نجمة داود اليهوديه في اسفل كل موضوع ومشاركة هنا في المنتدى من المسؤل عنها

يعني النجمه السداسيه اللي كانو يحطونها لنا المدرسين وحنا صغار بالمدارس يوم نحل الواجب صح .. هذه نجمه اليهود. اهــا

ياولد انت صاحي ولا كيف ؟؟؟

ياولد العن ابليس وخل عنك هالتفكير.. انت عايش ببلد ماهو مسلمين وأخس انواع المحرمات يرتكبونها في البلد اللي تدرس فيها وتقول هذه نجمه اليهود.
وش هالكلام بالله عليك

الله يهديك بس, وعلى فكره تراني قيمتك بالنجمه السداسيه.

^^

هههههههههههههههههههه

المعذره بس جدا ضحكني رد م/ الحربي

يابو الشباب يا راعي الواجب النجمه حقت الواجب هذا على اعتبار انه فيه في واجباتك نجوم مو سداسيه تراها خماسيه
وانا مالي طرف او سلطه في هالبلد اللي ندرس فيه او على من فيه لكن لمنتدى يحمل الصبغه ويعلن الانتماء للدين الاسلامي وللدوله السعوديه على وجه التحديد اتكلم عن رموز الدين اليهودي هنا في المنتدى
على فكره ترا عندك مشكله في التركيز ترا نجومك حقت التقييم خماسيه
العن ابليس يا ولد شكلك صغير ( تفكير ) يعني بدري عليك
يعني حاول تضع نفسك مكان واحد فلسطيني انطرد من بيته وتشرد وقتلت عائلته وسجن بعض اقاربه في السجون اليهوديه وشف الاحساس كيف بيكون عند رؤية هذه الرموز
حاول تحس شوي بأخوانك او على الاقل اذا كنت بليد احساس الصمت تراه من ذهب
حقيقة ردك ذكرني بموضوع بالصفحه اللي على الفيس بوك اللي فيها المطالبه بأعادة طلاب البكالوريوس من المراهقين عديمي المسؤليه وحقيقة اعتقد ان لديهم حق في المطالبه بذلك
بصراحه من تهكمك في عبارتك ( ياولد انت صاحي ولا كيف ؟؟؟ )
اقول كل اناء بما فيه ينضح شكلك ياوليدي really you still a baby

تحياتي يا حربي
الشمري

اخويا العزيز النجمه السداسيه (نجمه داوود) مابتكون مطموسه
يعني بتبان كل خطوطها
وبعدين اخوي الله يجزاك الف خير انتهت كل مشاكلنا وسرنا ندور على رموز المنتدى
في كلا الحالتين وجودها وعدمها ماراح يغير شي .. ركز في مساعدة اخواننا في المنتدى والاستفاده من مواضييعهم فضلا عن البحث عن رموز المنتدى وتحليلها .. اتمني كلامي مايزعلك

الله يخلف عليك بس وعلى تفكيرك السطحي . اي فائده ترتجى من عقول منغمسه في هالشكليات
عارف ان ردي ازعجك بس كثير الي مثلك ليس لهم هم الى النظر لكل شيء بعين الشبهه والتركيز على اصغر التفاصيل والباسها معاني وتفسيرات لا تمت لها بصله .
كبر عقلك شوي يا حبيبي

تشاوو

شفت ياشمري محد مأأيد رأيك .. شفت منهو اللي تفكيرهـ ضئيل على قولك >< بديت اشك في شمررتك >< بالله صدق انت شمري ههههههه

الله يصلحك يابني ويهديك بس.

ولا جايب لي قضيه فلسطين هاه هههههههههه .. طيب ورى ماترسل لهم مساعدات بدل المهايط من ورى الشاشه هههه

والله يا ( باشمري ) موضوع بات فاشل .. حاول انك تراجع عنه هههه

الله يديك العافيه والله ماقط ضحكت مثل ماضحكت على موضوعك.

عن جد أهل العقول في راحه

ممكن تعرض الموضوع كنصيحه للمشرف او صاحب المنتدى وفيه اقتراح باستبدالها
افضل من موضوع هنا محد بيده شي

الله يشفيك ,
ابغااك تزيد تفتح عيوونك يمكن تحصل شي ثاني منا ولا منا يمكن تلقى صليب , الله اعلم ,

..



الفاضي يعمل قاضي : )


..