تكفون ابي فزعه

وعليكم السلام ورحمة الله وبركاته

ياخوي ورقة التعريف من الملحقية تكفي بس بعض الفروع مدري وش فيهم مايفهموا النظام لكن ماعليك انت روح فرع شزك بارك اللي جنب الملحقية بنك اتش اس بي سي وهذا يعرف الطلاب وعلى طول يفتح لك الحساب بدون تعريف من الجامعة وانت موضوعك مبهم لم تذر الفرع اللي رحت له ويظهر انك طالب لغة قول لهم انك طالب لغة وبعدها راح تدرس الجامعة

اللي اعرفه كل الطلاب يفتحوا حسابهم في اتش اس بي سي اللي جنب الملحقية وماعمري سمعت انهم ردوا احد واخر واحد اعرفه جاء في شهر نوفمبر اللي راح وفتح حساب في اتش اس بي سي اللي جنب الملحقية وماطلبوا عليه غير التعريف حق الملحقية فقط

لو انت بعيد عن الملحقية شوف فروع تانيه لان بعضهم متفهم وبعضهم لا

اقول لك سالفة انا مره كنت ابي كشف حساب وحسابي في اتش اس بي سي ولما رحت لفرع في نفس المدينه اللي ادرس فيها قال لي الموظف لا مانعطيك لاننا نرسل كل شهر كشف حساب على عنوانك ودخلي في مسألة البيئة وماني عارف ايش وهم فعلا يرسلوا كل شهر كشف حساب بس انا ارميها

ورحت لفرع ثاني في نفس المدينه وعلى طول عطاني كشف الحساب

يعني انا احس انهم مزاجيين بس زي ماقلت لك فرع اتش اس بي سي مايرد الطلاب ابدا اللي هو جنب الملحقية

اتمنى لك التوفيق

حاضر يا خوي لا تضايق انا عندي صديق عربي عنده حساب في نفس البنك منذ ٣ سنوات وشاف موضوعك ويقدر يروح معاك للبنك بس المهم انت الحين بلندن. حاضرين

الله يرحم والديك ويوفقك انا بلندن ونموذج التعريف الي عطونياه البنك معاي

بالنسبة للبنوك الي بجنب الملحقية ما عرف مكانها انا رحت للبنوك الي جوا بلندن عقدوني كل يوم لهم طلب

ابو عبد العزيز تبي النصحية روح افتح في الفرع اللي جنب الملحقية وعندهم حساب امانه وهو افضل لانه غير ربوي وعلى طول يعطوك فيزا تستخدمها في المشتريات من اي مكان حتى من النت لكن لو رحت بنك ثاني يمكن يعقد ويفتح لك حساب مشكوك في وضعه وماتضمنه اقصد من ناحية ربوية

والبنك جنب الملحقية وانت ليشت ماسألت الموظفين لما اخدت ورقة التعريف المهم البنك واضح جدا وانت خارج من الملحقية خلي الملحقية خلفك وامشي على طول تجي وكالة هوندا على يسارك وكمل مشي عشر دقائق او اقل ويجي البنك في الزواية على يمينك ويطلوا التعريف حق الملحقية وصورة الجواز وعنوانك في بريطانيا وعنوانك في السعودية وبس

وهدا عنوان النبك يعني تقدر تروح تاكسي او بالاندر قراوند


281 Chiswick High Road
Chiswick
London
W4 4HJ

Tel: 08457 404 404
Fax: 02082 196 299

Opening hours are Mon - Fri unless specified

Open: 0900 (Tue 0930) - 1700
(Sat.): 1000 - 1500

اتمنى لك التوفيق

اخوي ilonedk بيض الله وجهك والله ان خويك ابوفيصل عزالله ونعم الرجال الله يوفقه وين ماراح والله يفتحها بوجهه مثل مايسر امورنا بعد الله
ياخوي الرجال اخجلني بطيبة وكرم اخلاقه الرجال جاني بسيارتة الين عندي واخذني للبنك ووقع التعريف وفتحت حساب ولله الحمد ورجعني للبيت يارجل والله اني اكتب وانا في قمت الخجل من طيب هالرجال
اسأل الله له التوفيق والله ييسر اموره مثل مايسر اموري ويعلم الله ان اموري كلها متعطلة والسبب البنك والحمدلله تيسرت بتوفيق الله ثم ابوفيصل الي مابخل علي باي شي اسأل الله ان يقدرنا ونرد له جزء من هذا الجميل
مع ان الرجال الاولين قالوا صاحب الاولة محد يقدر يلحق طيبة وهذا الرجل صاحب الاولة والله لو اسوي ايش ماسويت ما قدر اوفيه حقه.
لكم مني الدعاء جميعا والشكر موصول لكل من شارك في موضوعي

شهالخرابيط روح لبنك اوف اميركا مايطلبون اوراق ولاشي غير جوازك

ما عليك زود يا ابو عبدالعزيز .اشهد الله انك طيب من نسل الاطياب وتستاهل كل خير وهذا شئ بسيط .وكلنا اخوة في بلاد الغربة.الله ييسر امورك في كل طريق تمشي فيه. وسامحنا من القصور والسلام عليكم