ارغب في الابتعاث الى بريطانيا فكيف ذلك ارجوكم يا اهل الخبره تفيدوني

شوفي يااستاذتي .. قبل ماجاوب ان شاء الله اذا جوني عيال تراك بتكافئيني بتدرسينهم مادة الاحياء لان شكلهم بيصيرون دجه مثل ابوهم هههههههههههههه

نجي لأسئلتك طبعا فيها امور تخصصية يعني عن تخصصك وانا تخصص غير جداً لكن بقدم لك نصيحة شوفي جامعة الملك سعود فيه صفحات الدكاترة حقين الاحياء او المحاضرين ممكن تاخذين ايميله او رقم وتراسلينه يفيدك لانه بيكون اكثر مننا علم بتخصصكم

اما بالنسبة للاسئلة الباقية بجاوبك باللي اعرفه وان شاء الله اوفق في اجاباتك

اول شي طريقة الارسال ماعرف كيف .. لكن الفايدة ان الملحقية تصادق على قبولاتك سواء قبول معهد او قبول جامعه لان وزارة التعليم بتعرضه على وزارة الخدمه المدنية لابتعاثك والخدمه المدنية تبي مصادقة الملحقية عالقبول نفسه حلو ؟ طبعا هذا اللي عرفته لحد الان ولسى ابحث بالموضوع

اختبار الايلتس مثل ماقريتي عنه هو اختبار يحدد مستواك في الانجليزي ويعطونك درجة معينه هالدرجه يشترطونها الجامعات البريطانية مثل نسبة الثانوي عندنا .. طبعا بالغالب تكون من 5ونص الى 6 لكن ممكن فيه جامعات تطلب اقل وممكن تطلب اكثر حسب قوة الجامعه او اجراءاتها .. طبعا تختبريه بعد ماتنهين مدة اللغه اللي اعطتك ايها الملحقيه اللي هي تقريبا سنه ويحق لك التمديد لستة اشهر زياده يعني مجموعها 18 شهر .. لكن اذا انجليزيتك ممتازه او جيده جدا تقدرين تخبرينه قبل ماتسافرين وممكن هالشي يختصر عليك مدة اللغة اذا انتي تبغين تنجزين بسرعه ..

بصراحه تختلف بس غالبا لما تكون مدينة عالمية مثل لندن واكسفورد وكيمبريج والخ تكون اغلى عن باقي المدن بس انا شخصيا افضل المدن العالمية ولو انها غاليه بس ميزتها اكثر امان وان حتى سكانها متعودين على الطلاب الاجانب فتكون ماخذ راحتك اكثر وتعاملهم معاك اسهل وحتى من ناحية مساجد ومحلات عرب تكون فيه شي يفي بالغرض

اما بخصوص الدراسه فانا اللي جربته كانت دراسة لغة وكنت مستمتع الحمدلله بس عاد الدراسه الجامعيه عن كلام الشباب تختلف من جامعه الى جامعه جامعه تكون شديده وجامعه وسط الخ

وبشأن زوجك واطفالك انا الحمدلله ماتزوجت للحين ههههههههه فهذا السؤال يوجه لمن لديه سابقه في هالموضوع ههههه



انا اشوفك مركزه عالقبول الجامعي اكثر من قبول المعهد رغم ان المعهد تقريبا هو اهم شي لان الجامعه تقدرين تغيرينها زي ماتحبين وقت اللغة بس يعني جيبي جامعه معترف فيها اهم شي عشان تمشي اوراقك بالوزارة واحرصي اختيار المعهد لان هو اللي مهم مبدئيا ولكن مادري انتي خلصتي اللغه ؟ وبالنسبة انتي ماقلتي طالعه على حسابك او بتطلعين على حساب التعليم لانها تفرق ترى ... وبشرحها لك للاحتياط

اذا على حسابك مابيفرق معاك شي لانك انتي بتدفعين كل شي وبتحددين مواعيد القبولات زي ماتحبين ومناسب لك

