سؤال ضروري في الفيزا

وعليكم السلام ورحمة الله وبركاته
بما انك غيرتي المعهد فلازم عليك تغيرين الفيزا
عندك حلين الاول تغيرينه من السعوديه وهذا من رأيي افضل واريح نفسيا وغير كذا ارفقي صورة من التذكرة واكتبي بالابلكيشن متى موعد رحلتك
الحل الثاني انك تغيرينها من هنا في بريطانيا وعلشان تغيرينها من جوا بريطانيا لازم فيزتك تكون جينرال ستيودنت اللي هي اكثر من 6شهور
وعلشان تغيرينها من جوا بريطانيا فيه حلين الاول عن طريق البريد وهذا شغله ويلزمك تقريبا شهرين علشان تستلمين الفيزا ويكلفك تقريبا 350 باوند
او عن طريق حجز موعد وتسليم اوراقك يد بيد وهذا راح يكلفك 650 باوند وتستلمين الفيزا خلال اسبوع يرسلوها على عنوانك جوا بريطانيا يعني الكلية اللي سجلتي فيها ممكن يساعدونك ويحجزون موعد لك ويعبون الابلكيشن اللي هو 42 صفحه بالحالتين بالبريد او يد بيد
الخلاصه:
نصيحه من أخو مادام باقي لك اسبوعين روحي يوم السبت وقدمي على فيزا جديدة من الرياض اريح لك والله اريح والله نصيحه وش لك بالتعب
تغيرينها من السعوديه احسن علشان تركزين على دراستك وترتاحين
وبالأخير كانك وجدتي ردي مفيد فارجو منك الدعاء لي والله يسهل امورك ويوفقك يارب

شكرا جزيلا أخي نايف
و الله يسهلك أمورك ويجعلك من كل ضيق مخرجا.

اتوقع اصلا لازم تغيرينها لأنه اصلا في المطار يسألونك عن قبول المعهد اللي على أساسه طلعتي الفيزا والعنوان طبعا
وأتوقع في الوقت الحالي ما فيه زحمه على الفيزا بالسعودية يمكن 3 أيام بالكثير وتستلمينها ان شاء الله

كلام الاخ نايف عين الصواب
بس اللي عجبني انه يقول
جوا بريطانيا يعني يقصد داخل بريطانيا
فيه حلين يعني يقصد في طريقتين

كلامك عسل
اتمنى لكم التوفيق والنجاح الدائم

انت والله انك عسل
وتسلم يالغالي