يلا نسعود الملحقيات

الى أعرفه قوانين البلد تفرض الشي هذا

كيف يعني تفرضو ؟

مااعتقد شي زي كدا عالعموم احنا نتمنى الافضل والاصلح لبلدنا قولو امين

مادري بأي منطق تتكلمين. اول شي سواء سعودي او من جنسيه أخرى شقيقه ويؤدي شغله على أكمل وجه الحمد لله . ليش المطالبه بالسعوده . اذا كان فيه شخص اجدر هو الاحق بالمكان.
ثانيا انا رحت للملحقيه مرتين وماشفت من الموظفين هناك الا كل خير وخاصه اللي تقولين عنهم أجانب.

وانا ماعارض السعوده او اؤيدها . لكن ممكن يجي شخص سعودي لكن مايؤدي عمله على اكمل وجه ويماطل.

وللعلم مايعطل العمل الى توظيف شخص لجنسيته او لعائلته او لاسمه او لانتمائه ! بدون النظر لادائه الفعلي وتفانيه للعمل

وحصل موقف لما رحت لملحقيه كنت اشتغل على الكمبيوتر واللي يشتغل من جنسيه ثانيه كان على التلفون طول ماكنت جالسه ورحت وجيت وهو على التلفون يرد على اتصالات الطلبه والطالبات ويشرح لهم خطوه خطوه كيف يحدثون بياناتهم ويضبطون اشغالهم على البوابه وهاذي مو المره الوحيده حتى المره الاولى اللي جيت فيها وهو على نفس المنوال .. يعني واحد متفاني فيه شغله ماشاء الله . نوظف سعوديين ثانين بس نحتفظ بالشخص الجاد والمجتهد في عمله

ثانيا . انتي ماتبين اختلاط في الملحقيه؟ اجل ليه جايه لبريطانيا ؟ في كل مكان اختلاط بدايه من الباص الاندرجراوند الشارع الكلاس المكتبه ؟ والاختلاط مو معناه خلوه غير شرعيه.
الاختلاط زي اي اختلاط ثاني حاصل في البلد بكل احترام واماكن مفتوحه . وانا دخلت بنفسي للملحلقيه والمكان اللي تقولين عنه اختلاط . اذا انتي في الكلاس وفي المكتبه راح تختلطين مع زملائك . هل هذا حلال عليك وحرام عليهم ؟

انا اعارض دعوتك لأسباب شهدتها بنفسي

1- قارني بين موظفي الملحقية مكي وطقته السعوديين وشوفي الأجانب.
بتلاحظين ان مكي وشلّته يوزعون فلوس الطلاب على محافظهم الاستثمارية وينقلون صورة خطأ في الجامعات البريطانية عن الاسلام قبل كل شي وعن مصداقية الدولة في تسديد مستحقات طلابها ويمكن يتسببون في حرمان اشخاص اخرين من فرص الابتعاث بسبب هالتصرفات بينما الاجنبي شغال واخلاقهم زي العسل .

2- قارني بين موظفي السفارة السعوديين والاجانب.
بتلاحظين ان السعوديين نفس حركاتهم في السعودية يطلع قبل الدوام بساعة ويخلي مصالح الناس اللي الدولة جابته هنا يخدمهم.
انا بنفسي راجعت شئون الرعايا على موضوع تافه وجيت الساعة 3 والدوام ينتهي 4 والموظف موجود وقال تعال بكره !!
ليش اجيك بكره وباقي ساعة على الدوام وحضرتك موجود والموضوع بسيط جدا فكان فيه جدال بيني وبينه وزاد عن حده ولكن فيه ناس فيهم خير من الموظفين هدوا الموضوع وفهموه ان ماله حق ويقول وراي عيال ووراي مدارس !! ليش تجي من الاساس يوم انك تعرف انك مو بكفو للمكان هذا بينما الأجانب والله اشوفهم بعيني ما يطلعون الا اخر اللحظات.

3- بعدين موضوع الاختلاط صراحة انا اعتب عليك في الموضوع هذا فيقول المثل ( لا تنه عن خلق وتأتي مثله عار عليك إذا فعلت عظيم ) انتي جايه في بلد مفتوح واذا كنتي طالبه فأنتي تدرسين مع طلاب وطالبات واتحدى ان كنتي تداومين بعبايتك فمن المنطق انك كيف تدعين بشيء انتي بنفسك مو مطبقته واذا كان مو عاجبك الاختلاط فليش جيتي من الاساس وانتي عارفه ان البلد انفتاحي ؟؟


ختام كلامي اتمنى من جميع الاعضاء عدم كتابة مثل هذه المواضيع اللي اشبه ما تكون بالمستحيله شفتي لبنانية ومصرية وش المشكلة ادمية جت تشتغل تبغى الرزق وتخدم زيها زي غيرها ولعلمك اذا كان فيهم السلطه والخربطه زي ما تقولين فللأسف انهم تعلموها من السعوديين اللي في الملحقية مو من كيفهم لأن لو كان السعودي منضبط ماكان يحصل منهم هالشي ولا يقدر يفر خشمه لأنك لا تنسين انه يعمل في دائرة حكومية سعودية

اختلف معك في دعوتك واتمنى لك التوفيق

اخت ام ناصر انا اختلف معك

مع كل احترامي لوجهة نظرك السعوديين اللي تعاملت معاهم في الملحقية باغلب مراجعتي بمعنى تعاملت معه اكثر مره الخنيزان و هشام اغلب الاوقات اللي اروح لمكاتبهم ما احصلهم يعني لازم انتظرهم ولما يجون غالبا مايحلون موضوعك مع انه مو مستاهل بحكم منصبهم بايدهم ينهون الموضوع لكن شنقول هذي البيرقراطيه لو كان موظف اجنبي صدقيني راح يخلص موضوعك .. حتى احد المشرفين في مراجعاتي قالي موضوعك من عندي خالص بس باقي موافقة رئيس القسم ولما رفض بلغت المشرف قال هو يقدر يخلصه لك لكن شوف لك احد يكلمه ... شفتي كيف الموظف السعودي كيف يشتغل مايخلص موضوعك بسرعه الا لمن تعرف واحد يمون عليه ويكلمه عشان يخلص موضوعك لو كان اجنبي كان خلصه لك بدون واسطه او واحد يمون عليه خاصه ان الموضوع مو مستاهل

موظف اجنبي يخلص شغلك افضل من موظف سعودي لما تجيه كانك جاي تطلبه من حلاله

بخصوص الموظفات انا اشوف اغلبهن محجبات والاختلاط موجود حتى بالسعودية لكن ماشفتي بعض السعوديات المرجعات كيف لبسهن ؟؟

انا مع الموظف اللي يخلص موضوعك بدون تاخير واتمنى بعد لو يكون رئيس القسم مو سعودي ونفتك من البيرقراطية ونفتك من موضوع اذا اعرفك اخلص موضوعك بسرعة

الله المستعان على كذا يبيلك تغيرين الملحق بنفسه

انا ياعزيزتي مني مبتعثه انا مرافقه لزوجي والحمدلله مااطلع من البيت الا وانا معاه والشي التاني يرضيكي تزيد البطاله في بلدك عشان نوظف اجانب مع العلم انو في سعوديين متفانيين في عملهم وانا اعرف كتير منهم واولهم زوجي والحريم اللي في الملحقيه مالهم اي داعي خلاص نجيب موظفين سعوديين وياكتر العاطلين عن العمل وعندهم ضمير لكن انا مشرف زوجي بهدل اهلنا وكل شي مايعرف وكل شي حيترفض الين غيروه الله يهديه بس