اما اذا عن طريق وزارة التعليم فحاولي تجيبين قبول بعد ستة اشهر لان انتي بترفعين طلب ابتعاث للجهة والجهة بترفع اوراقك للخدمه المدنية اللي لها شروط ثانيه على فكره والخدمه المدنية تشترط ان الاوراق تجيها ويكون قبل بدا الدراسه 60 يوم يعني شهريا فانتي للاحتياط خليها ستة اشهر نصيحة عشان ماترجع اوراقك وحوسه وهنا لازم تقيسين متى بتقدمين اوراقك للوزارة التعليم مع تاريخ بدا دراستك


من اي ناحية :$ <<ترى معليش لك علي منيب استوعب الاسئله العامه زين :/

شوفي اذا بتروحين عن طريق دوامك يصرف لك راتب مبتعثه + مكافأه للمرافق اللي هو زوجك واظن انها نص مكافأتك + ابنائك بس لهم عدد مادري كم والله معلوماتي مهي كافيه بخصوص المرافقين ان شاء الله غيري يفيدك

لكن بالنسبة لراتبك حق التعليم اخصمي منه البدلات واخصمي منه حق المعاشات والتقاعد واقسمي الباقي على اثنين الناتج يصرف لك شهريا ...<<مدري ليه تذكرت لعبة خذ نصها ورجع لبوك حقه هههه

وهذا سؤال ابي اسئلة وان شاء الله نلقى احد يجاوبنا ...



اعتذر منك على عدم اجابتي لجميع تساؤلاتك بس جاوبت اللي اقدر عليه واي شي ماتفهمينه تبين توضيح اكثر لايردك الا الكيبورد

ترى لقيت طريقة تصديق القبولات وهو عن طريق موقع الوزارة الطريقة جدا سهله وبجيب الروابط وكذا بس الحين انا بروب

السلام عليكم
اختي الله يوفقك
حبيت اقول لك شي
قبل تبدي وتبحثي هل لديك موافقه من جهة عملك
او ان المواففقه سهله بعد الحصول على القبول

اللي اعرفه ان وزارة التربيه معقده شوي في الابتعاث
ماابي اضيق صدرك لكن هذا اللي صار مع احد الاصحاب
واضطر ان يبتعث زوجته وياخذ اجازه بدون راتب ويبتعث بعد

على العموم بعد ماتجاوبي علي ابي ارد على اسئلتك بالتفصيل

والله ويوفقك يارب

انا اول رحت للوزارة حقتنا قسم الابتعاث ورحت الخدمة المدنية وماخليت مكان المهم اللي طلعت فيه منهم انه جيبي لنا قبول من الجامعه اللي بتدريسين فيها وبعدين وديها للملحقية الثقافية وبعدين تعالي عندنا نخلص لك باقي اوراقك

والله يا قلبي محروق ماحد يعطيك اجابه شافيه والناس على مكاتبهم يكلمونك من فوق الخشم .

انا قمت دورت على مكتب يجيب لي قبول ودفعت لهم فلوس عشان يجيبون لي قبول لحد الان هذا كل شي انا سويته صار لي سنين اطرد عشان احقق هالحلم ومدري متى الله يريد

ياليت لو تقدر تفيدني ولك جزيل الشكر .

الله يعطيك الف عافية يارب ويوفقك في حياتك ويزوجك وعيالك ولا يهمك ادرسهم وانجحهم من غير لا اصحح لهم هههههههههه واسطة

انا ابغى اسافر ادرس على حساب الحكومة مو على حسابي .

بالنسبه للغه انا مقدمة على قبول جامعي بالاضافه الى معهد [ انا لغتي الانجليزية لاباس بها يعني ممكن اروح اجرب واختبر واشوف اذا نجحت اكنسل المعهد ولا دام قدمت على معهد خلاص ما ينفع لازم اروح المعهد مع اني حابة ادخل معهد عشان اقوي لغتي اكثر ] .

وين وكيف ومتى اروح اختبر الايلتس وش المطلوب ؟

بالنسبه للمعاهد تقول مهمه طيب وش افضل المعاهد هناك واقواها لاني ماعرف اي شي .

بالنسبه للتجهيزات اقصد الفلوس يعني كم المبلغ اللي لازم اوفره يكون معي قبل لااسافر ؟

وفيه سؤال تذكرته اذا علي قروض للبنك مايخلوني اسافر ولا عادي .

