مساعدة مشكلة كبيرة قد تنهي بعثتي ,,,, الرجاء الدخول

اخوي انا مارحت لغة ولاني طالب بعثة بس بنقل لك شغله فادتني لتطوير لغتي وانا ما طلعت من دولتي
طبعاً انت راح تستفيد أكثر

1- كنت ادش دورات انجليزي بالانترنت www.englishtown.com
2- اشاهد افلام اجبية بدو ترجمة عشان اطور السمع وان لم افهم اشاهدها بترجمة انجليزية للفهم وتطوير السمع
3- اقرأ انجليزي واي كلمة ما افهمها اتجرمها .......
4- كتاباتي بمواقع التواصل الاجتماعي ومسجاتي كلها بالانجليزي
5- احاول التحدث مع اجانب في اي مكان وعندما اذهب لمكان فيه من يتحدث العربية اكلمة انجليزي
6- حبيت اللغة الانجليزية فاي شيء اسويه احسب حساب انه راح يصب في متطوير مستواي
7- اتصفح المواقع الاجبية للبحث عما اريد

انا نقلت لك تجربتي فقد يفيدك شيء منها ولو قليل .... لا تنساني من دعاءك الصالح

ياعمي ليش متخوف ؟؟
شكلك ماتدرس وبنفس الوقت خايف انك ماتجيب الدرجه اعرف وتاكد ان اللغه يبي لها اجتهاد وممارسه
ثانيا : شد حيلك واحفظ كلمات ودرب نفسك علي الايلتس والدرجه اللي مطلوبه عليك تراها مو صعبه جدا جدا سهله بس يبي لها شدت حيل
اترك الايلتس علي جنب واول شهرين ادرس فيها كيفيه تركيب الكلمات وكيف اصيع سؤال اروح المحلات اسال لو انهم مايفهموون اعيد بيخدمك وماراح يقول لك لا
ثانيا اسكن عند عائله خلك نششبه واسال وسولف وانصحك بعد بالراديووو بي بي سي ٤ الاخبار عليك فيها والله انها مهمه جدااااااااااااااااااا
تابع افلام ادرس ياخي
واترك اخر شهرين من بعثتك في الايلتس اجزم انك بتجيب الدرجه المطلوبه ويمكن ازود بعد والله الدرجه اللي عليه سهلللللللللله جداااا

عاااااااادي جدا
وسع صدرك

حاولت هذي الايام والشهور بالاجتهاد
والسنه التحضيريه اغلب المواد انجليزي

اتمنى لك التوفيق والنجاح الدائم

مساء الخير . انصحك بملتقى بريتش كولمبيا فيه قناه لهم على اليوتيوب وفيها موضوع اسمه كيف تضع الايلس في جيبك . والشئ الثاني انصحك بالممارسه اعرف لك واحد مايفقه في اللغه اي كلمة حتى صباح الخير وابتعث وصار له 4 اشهر وعدى اختبار التوفل .
(لشعور هو الرغبة , الرغبة هي الحب , العقل المشبع بالحب لايقهر ابدا) يعني حب المادة من قلب وباذن الله تنجح وتفائل بالخير وخل تفكيرك ايجابي تجذب الاشياء الايجابية لك لاتفكر في مخاوفك تسيطر عليك اعقد النيه وتوكل على الله سبحانه وتعالى وتفوز وتنجح. ولاتقارن نفسك باي احد من الي حولك في اللغة وتقول هذا احسن مني يمكن يكون لة مدة قبلك في البلد او ماخذ دورات قبل مايجي .
خل هدفك امامك ولاتدع الاشياء البسيطة تعيقك عنه , ودليل وجود عوائق امامك وتحديات تدل على انك في طريق تحديد هدفك .
اتمنى لك التوفيق

بعطيك نصيحه وااقعيه وعمليه بنفس الوقت

اولا لازم تحدد مستواك عشان تعرف هل هذا السكور تقدر تجيبه او لا .. وعشان كذا انصحك بقوه تدخل اختبار ايلتس وتشوف
ثانيا .. اللغه للاسف ماتتطور في شهر او شهرين لكن عشان تشوف نتائج واضحه لازم شهووور .. وكل ثلاث اربع شهور راح تحس انك تتطور الى الامام

في هالوقت اللي عندك ان شاء الله راح تلحق تجيب السكور المطلوب .. وانصحك بشيين

الاول انك تسوي تدريب على الايلتس والتكنيكس اللي ممكن تستفيد منها
وتسوي تدريب على الاختبار نفسه مررات كثيرره كل اجزائه الاربعه ..
اسمع كثير واقرا كثيير وبنفس الوقت سوي تدريب على السبيكنق واكتب مقالات وريبورت وخلي احد يصححها على الاقل كل اسبوع مقال وريبوت واحد..

ثانيا تقضي باقي الوقت في تطوير لغتك .. خلي معك الاي فون مثلا واسمع للبي بي سي وانت في الباص او الاندرجراوند لاتمشي كذا
او خلي معاك حاجه تقراها حتى وانت تاكل اسمع شي..

خلي معاك نوووت ودايم راجع كلمات الجديده .. طبعا الكلمات لاتكتب كل شي .. اختار الكلمات اللي راح تفيدك في الايلتس والكلمات الاساسيه لانك راح تضيع وقتك لو ركزت على كل شي وان شاء الله بعدين راح تطور لغتك على راحتك لما تجيب السكووور ...

فيه شي مهم بالنسبه لي هو القراءه والقراءه والقراءه راح تطور بعدها كل المهارات الثلاثه الباقيه
لما تسمع بعدين راح تفهم لانك تعرف الكلمات
راح يتطور القرامر عندك لانك دايم تقرا جمل انجليزيه
راح يتطور الاملاء وتزيد ذخيرتك اللغويه
وراح تقدر تتكلم لان عندك الكلمات اللي تقدر فيها تعبر عن نفسك ..

واخيرا Don't panic

الدرجه مو صعبه ابدا وان شاء الله بتحققها , لكن لما تشيل هم وتقلق يمكن يأثر على ادائك ..

YouTube - saudisociety's Channel ادخل على هذا الرابط وبتلقى تجربة طالب في الاختبار ؟ حلوو جدا