استفسار شراء الاساينمنت والريبورتات من شركات الكتابة الأكاديمية

اخي الكريم اكيد انت تعرف هالكلام لكن بصراحه مااقدر اقرا الموضوع وامشي

هالمواقع تكتب لك الريبورت والاساينمت المفروض أنت تكتبه وعلى اساس تاخذ درجات تقييم لادائك وهو في الحقيقه اداء الشركه وبعدين تنجح وتاخذ درجه الماستر وانت ماتعبت الا نسبه بسيطه وماتعلمت ولا استفدت وتطورت الا نسبه بسيطه لانك ماااشتغلت وبكذا انت فقط رايح تاخذ شهادده ومو شهاده وعلم


هل احد يرضى طبيب يعالجه وهو يعرف ان هذا الطيب اخذ شهادته بالاعتماد على شركات واشخاص ثانين
هل ترضى معلم يدرس ابنك سواء في المدرسه او الجامعه وانت تعرف هالاستاذ ماخذ شهادته بتعتب غيره ؟


اسمح لي اخوي لا تزعل بس هاذي شي يقهر وقلت رائي الشخصي

^ ^ ^

تأييدا ً لكلام الشيخه طموح معيده ....


ياعزيزي ياصاحب الموضوع ...

اذا كنت لست قادر على الدراسة ... رجاء لا تشتريها ثم تنكب ام البلد بسببك

ومهما لطفت وخففت المسألة بكلمة عدم انتهاك الحقوق الفردية .... تظل انت الخاسر الاول والاخير

وبكرة نشوفه في منصب كبير

لاحول ولا قوة الا بالله

دآم في عينات مثل اللي ردوا فوق بين شباب وطني .. فالحمدلله إطمأن قلبي .. لله دركم

مشكورين ياللي رديتو

و آسف اذا كان سؤالي ضايقكم لكن ممكن تصير خطة بديلة اذا حصلت ظروف خارجة عن ارادة الشخص.

شكرا.

يا أخي لو فيه أحد المسؤولين شاف كلامك هذا يمكن يضيق على الطلاب ويحوسهم حوس بذات ان المسؤولين عندنا حبايب يعني ابي اعطيك مثال في السابق كان تقدر ترجع التذاكر وتاخذ الفلوس بجيبك وتستفيد منها جوا ناس حبايب مثلك وشرواك وقاموا يكتبون بالموضوع بشكل علني بالمنتديات العامه وصل علم للمسؤلين مع انه شي عادي قاموا الان واوققوا الاسترجاع فانصحك مثل هالمواضيع لاتطرق بشكل علني ارجوك واكرر واقول ترا عندنا مسؤلين حبايب !!!

يااخي وليه حنا متغربين ومبتعثين
لو بغينا الشراء شريناها من السعوديه

ياشباب تكفون الهمه
ياشباب اذا ماابدعتوا واجتهدتوا في الغربه والابتعاث
متى تبي تنتجون صح
ياشباب اتركوا عنكم الكسل ولاعتماد على الغير

والله ان اللي يسوي لنا السايمنتات انه يضحك علينا ويغشنا

صح انا مع الشباب اللي يجلسون وياخذون مدرسين اوكيه
اما اللي ياخذها على طبق من ذهب فوالله انه غش ضميره

اخي العزيز صاحب الموضوع احييك على طرحك لعله يكون مفيد
للغير

واسف ان صدر مني ازعاج

ولكن !!!


لكم ودي وتقديري

فقط احقاقا للحق..... كلام الاخوان صحيح مئه بالمئه وشراء الابحاث افه كبيره ...

لكن المشكله الاعضم اني انصدمت بالاعداد اللي يتعاملون مع هالمواقع... انا قبل ادخل الجامعه كنت اشوف ناس تاخذ ممتاز وهم مع احترامي لهم من جنبها وكنت اقول ماشاء الله مجتهدين.. لكن يوم دخلت الجوا وشفت تغيرت نضرتي... بدون مبالغه اغلب من نصف الطلاب السعوديين اللي معنا اذا ماكان الثلاث ارباع يشترون بعض ابحاث المواد او كلها وحتى الديزرتيشن...... انا قلت طيب يمكن جامعتنا مهيب مضبوطه وسألت 3 زملاء في ثلث جامعات متفرقه وقالوا نفس الكلام بالضبط وحتى كانوا يشكون يقولون حنا نتعب ودرجاتنا وسط وفيه ناس ماتسوي شي وتجيب امتياز........... لا وبالاخير يجيك اللي مشتري كل بحوثه وينفخ ريشه عليك ويقول انا اللي مامثلي و و و
فصراحه شي يضيق الصدر .... لكن الله يهدي الجميع

ونصيحتي للواحد لايفكر بالطريق ذا وحتى لو كانت كل درجاته باس تكفي اهم شي انه مجهود شخصي

مشكورين حبايبي على النصايح وان شاء الله مانحتاج ل هالشركات لكن لفت نظري كثير من الطلاب السعوديين اللي يسوون هالشغلة ف حبيت استفسر والله يسهل علينا وعليكم.