بالنسبه للمده راح اخليها فعلا بعد سته اشهر باذن الله < اذا ارد الله وانقبلت يعني

والله يجزاك الف خير على وقتك واهنيك على روحك المرحة استمر في الدجه وللامام وعقبال ما تشوف عيالك داجين معك

الله يوفقك يارب
ان كان مابعد دفعتي للمكتب فلوس
فيه واحد هنا محترم مره ويجيب قبولات مجانيه ولا ياخذ شي من المتقدم
ياخذ من الجامعه
وان كان قد دفعتي الله يسر امورك
بالنسبه للجامعات اللي فيها تخصصك وزينه فيه ليستر وليدز ومانشستر
والله يعينك تخصصك له تشعبات كثيره عاد انتي ورغبتك قد بحثت فيه ودخت من كثرها
والنسبه لفروع الطب بالصراحه ماعندي علم عن ذلك
اذا حصلتي على قبول لابد اول شي تصدق عليه الملحقيه انه من جامعه معتمده
وهذابسيط تقدرين ترسلينه لهم اونلاين ويردون لك
وكل هذا من اجل ان يتاكدون ان التخصص مقبول والجامعه مقبوله
والنسبه لاختبار الايلتس تقدرين تخترينه اي وقت والان اان كان لغتك زينه وتتوقعين تجيبين فوق الاربعه
اختبريه قبل تقدمي على الفيزا من اجل يعطونك فيزا طالب عام من اجل يجي معك المحرم مرافق
واذا ماجبتي اربعه ونص لازم تطلعي فيزا طالب زائر مدتها 11 شهر
والدراسه حسب الجامعه بعضها سهل وبعضها صعب لكن لابد من بذل الجهد
والمعيشه متوسطه وحسب المدينه
والنسبه لبداية الدراسه يفضل تكون سبتمبر افضل
والمرافقين لهم مكافئه من هنا من الملحقيه
وبالنسبه للجامعات انها مثل المدارس الاهليه عاد هذه يمكن اللي قال لك انه متخرج من امريكا
ويمكن الفرق بين المده في بريطانيا الماستر سنه وامريكا سنتين من غير اللغه
والله يوفقك يارب
وتراي كتبت على عجاله

وشكرا

الله يعطيك الف عافيه وجزاك الله الف خير الله يوفقك في حياتك يارب ويرزقك من حيث لاتحتسب

اول شي انا فعلا دفعت لهم الفلوس على اساس احصل على قبول جامعي ودراسة اللغه

بس اذا فيه احد اضمن من المكاتب ويجيب لي قبول زين ياريت تدلني علية

بالنسبة للملحقيه كيف اونلاين يعني من النت ادخل على موقعهم وارسل لهم القبول ؟؟

بالنسبه للفيزا هذي اسمع فيها مادري وش هي ومتى اقدم عليها او اطلعها ؟؟ ( مع العلم ان المكتب اللي قدمت عليها هم قالوا لي احنا نطلع لك الفيزا ) هل اقول لهم لاتطلعون لي فيزا حتى اختبر الايلتس ؟؟

يعني لو ماخذت سنه لغه راح يكون دراستي عشان احصل على الماجستير سنه وحده بس ؟؟

عندي سؤال انا لغتي لاباس بها لكن ما اتكلم بطلاقة يعني ماروح معهد عشان احسن لغتي وكيف لو حصلت قبول جامعي اقدر افهم كلام البريطانين وهم يتكلمون بسرعه يعني انا مو توب بالانقلش بس يعني عندي حصيله جيدة من الكلمات !

عندي سؤال يعني نصيحتك لي لو مستواي جيد جدا بالانقلش مادخل معهد عشان احسن لغتي ؟ لاني حابة اتكلم بطلاقة في الانقلش او خلال وجودي هناك راح اكتسب خبره واتعلم وما احتاج لمعهد ؟

