اخوكم الصغير طالب ثانوي ..

بسم الله الرحمن الرحيم

نبدا ونقول السلام عليكم /

ان شاء الله انكم بخير ..

انا انسان .. اشبه حالتي .. باللي في الصحرا ومو عارف وين اروح ولا وين اتجهه ..

طبعا باقي لي شهر واتخرج ان شاء الله .. نسبتي التراكميه المتوقعه 98% ( ثاني ثانوي ف1 = 98.7)
( ثاني ثانوي ف2 = 98.5)
( ثالث ثانوي ف1 = 97.1)
( ثالث ثانوي ف2 = ؟؟؟ )
القدرات جبت 86 درجه .. والتحصيلي علمها عند ربي ..


لكن عندي 4 مشاكل ..

الاولى .. هل برنامج الملك بيقبلني ولالا .. والتخصص اللي ابغاه هندسه ..

------------------------------------------------------

الثانيه .. اقيم معرض قبل اسبوع في الرياض حق الجامعات العالميه .. والله رحت وخاطبت اكثر من جامعه في بريطانيا وفي استراليا وفي امريكا .. بس استراليا بعيده .. وزيها امريكا .. وبريطانيا عيبها شيء واحد بسس لغتهم صعبه مره .. كانك جالس في فيلم هاري بوتر .. تحسهم ياكلون الحروف .. << ( خلاصة الكلام مدري اي دوله .. )

------------------------------------------------------

الثالثه التخصص .. كثير من الجامعات اذا ما كانوا كلهم في امريكا او استراليا او بريطانيا .. يحذروني من الصحيه او الطب بالتحديد يقولون صعب ومدري وشو .. وانا من اول كنت مقتنع في الطب .. لكن قالوا لي هندسه ويوم رحت هندسه لقيتها 4000 نوع .. وزادت الحيره اي تخصص .. ميكانيكيه .. كهربائيه .. كيميائيه .. فيزيائيه ...

-----------------------------------------------------

الرابعه تتوقعون ان الشهاده من الخارج .. تسوى .. تسوى اني اعيش في غربه .. واتوهق واتعب .. وفي الاخير غيري ينبسط ويخش اي جامعه سعوديه ..


في الاخير تتوقعون ان شهادتي ووظيفتي ومميزاتي = مميزاته ووظيفته وشهادته للي يخذها من الملك سعود مثلا ..


--------------------------------------------------

والاخير كيف مشكلة اللغه ... ودي تعلموني هل واجهتوا مشاكل .. انا لغتي مو سيئه ولا جيده ..


ادري اني قرقرت واجد بس والله العظيم انا في حيره وهممم ما يعلمه الا ربي ..

وتذكروا حديث الرسول ..

(من فرج كربه عن اخيه المسلم فرج الله عنه كربه من كربات يوم القيامه )


شكرا لكم