انفضل السكن مع عائله


وياريت اذا اقدر اكلمهم
لاني والله ابحث عن عائله

ياريت تكلمني عن العائله هل هي كويسة

انا ما يهمني الاكل
اهم شي عندي الانترنت
كم عدد افراد العائله
هل ممكن وجود طالب غيري في العائله


ياريت ترسلي رقمهم واسمهم عشان اتواصل معاهم


شكرا

عليكم السلآم

العائلة عددهم أثنين عجوز عمرها 70 سنة تقريباً وولدها عمره 41 تقريباً
ودايم يجي عندها طلآب جدد ويروحون ويجي غيرهم و أقصى عدد للطلآب يكون عددهم ثلآثة وأنت رابعهم يعني شيء حلو معك 3 تكلمهم وتطلع معهم
والعائلة كويسة لكن العجوز غثيثة شوي كحال كثير من البريطانيين يعني يمكن تقولك لآتشغل اللمبة في النهار الخ وغيرها من الآمثلة
و إذا هي كلمتك بموضوع يمكن تقعد معك ساعة وهي تتكلم غثيثة جداً من ناحية الكلآم فأنت قولها ايه اوكي سلك لها يعني هذا في حال إذا تأمرت عليك يعني أعمل كذا وأترك كذا
لكن في نفس الوقت حلو أنها تتكلم بكثرة عشان هيك أفتح معها مواضيع عن أي شيء وبتحصلها تسولف معك
لكنها أرحم بكثير من غيرها من العوائل ..
وعندها أنترنت .. أنا مثلك أهم شيء عندي النت يومياً عليه ضيعنا عن كل شيء
ج/#######

الله يسلمك اخوي
والله انا ما عندي مشاكل ااذا هي تتكلم كثير ولا تتامر اعطيها على قد عقلها وامشيها انا ما عندي اي مشكله

وكمان عددهم ثنين يعني مررره حلو
بس المشكله ان في طلاب غيري هي حلوة ان في احد غيرك وفي نفس الوقت مو حلوه

واهم شي دام عندهم انترنت
طيب بسالك عن الاكل كم يوم بالاسبوع؟
والطلعة والنزله كيف عندهم؟
اقدر ارجع شوي متاخر ولا بتتفلسف علي وتقولي من وين جاي
وهذا رقم الجوال لك ولا لهم
واذا اتصلت عليهم اقلهم جايكم عن طريق مين؟

وانا اصلا بنتقل في نهاية شهر مارش يعني في وقت ان شاء الله

وللحين ادور عن عوائل ثانيه وان شاء الله بقرر بعد ما اشوف اكثر من عائله
وياريت يخوي اذا تعرف احد من اصدقائك يعرف عائله طيبه تعلمني



انا سمعت ان في عوائل يعطوك دور تحت لك انت
فيه غرفتك وتلفزيونك ووانتو دورة المياه وبيني وبينكم اهم شي دورة المياه
وصحيح انها غاليه شوي بس الواحد يرتاح فيها
انا ما يهمني دور خاص فيني اصلا بالعكس انا ابي اكون معاهم واخطلت فيها بس اهم شي دورة المياه


المشكله ذي الايام صعب الواحد يحصل على الي يدور عليه لانها ايام مزدحمة


تحياااتي

اهلين أخوي

بخصوص الآكل أنت تقدر تتفاهم معهم وتقولهم إذا بتاكل معهم أو لا أبداً اللي يريحك .. أنا أكلت معهم فترة بسيطة بعدين تركتهم وصرت اطلب من مطعم ويوصل للبيت وأكل في غرفتي وكانت تزعل عشاني ما أكل في المطبخ لكنها تعودت علي هههههههـ

وبخصوص الخروج والعودة مالهم دخل فيك أهم شيء هي تعطيك مفتاح البيت وأنت براحتك تروح وترجع أي وقت تحب عادي

وبخصوص دورة المياه مشتركة بينكم لآنها دورة مياه وحده في البيت كله .. كأغلب منازل البريطانيين

وبخصوص رقم الجوال هذا رقم العائلة .. وإذا حبيت تشوف بيت العائلة أنا إن شاءلله أكلمها وأخليك تزورهم عشان تشوف البيت إذا أعجبك أو تغيره لكن أهم شيء تحجز بدري عشان دايم يكون عندها طلآب ويمكن ماتحصل مكان ،،

السلام عليكم

مشكور اخوي والله أتعبتك معاي

اذا بتكلمهم هذا شي حلو
اجل خليها شوي اشوف كل العوائل واقارن واكلمك ان شاء الله

برسلك رساله على الخاص

شكراا وجزاك الله الف خير

ياهوو معقوله محد يعرف اي عائله في برايتون او هوف

عليكم السلآم

أبشر ولآ يهمك يا الغالي لكن أرجوا منك عشان أتصل لك عليهم ترسل لي رسالة على الخاص عشان أكلمهم في الوقت اللي تحب وأنا تحت امرك

ودمت بخير ،،

مشكوووووور اخوي والله فيك الخير
وجزاك الله الف خير وبرسلك رساله على الخاص ان شاء الله