اسفه على كثرة اسئلتي والله براسي اسائلة كثيره بس ما تحضرني الحين ؟

الله يوفقك ويسر امورك يارب
نعم تقدرين من النت تدخلي وتصدقي قبولك من عندهم اون لاين على حسب كلام المشرف
انا مابعد جربت لكن ابي ابحث عن الطريق واكتبها هنا ان شاء الله
اي فيزا تقصدي هل تقصدي الفيزا بشكل عام ام فيزا طالب زائر
فيزا بشكل عام اي شخص يريد الدخول الى بريطانيا لازم معه فيزا وهذه انواع حسسب نوع الدخول هل
هو طالب او زائر او مرافق ورجل اعمال او او
لكن بالنسب لفيزا الطالب الزائر
فيزا مدتها 11 شهر تستخرج للطالب اللي جاي دراسه اقل من سنه
ولاقدر يجيب اربعه ونص في الايلتس يقدر يقدمها بعد مايجيب قبول من المعهد
ويجيب شي اسمه فيزا لتر من المعهد بعد على انه هو االكفيل للطالب وان االطالب جاي يدرس عنده
وهذه بسيطه بعد ماتجي بالقبول وكل شي تقدمي عليها وكلها اربعة ايام وتطلع
بعدين اللغه ماهو شرط تجلسي فيها سنه حسب لغتك بعض الناس يجي من السعوديه ويبداء ماستر اذا كانت لغته ممتازه
وبعضهم يجلس هنا سنتين ماجاب الدرجه المطلوبه في اللغه
طبعا كثر الجامعات تطلب سته او سته ونص في الايلتس عشان تبداء الماستر معهم
وبعضهم يطلب خمسه من اجل البرسشنل كورس وهذا كورس مدته من شهر الى ثلاثة شهور قبل الماستر ومفيد جدا
وانصحك اذا معك وقت تاخذي لغه ولاتبدي الماستر ولا انتي ممتازه في اللغه لان الماستر يحتاج لغه قويه وبحوث وشغل

ابد اي سؤال اسئلي واذا نعرف نبي نجاوب

بالتوفيق يارب

شوفي يخوك تاخرت بالرد لاني الصبح كنت كاتب رد طووووويل في الاخير طار :/ عاد قلت اذا افطرت وعينت من الله خير رديت من قديد

اهاااااا لا لا هذا اللي مانبيه ! الواسطه ... شوفي عيالي اكيد بيدخلون موب مذاكرين بس خليك في القاعه حولهم يمكن يبون قلم والا برايه والا معلومات عالطاير ههههههه ... مافيه امل يطلبون مساحه لانهم مايصدقون يلقون شي يكتبونه عشان يمسحون هههههههههه




طيب شوفي بحكم قرائتي لموضوع الابتعاث عن طريق الدوام بجاوبك بس ترى انا جهة غير تعليمية ممكن يكون فيه فرق
اول شي ياطويلة العمر تجيبين قبول لغة وجامعه وتصدقينها من الملحقيه مثل ماقالو لك وهالطريقه مره سهله
بعدين موافقة عملك وبحكم انك انثى اكيد موافقة ولي امرك
تكونين امضيتي سنتين في خدمة الحكومه
بعدين اختبار توفل وتجيبين 350 يعني درجه مره نازله بالاختبار اول مايعادلها مثل معهد مصرفي اختبار كفايات او اي ال اس او او او الخ ...
بعدين ترفعين اوراقك لجهة تطوير الموظفين وهم يرفعون اوراقك للخدمه المدنية والخدمه المدنية تنظر في اوراقك وبعد كذا ان شاء الله يوافقون والاكيد انهم بيوافقون لانك بتدرسين اولادي :$ هههههههههههه

بعد كذا يصدر لك قرار ابتعاث مدة صلاحيته ستة اشهر يعني لو ماطلعتي خلال الستة اشهر تروحين تقدمين من جديد



والله ابجاوبك عن الشي اللي افضله بنفسي ... انا لغتي الحمدلله كويسه ويمكن مااحتاج الا نص المده اللي تمنحني اياها الوزارة حلو ؟ بس اللغة بشكل عام بحر كل ماوصلتي مستوى طلعت لك اشياء جديدة ماعندك خبر فيها صح ممكن مستواك كويس بس في معلومات ماتعرفينها ودامك اصلن رايحه رايحه استغلي سنة اللغة عالاقل يعني موب شرط تمددين ستة اشهر خذي السنه عشان تزيد معلوماتك وبكذا بتسهل عليك الماستر يعني كل مازادت قوة لغتك كل ماستوعبتي الماستر بشكل اسهل بالاضافه ممكن انك تكلمين المعهد ويزيد لك كورسات حسب تخصصك اذا متوفر عندهم



تقدرين بالرياض وتقدرين ببريطانيا

عن طريق معهدك في بريطانيا او تشوفين معاهد بالرياض تسوي لك الاختبار

اذا حسيتي ان مستواك باللغه ممتاز وتقدرين تجيبين درجه كويسه اللي تدخلك للجامعه

.

