زوجتي مبتعثه وأنا موظف وعندي كثير من الأستفسارات!!..أرجو التكرم بالإفادة

انت mhran

حتى محتار وين تكتب موضوعك

صراحه على كذا الله يعينك ويسر امورك

بعد ما يقبلون زوجتك ان شاء الله راح تجيب لها قبول من الجامعه اما عن طريق الوزاره او عن طريقك انت
و اذا تبي تدرس انت بعد لغه و الا ماجستير معها تجيب لنفسك قبول
و تطلعون الفيزا و تقدمون اوراقكم للوزاره و يطلعون لكم (قرار الابتعاث) هاذا عباره عن ورقه تقدمونها للملحقيه الثقافيه في بريطانيا تثبت انه خلاص ان زوجتك مبتعثه و الدوله ملزمه بتكاليف دراستها هي و مرافقها
(يعني ذا الورقه تقول ان فلانه مبتعثه هي و مرافقها زوجها فلان و الوزاره بتدرسهم على حسابها)
انت تاخذ الورقه هاذي و تقدمها لعملك و على اساسها يعطونك اجازه مرافق و هي اجازه بدون راتب استثنائي يعني
هم بيعطونك اجازه بدون راتب
بس فيه امل اذا انت تم ابتعاثك من وزاره التربيه و التعليم عن طريق الابتعاث و الايفاد
ممكن تروح و تسأل هناك
واذا رحت تسألهم في الابتعاث و الايفاد قل لهم انك عندك قبوا و فيزا و زوجتك مبتعثه
و لا تقول لهم ناوي اروح قل قضيت من كلش اوراق قبولي و الفيزا جاهزه ابي بس تبتعثوني
والله يسهل لك

شوف فيه نظام في البنوك اسمه سداد مبكر بمعنى اذا سددت باقي الاقساط دفعه وحده يسوون لك خصم في الفوائد
و يصير الخصم قوي
روح للبنك و شوف اذا سويت سداد مبكر كم يكون صافي المبلغ اللي عليك ؟؟؟
بعدين على اساس المبلغ هاذا انت سوي ترتيباتك

اما انك تلقى احد يسلفك المبلغ و تسدد له انت بعدين بدال البنك ...
او انك تبيع اي املاك عندك و تسدد القرض ...
او انك تأجل سداد القرض السنتين اللي بتسافر فيها و تسأل في البنك كم الفوائد اللي تنحسب عليك
بس هنا اسأل شيخ لاني احس ان الفوائد ممكن يكون فيها شبهه ربا

و الله يوفقنا و يوفقك ,,,,
دعواتك لي بالتسهيل و ربي يحقق اللي ببالي ,,,

الصراحة عاجز عن الشكر يا أخت شهرزاد ... جزاكي الله كل خير ... والمعذرة على وضع الموضوع في أكثر من مكان الصراحة محتار وحاس إني غرقان والغريق يتعلق بقشّة..

دعواتك لي يا مهران تكفى

تراني محتاجه لدعائكم مرررررررررررررهــ

ادعو لي الله يسهل لي و يحقق اللي ببالي

والله الآن جا وقت الجد والنتيجة النهائية طلعت ولله الحمد بس المشكلة إني ما لقيت حل لمشكلة البنك

الله يسهل امورك ياشيخ

عزيزي بالنسبة للبنك لاتشيل هم..
انت الان لازم يكون همك هل ادارة التعليم بتوافق لك او لا انك تاخذ اجازة استثنائية بدون راتب..
غالبا شؤون الموظفين ماراح يقولون لك شي بشرط:
ان مديرك موافق على الاجازة ولو مديرك مو موافق الله يعينك لازم تراجع مدير شؤون المعليمن او مدير التعليم ..
والمطلوب صورة من كرت العايلة +صورة من قرار الابتعاث ومايكون عليك قرض لبنك التسليف السعودي بس.
أما ابنوك الثانية فهم مالهم شغل فيها..
من ناحية البنك تقدر تسدد له شهري عن طري قالتحويل لحسابك يعني اذا بس انت وزوجتك مبتعثين فقط فانشاء الله المكافاة المالية تغطي كل شي اهم ش تخلي ف يحسابك مبلغ يكفي لسداد شهرين للقرض وتوكل لى الله عزيزي...