سؤالان .. لا ثالث لهما .. هل تجيبونني وتطمئنونني ..

شف في لندن عادي كثير خصوصا الخليجين عبايه ونقاب والامور ماشيه متعودين ...

كيمبريج .. اذكر معانا بنات مبتعثات يداومون بنقاباتهم وعادي محد تعرض لهم وبالعكس لهم احترامهم ... وعلى فكرة فيه معاهد في بريطانيا تخصص كلاسات للنساء فقط

طبعا جاوبتك عن هالمدينتين لاني ضامنها وكنت فيها الباقي ياليت احد يفيدك ... طبعا فيه حالات شاذه بس غالبا ماتكون في القرى يعني موب المدن الرئيسيه لان المدن الرئيسيه تكون اكثر تحظر ومتعودين عالسياح ...

والله انا طول فترتي في لندن وكيمبريج الحمدلله ماتعرضت لشي وبالعكس مع اني اطلع برضو باوقات متاخره بس اكون في الحاره طبعا يعني رايح ازور واحد والا شي ...

الله يسعدك ويوفقك ..

يعجبني الإنسان المتعاون , الذي لايبخل بالعلم ..



الله يكتبلك بكل خطوة حسنة , ويوفقك , ويسعدك في الدارين ..

هلا بعباد الوحش خلاص هذا لقبك
تراي ابجاوبك طمعا بالدعاء
الصراحة اني ماعندي خلفية عن السؤال الاول لأني عزابي
والثاني الحمدلله ما فيه مشاكل بإذن الله الشرطة متعاونين ومافيه عنصرية النظام يمشي على الجميع
ارشحلك مانشستر او كاردف مدينتين النادي السعودي فيهم نشط وخاصة في كاردف وفيه عوائل سعودية وامورهم ماشية عال العال والاسعار ماهي غالية والله ييسرلك كل امر عسر وبالتوفيق
بس اهم شئ صل صلاة استخارة وكررها بعدين توكل على الله وهو حسبك

جزاك الله خير يارب

الذيب عباد .... هلا بك

بشكل عام مافيه أي مشاكل بخصوص النقاب وتغطية الوجه.... ممكن بصورة فردية فقط وهذه حالات شاذة ونادرة وممكن تكون في أي مكان بالعالم

طبعا لا تفهمهم غلط... لأنهم يمنعون دخو المنقبات ( أي شكل لتغطية الوجه ) لمحلات الذهب والمجوهرات والتي عليها حراس ( بودي قارد ) عند المدخل... هذا ليس فيه عنصرية هي فقط لأجل أن فيه كاميرات داخل المحل وتصور لأجل لو حصل سرقة ونحو ذلك... ولأجل أن النقاب يمنع التعرف على السارق عن طريق الكاميرات فهم يمنعون دخولها لهذا الغرض ( يعني بتفتك من شراء الذهب وهذا فيه مصلحة كبيرة لك )

طبعا من المهم جدا ن تذكر لنا أي مدينة راح تدرس فيها .... لأن هذا سيساعد كثيرا في إعطاء جواب محدد....

بريطانيا بشكل عام آمنة.... لكن يوجد بعض الأحياء مثلا الأمن فيها بشكل عام ليس كغيرها.... تماما مثل الرياض وجدة وحريملاء وغيرها

عباد
االاخوان مافصروا تعال وجب المدام وخل ببطنك بطيخ صيفي ابشرك مااحد يتعرضهم ولا يستغربونه بالعكس متعودين عليه ويحترمموا حرية الشخص

انا اتكلم من واقع تجربة ز وفعلا فيه اخوات يداومون بالجامعةوالمعد بنقابة وعبايتهم السوداء بس انا انصح بالعابايات الملوونة تكون اكثر قبول ولا تلفت الانتباه


واذا كان فيه حالات فتكون فردية يمد يديه القانون مايلعب