استفسار عاجل..........ساعدوني

أختي الكريمة وفقك الله ..
وعليكم السلام ورحمة الله وبركاته ،،،
بناتك ما تقدرين تسجلينهم في مدرسة بريطانية حكومية وإنتي في السعودية لسبب واحد ..
وهو يجب أن يكون لديك عنوان ثابت ، ومن ثم تبحثين عن أقرب مدرسة للبيت ، بعدها تحملين نموذج من مكتب إدارة التعليم في المدينة ، أو غالبا إدارات التعليم نفسها ترسل النماذج لحد بيتك يوم توقعين العقد لأن البيانات حقتك تاصلهم تلقائيا فيعرفون إن عندك أطفال في سن المدرسة ، وهذي حصلتلي أول ما جيت بريطانيا ، المهم تكتبين فيه كافة بيانات بناتك ( كل وحدة نموذج) وعنوان البيت والمدارس المرشحة ( غالبا 3 مدارس اللي تفضليها ) .
بعدين ترسلين النموذج وكلها 14 يوم أو بالكثير 20 يوم يجيك الرد على البيت بالموافقة حسب الأماكن المتاحة أو الاعتذار إن لم يكن هناك مكان .

أما لو كنت تبحثين عن مدرسة خاصة (غير حكومية ) فهذا ممكن ، لكني لا أعتقد أنك تبحثين عنها لأنك ستدفعين والأسعار غالية .

ملاحظة أخرى : معظم المدارس الحكومية والأهلية البريطانية تبدأ في أكتوبر ، لذلك عندك وقت إذا وصلتي إن شاء الله في سبتمبر عشان تسجلي البنات ، بس اللي أخشاه إنك ما تلقين مكان ، وهذا يعتمد على حسب المدينة اللي راح تروحيها .

بالتوفيق أختي الكريمة .

مشكور أخوي ......والله ما قصرت على المعلومات الطيبة
بالنسبة لمنطقة ليدز أنا راح أدرس بجامعة ليدز؟؟
هل عندك معلومة عن المنطقة والزحمة اللي فيها؟؟

الله يوفقك أختي الكريمة ويسهل أمرك ..
ليدز مدينة جميلة وأنا أهنيك على القبول فيها ، والجامعة متميزة وقوية ..

طبعا المدينة مليئة بالسعوديين وفيها نادي سعودي نشيط والحمد لله .
المدينة كبيرة والأمور كلها متوفرة فيها ، بالنسبة للسكن فإن معظم السعوديين يسكنون في LS16 وكذلك الكثير من الخليجيين ، وهناك مدارس رائعة ومتميزة في هذا الحي والخدمات فيه متكاملة والوضع آمن .
الحمد لله أشوف السعوديات والخليجيات ماخذين راحتهم في الحي بشكل كبير ، بالنسبة للأحياء الأخرى فهي مزدحمة ولا أنصح بها .
لكني أنصحك بهذا الحي ، وفيه الفترة الحالية بيوت كثيرة لسعوديين صارت فاضية لأن بعثاتهم انتهت ، ومعدل الإيجار فيه بين 550 و850 يزيد وينقص شي بسيط حسب مساحة البيت وموقعه .
المدارس زي ما قلت هي من أفضل المدارس في ليدز تحديدا وفي يوركشير عموما وهي متميزة ومتوفرة .
الجامعة تبعد عن هذا الحي 4 مايل تقريبا لكن الباصات تاخذك لحد باب الجامعة بسهولة ويسر إن شاء الله .
بالتوفيق أختي الكريمة ،،،

طمنتني ياخوي الله ايريح بالك ويردك لأهلك سالم غانم .......
هم وانزاح

ابد لاتشيلي هم
الامور سهله جدا وميسره

والف مبروك قبولك في ليدز والله يحييك هنا
وكما قال اخوي ناصح ماقصر كفى ووفى
فالوقت معك لا وصلتي تبي تيسر امورك
ولا تشيلي هم ابد ترى الامور اسهل مما تتصوري
والله يوفقك يارب

مشكور والله......والله ايوفق الجميع وتتيسر أمورهم آمين