حوار هل صحيح مايحصل بلندن ليلة السبت او يوم السبت -

نعم هذا حصل في الويكند قبل اللي فات, حصلت بعض المظاهرات وانا كنت متواجد فيها في البكدلي وشارع الاكسفورد رود والهايد بارك.

اترك عنك المظاهرات حاليا هذي بتروح بس انا عليي من : الخمور بالشوارع والجنون والقذارة بكل مكان وشرطة وغفصات و...........الخ؟؟؟ هل هذا يصير كل سبت او ليلة سبت؟؟؟؟؟ الجواب نعم او لا؟؟؟؟؟

لو ماجاوبت على سؤالك بتزعل وتقول مافيه احد يرد عليك, ويوم جاوبت عليك, ترد علي كذا.. الله يهديك أخوي

سؤالك ماهو واضح ووش اللي خمور بالشوارع وجنون وقذاره, يبدو لي أنك ماقط طلعت برى السعوديه مرررهـ

أخي اغلب الدول الغربيه في ليل يومي الجمعه والسبت تقلب الدنيا كلها حوسه .. المطعم يكون شغال النهار يقدم أكل والليل شغال بار وقس على ذلك كل المحلات.

أن شاء الله اني جاوبتك صح .. مع العلم أن سؤالك ماهو واضح ولاني فاهمه وجاوبتك على اللي فهمته فقط.

لك تحيتي

هههههههههههه

اعتقد نعم

هذي حياتهم اكيد يصير كذا

هلا اخوي مالك الا الدوادمي خلك من لندن منتب قدها وانا اخووك =((

الصيف جا .. والعلوم هذي بتشوف اسوأ منها نسأل الله السلامة

إما تردون بأخلاق الشخص " المسلم " وإلا محد منكم مجبور ع الرد ، والدم الخفيف وفره لمنتديآت دنيا الوله وماشابهها ، هذآ ملتقى للطلبة المبتعثين ، فلا تشوهوا صورة المبتعث بالردود الناقصة وبعيدة عن العقليات النآضجة

الرجل سأل لأنه محتآج لجوآب ، وحتى لو مآ عمره خرج من السعودية ، ما أشوف إنها عيب ونقصآن في الشخص!! أغلبنآ كآن مثله ، وكآن براسنا مليون سؤاال وسؤال
:

بالنسبة لسؤالك اخوي ، أكيد الخمور متوفره بكل مكآن ، والشعب الإنجليزي اغلبه يشرب بكل وقت حتى لو بالصبآح ، وفي الويكند يختلط الحآبل بالنآبل ،

الله ييسر دربك ،

بيض الله وجهك أخوي كاتم الآحزان
كلامك درر
الله يوفقك

أنا أشهد أنك ذيب "كاتم الأحزان" والله وبالله وتالله فيه ناس من أصحابي من العراق وليبيا يدخلون المنتدى هذا ويستفيدون منه

فيا أخوان الله يرحم والديكم لا تشوهون الصورة للناس اللي جاية تستفيد منكم

وما فيها شي أنكم تجاوبون الواحد ، وخلوه ياخذ العلم قبل لا يوصل وينصدم بأمور أخرى