الى طلاب برايتون او ايست بورن ساعدوني

مرحبا أختي.... صعب عليك أنك تسكني في إحدى المدينتين طالما أنك تدرسين في الأخرى..

بمعنى.... صعب تسكنين في إيستبورن وأنتي تدرسين في برايتون لغة...... لكن احتمال ( أقول احتمال ) تقدرين تسكنين في برايتون وأنتي تدرسين الماستر في ايستبورن... وهذي يحكمها كم يوم بتدرسينه للماستر لأن بعض التخصصات الدراسة فيها يومين أو ثلاثة وهنا مافيه مشكلة أنك تسكنين في بلد ( برايتون مثلا ) وتدرسين يومين أو ثلاثة في الأسبوع في بلد آخر..

المسافة بين برايتون وايستبورن تاخذ من نصف ساعة إلى 40 دقيقة بالترين ( القطار ) ..... وتكلف تقريبا 10باوند...... وبالنسبة للباص ياخذ من 45 إلى 50 دقيقة تقريبا وتقدرين تاخذين خطين ( رايح جاي ) بحدود 6 باوند..

فالمسألة تحتاج منك شوية تفكير.... لكن أنصحك بقوة تسكنين فترة اللغة ببرايتون لأنه من الصعب جدا أن تسكنين في ايستبورن وتجين كل يوم إلى برايتون...

المدينتين جميلتين.... وماهم بعيدات عن لندن ( خصوصا برايتون ) لذلك تقدرين تروحين في الويكند للندن..... والسكن غالي شوي في برايتون وأعتقد أرخص في ايستبورن

في برايتون شقة من غرفتين وحمام تكرمين ب 800 باوند تقريبا.... واحتمال تلاقينها ب700 أو أقل في ايستبورن

.................................................. ....................

بالنسبة للأسعار فالخدمات العامة مثل الماء والكهرباء مثلا واحدة..... وخدمة الباصات في برايتون رائعة.... بس ما أعرف عن ايستبورن... وتعامل السكان أنا سكنت في برايتون أسبوعين وأكثر وماشاهدت أي مشاكل.... وإذا بتلبسين العباية مثلا فبتلاقين في برايتون بنات مثلك... لكن ايستبورن فيمكن فيه بس برايتون أكثر بحكم أنها أكبر.... وأخيرا توكلي على الله وكل أمورك بتصير زينة إن شاء الله..

بالتوفيق

ساعدوني

لا شكر على واجب أختي.... ماسويت شيء

طيب ليش ما تدرسين اللغة في ايستبورن وتستاجري مرة وحدة من هناك؟؟ أعرف واحد من الشباب درس هناك 3 شهور ويمدح الوضع وقلة السعوديين والعرب بشكل عام ( ينفع لنا كشباب علشان ممارسة اللغة ... لكن ما أدري عن وضع البنات )..
العرب والسعوديين في برايتون أكثر بالتأكيد... كذلك المطاعم ذات الأكل من النوع الشرقي ( عربي وهندي ) أكثر في برايتون..
بالنسبة لعقود السكن... بالفعل أغلب العقود لابد أن تكون 6 أشهر وفوق..... لكن في بعض الحالات ربما تلاقين صاحب البيت يوافق على عقد أقل....بس ماهو مضمون...

أنا بعيد مرة عن برايتون وايستبورن..... لكن ما يمنع انك تحاولين لو تلاقين أحد يعرف إذا عندك رغبة بالسكن لفترة في برايتون.... لو تحددين كم عددكم كعائلة.. وكم المبلغ اللي راح تدفعين كأجار والوقت اللي بتجين فيه إن شاء الله بأحاول ( أقول أحاول ) إن شاء الله لو لقيت أحد....

شيء آخر ...... يمكن تفكرين تدرسين الماستر ببرايتون.... المدينة فيها جامعتين وأعتقد العلاج الطبيعي فيها متوفر.. رئيس عيادة نادي أرسنال خريج جامعة برايتون في العلاج الطبيعي

بالتوفيق

اخي الكريم اعجز عن شكرك واحي فيك سرعه اجابتك على تساؤلاتي والله يجزاك عني كل خير

انا قدمت على جامعه برايتون عشان ادرس ماستر العلاج الطبيعي وماكنت ادري ان الدراسه رح تكون في ايست بورن وبرضو قدمت على كورس اللغه (بريسشنال كورس) تبع الجامعه اللي طلع ببرايتون

عموما صدر قرار ابتعاثي ومافي مجال لتغيير الجامعه او معهد اللغه
ودراسه اللغه رح تبدا في 27 يونيو الى 16 سبتمبر لمده 12 اسبوع
سوف احضر للدراسه انا وزوجي وطفلين
شكلي بدور لي سكن ببرايتون واللي من الواضح انها غاليه بعد بحثي السريع على سكن عبر الانترنت

دعواتي لك بالتوفيق

السلام عليكم ورحمة الله وبركاته ,,, خيتي ان شاء الله راح افيدك بالملعلومات الا عندي ,
بالنسبه لأيست بورن فهيه مررررررررررره رخصيه من ناحية السكن ومن كل شي تكثر فيها المطاعم الهنديه وتقريباً مطعم واحد عراقي , وبقاله واحده للأكل الحلال وغيره ,
طبعاً اهل المدينه زي السمن على العسل مررررررررررررره طيوبين وكلهم كبار بالسن وهذه ما تشتهر فيه المدينه , بالنسبه للعوائل العربيه طبعاً قليل جداً واغلبهم من الاخوان ليبين ,
انا عشت بالمدينه سنتين ونصف واخر سته 6 لي في المدينه كانت معي زوجتي فكانت العربيه الوحيده الخليجه بالمدينه ,حتى افتكر مره احد الاطفال قام ينادي نينجا ,,
في المدينه بلا خلاف رائعه جداً

بالنسبه لبرايتون فهيه كبيره وزحام وزيها زي لندن وهيه تقريباً ثاني منطقه في بريطانيا من حيث الغلا ,, طبعاً يوجد بها المطاهم الحلال والسنتر تبعها كبير ورائع ,
من ناحية العرب فيوجد عوائل عربيه خليجيه بس مو بديك الكثره والغالبيه يسكنوا في منطقة المارينا في برايتون وهيه منطقه هادئه ورائعه ,,
اما شعبها الصراحه مو بذاك الشي ومكروهين جداً بسبب ما تشتهر فيه المدينه ,
اذا سكنتي في ايست بورن
يوجد قطار خاص الصباح دايركت على برايتون ياخذ تقريبا 30 دقيقه

ماشاء الله معلومات رائعة من أخوي حميدو وما يحتاج من يزود عليه بكلمة حيث أنه سكن في ايستبورن

بالتوفيق يارب

السلام عليكم وورحمة الله وبركااته ...


ممكن اتوااصل معك اخي العزيز hameeedo ..