وراك معصبه وانتي تسئلين هههههههههههههه المطلوب 6 او 6.5 حسب ماهو مطلوب منك من الجامعه



شوفي بالنسبة للمعاهد بتتعبين كلن يقول لك هالمعهد زين وهالمعهد زين وحسب بحث وتقصي اكتشفت بشكل عام دائما المعاهد اللي تتبع للجامعه تكون قوية لكن فيها عيب ! انها غالبا تكون مليانه عرب !! وهالشي يأثر على استفادتك باللغة
يعني مثلا مره وانا في بريطانيا كنت في معهد خاص وكان خويي في معهد تابع لجامعه بعد طقاق انا وياه سحبته معي للمعهد الخاص لغته تغيرت كثيرررر مع ان المعهد الخاص اللي كنت ادرس فيه كان ممتاز بس على اخر وقت دورتي بدا يدج ويغير نظامه ومع كذا كان بداية دجته جاي خويي ونفع معه واستفاد !

فميزة المعاهد الخاصه انها تكون نسبة الاوربيين والاجانب كثير مقارنة بمعاهد الجامعه فتقدرين تطورين لغتك بعلاقاتك معهم فمثلا اذا انتي ماعندك مشكلة بالمدة خذي سنه بمعهد خاص وستة اشهر في معهد جامعتك او مثلا ستة اشهر بمعهد خاص وستة في معهد الجامعه

لكن فيه معهد انا لو فكرت ادرس مره ثانيه بدرس فيه اسمه bell school هذا مره ممتاز حتى كان الملحقيه ماتسمح بالدراسة فيه لانه مرتفع سعره ! واظن الحين فتحو الدراسه فيه جداً راقي طبعا له ثلاث فروع كيبمبريج ولندن ومدينه ثالثه مدري وش ودام اني ماادري وشي فعتبريها مخيسه هههههههههههههه

طبعا غالبا بيقولون لك كيبمريج مخيسه وكئيبه ومدري ايش بس انا بالنسبه للي مستمتع فيها وبرضو ميزتها دراسيه وصحيح انها غاليه نوعا ماء بس مقارنة بالمدن الانترناشونال مثل لندن واكسفورد وبرايتون والخ الخ تعتبر اسعارها معقوله جدا من حيث السكن والمواصلات وميزتها قريبه لم لندن بينها 45 دقيقه بالقطار وفوق هذا كان معي شباب سعوديين بعضهم زوجته تدرس وهو مرافق وبعضهم هو يدرس وزوجته مرافقه وعلى طاري المرافق زوجك اذا حاب يكمل دراسته او يدرس لغه تسمح له الملحقيه برضو

هذا يعتمد عليك انتي مثل ماقلت ماعندي خلفية كامله الا عني كعزوبي اما المتزوجين الله لايبلانا ماعرف ههههههههههههه
بس انتي لو تبين نحسبها سواء اوكي مبدئيا احسبي قيمة المواصلات من المطار الى مدينتك اذا انتي بتروحين دايركت للمدينه
يعني موب تقولين بجلس بلندن يومين ثلاثه وبعدين هل سكنك بيكون متوفر او تروحين للمدينه تستاجرين هوتيل لين تدورين لك شقه وهل بتتفقين مع المكتب يستقبلك المعهد ويضبط امورك في المطار او لا يعني لها اعتمادات كثير تعتمد عليك انتي وعلى خطتك وش تبين تسوين اول ماتقولين سلام ياهيثرو

سؤال مهم جداً .. اذا كان لي نسبة من القرض فليش لا ؟ اكيد بيخلونك تسافرين هههههههههههههههههه

امزح ابسئلك واحد بالخدمه المدنية عن سؤالك لكن اتوقع بعد مايخصمون نص راتبك اذا كان المبلغ كافي لقسط البنك ليش لا!


