مساعدة تصديق قبول

السلام عليكم
اذا انت موظف ترسل خطاب عن طريق عملك (ادارة الابتعاث في وزارتكم) الى الملحقية تطلب منهم تصديق القبول عن طريق الايميل او الفاكس وتابعهم عن طريق التلفون وماتاخذ اكثر من يومين. ويردون عليك
والله يسهل امرك
سلام

ماذا عن المستشفى الذي اعمل به لو ارسلت من المستشفى خطاب هل يقبلونه

اذا كان مديرك موافق انه يرسل ماتوقع فيه مانع .

مديري موافق بس وش الصيغة التي اكتبها في الخطاب الموجهه للملحقية

انا قال لي احد الشباب ان اذا كنت تعرف احد في بريطانيا يروح يصدق القبول ويرسله لك عن طريق البريد
هل الكلام صحيح

الصيغة طال عمرك
سعادة مدير الملحقية الثقافية في بريطانيا
نامل من سعادتكم تصديق القبول للموظف تحط اسمك في تخصص كذا الصادر من الجامعه الفلانية
وتقبلو تحياتي
ويوقع مديرك وارسله. انا كنت حاط بنفس الخطاب نامل ارساله على الايميل التالي او الفاكس وكنت حاط ايميلي والفاكس اللي عندي بالمكتب .
والله مادري لكن اشوف كثير شباب هنا ماشاء الله عليهم بروحون يصدقون قبولات للناس اللي مثلك. لكن انت جرب يمكن تسويه السبت وترسله الاثنين لان مافي دوام السبت والاحد في الملحقيه ويجيك رد الاربعاء انت اذا ارسلته تابعهم عن طريق الاتصال عليهم ادخل موقع الملحقيه وتحصل التحويلات حقت الموظفين كلهم ولو مارد عليك احد اطلب السنترال. اتمنى اني انه كلامي يكون مفيد لك
والله يسهل امرك

ارسلت لهم على الايميل خطاب مدير المستشفى وصورة الجواز والقبول وانتظر ردهم بس اتنمنى يكون قريب
على ايميل الدكتور سحر لانها اعتقد انها هي المسئولة حاليا عن التصديق.

دعواتكم يا شباب

الله يوفقك وسهل امرك
على فكره الدكتور سحر تراه رجال والظاهر انه عراقي. وكلمهم بكرا من الساعه 12 بتوقيت السعوديه تاكد منه اذا وصله القبول ولا لا .
بالتوفيق