معقول رافضين فيزة طالب بدون اختبار؟؟؟

سمعنا ان فيه تغييرات لكن ماعندي علم عن هدا لكن انت ادا قدمت على المعهد هو يقول لك الخبر الاكيد وعااادي ادا فيه اختبار تحديد مستوى وبس

والله يوفقك ويسهل امرك

بس ياخي الموعد هنا لتحديد المستوى بيتاخر اقل شي حتى تطلع النتيجة شهر ونص ولغتي ماتاهلني اني اجيب الدرجة المطلوبة
عشان كذا ودي احد يفيدني

حبيبي انت كيف حكمت ان النتيجة تأخذ شهر المقابلة تكون في اليوم او اذا عندك دورات لغة تقدر تقدمها ويمكن تعفيك من الاختبار

هل انت قدمت وقالوا لك لازم اختبار ولا تسمع من فلان ...!!!

المطلوب حسب ماقرأت في موقع الهوم اوفيس عشان الطالب يحصل على فيزا جينرال تير فور لازم بي1 وهو يعادل 4 بالايلتس

طبعا لو مستواك اقل خذ فيزا طالب زائر ومافيها شرط للغة ومدتها 6 اشهر وترجع تجدد من السعودية وبس

ترى الموضوع ماهو صعب وانا اخوك و4 بالايتلس انا متأكد لو تختبر تجيبها بالراحه بس لا تخاف اختبر وتمشي امورك واذا البكالوريوس حقك كان بالانجليزي راح يفيدك

انت اختر المعهد وقدم وشوف وش يقول وامشي على طلباته
بالتوفيق

الله لايهينك
كلامك صح كل هذي اعرفها
بس ماعندي اختبار هذا اول شي
ومواعيدهم بالمجلس البريطاني اقرب موعد شهر 7 ميلادي لاني دخلت ولقيت بموقعهم فل وراسلتهم مافي موعد قريب
وفيزة طالب زائر معقدتني ابي فيزة على طول ماابي اجلس ارجع واحوس من جديد
فلو في معهد بكاردف يعطي قبول لفيزة طالب ياليت تفيدوني
ولكم جزيل الشكر

ليش ما تاخذ فيزا ٦ شهور تدرس لغة وترجع تجددها

صراحة ماابي ياخوي لانك تكون مقيد شوي
لازم ترجع عشان تجددها وماتدري عن ظروفك بعدين
واذا استاجرت بيت لازم ضريبة بلدية
وعلاجك مو مجاني لازم مراسلات مع الملحقية
وقلق
فيزة الطالب تريح راسك بس كم مدة فيزة الطالب؟

ياخوي ماهو صحيح تدفع ضرائب اذا كنت طالب فل تايم اطلاقا بس تأخذ خطاب من معهدك وتعطيه للكنسل تاكس وبس ومايحسب على الطالب غير الماء والكهرباء فقط ورخصة التلفزيون بس وهذه تمر على جميع الطلاب سواء الطالب الزائر او الطالب العام

والعلاج في بريطانيا مجانا وان كان العلاج مكلف اللحقية تدفع كل شيء

اتنمى اني وضحت لك الصورة كما ينبغي بس انت لانه وانا اخوك مافيه فرق بالفيزا سواء طال زائر او جنيرال تير فور اطلاقا

بالتوفيق

لاهنت يالغالي
وماقصرت على كل حال
وشكرا للافادة

كم مدة فيزة الطالب العام وايضا بالنسبة للزوج المرافق هل يحق لة دراسة اللغة والماجستير ولا لا

اشوف الامور بدئت في التعقيد