كويس عشان يكون فيه وقت لك موب توصل اوراقك للخدمه وتدوير لان القبولات منتهيه

*************************************

ادري ادري الأسئلة ذي موجهه لخوي صالح بس برضو برد لقافه :$ ههههههههههههههه واخوي صالح موب مقصر بس زياده الخير خيرين :$




شوفي ياستاذتي انا احب مبدأ يلعن ابو ريال مايريّح راعيه ! صحيح المكاتب بياخذ منك مبلغ على شغل مايستاهل بس لانك اول مره تسافرين دراسه فودك تروحين لواحد راعي خبره ويخلص امورك بسرعه وتلقينه باي وقت وهذا ماراح تلقينه بالمنتدى يعني مثلا لو جاب لك احد قبول او او او وصار فيه مشكلة بسيطه لو مثلا بالاسم بتجلسين تنتظرين فلان يرد على رسايلك ! افرضي فلان انشغل خمس ايام بس ! كل هذا محسوب عليك
اما لو مكتب لو صار شي لا سمح الله بتدقين عليهم او ترسلين اخوك او اخو زوجك يروح للمكتب ينفضهم ومايطلع الا بمرادك منهم
بس مثلا ممكن اذا انتي سافرتي لبريطانيا ودخلتي معهد ولقيتي جامعه افضل حسب كلام زملائك بالكلاس تكلمين احد بالمنتدى يجيب لك قبول لان خلاص انتي استقريتي هناك ورتبتي وضعك ...
اما لو احد جاب لك كل شي ورتب امورك ونقص شي بسيط بترجعين تراجعين من جديد وتشوفين وش النقص فيه يعني بفلوسك بتوفرين عليك وقت وطريقة بس حلو تسئلين عشان يكون عندك خلفيه عن كل صغيره وكبيره يسويها لك المكتب .. وجهة نظري الشخصيه والراي يرجع لك :$


http://www.uksacb.org/

تدخلين هالموقع ثم تروحين عاليمين مكتوب الشئون الاكاديميه
يفتح لك صفحة شوفي رقم 7 مكتوب تصديق
بعدين بيطلع لك مسئول التصديق رولى سليمان ومكتوب تحتها لخدمة التصديق على الشهادات الرجا الدخول على هالرابط ادخلي وكملي الخطوات مره سهله واذا احتجتي شي نحن هنا



الفيزا هذي تنوره دانتيل تهببببببببل هههههههههههههه امزح :$

الفيزه هي تأشيرة دخول لأي دولة تطلب هالتأشيره مثل المملكه العربيه السعوديه ومثل بريطانيا ومثل امريكا وكندا .. والقائمه تطول

تتعدد لعدة انواع زي ماتفضل اخوي صالح ...
سياحية
دراسيه
علاجيه
عمل

انتي راح يكون اختيارك اكيد سياحية والمطلوب هنا فقط قبولاتك من المعهد والجامعه طبعا هذي بيجهزها لك المكتب يعني امور الفيزة


ايه اذا مثلا لغتك ممتازه ممكن سنه بس طبعا لو سويتيها ماشاء الله عليك بصير اناديك يالدافوره هههههههههههههه


اكيد اول الفترة بتحسين انك ضايعه بينهم وهالشي طبيعي حتى ممكن تكون سبوع او سبوعين او شهر بس عادي تطمني انا اول مادخلت الكلاس كان سؤال المدرسة كم لديك من الاعمام كلهم جاوبو ارقام عادي 5 والا 7 والا 1 والا 4 انا قلت مرري الاجابه للي جنبي ! قلت جمله اصعب من رقم بس عادي معذور لاني مرتبك شوي هههههههههه

والمعهد مدري انا بالنسبه لي اشوف لو تاخذين مدة اللغة كامله اذا ماعندك اشكالية افضل



لا ادخلي معهد <<ياليل ماطولك ههههههههههه
والمعهد بيعطيك 40 بالميه تقريبا او 30 بالميه والباقي عليك ادائك للواجبات واختلاطك مع الشعب سواء مطاعم محلات اسواق سينما هذا بتزيدك بس حاول تطبقين اللي تعلمتيه وانتي تطلبين شي او تتكلمين بشي

لا تعتذري من حقك تعرفي كل صغيره وكبيره دام الوقت سامح لك وحياك الله بأي وقت




انا اللي اعتذر عاللقافه والبربره بس لاني احب لو سئلت عن شي احد يجاوبني ويشرح بإسهاب :$ بالتوفيق ان شاء الله