للمبتعثات ماجستير التخصصات الطبيه(بريطانيا)

هلا بيكي دعد انا زيك انقبلت ماستر مختبرات طبيه في بريطانيا ولا اعرف ارضها من سماها لا مدينة لا معهد لا جامعة ..... خخخخخخخخخ فيا ريت تساعدونا انا ودعد

حبيبتي دعد اتوقع انك سمعتي بالمعرض للجامعات البريطانيا يوم الثلاثاء والاربعاء في بريتش كانسل في الفارسي وهناك ممكن نجيب القبول والله اعلم . انا ان شاء الله رايحة واشوف الاوضاع وان شاء الله نلاقي اخواتنا المبتعثات هناك وتعم الفايده بيننا

مرحبا عزيزتي دعد رحت الاربعاء المعرض الجامعات البرطانية وكان زحمة يطبق وسألت كذا جامعة ما عندهم التخصص باسم مختبرات طبية بس عندهم تخصصات خاصة بعلوم الاحياء الطبية زي جامعات ليدز وليفربول وهيدرسفيلد اما مانشستر قالو انها مافيها تخصصات وبصاراحة انا ماسألت عن مانشستر لان كان زحمة عليها بس وحده قالت لي انو تخصصات طبية ما فيها وحتى نيو كاستل وكوين ماري ما فيها دي التخصصات هادي انا سألت فيها .... يعني حوسة كانت امس وحتى الجامعات دي ما عندهم معاهد تعلم اللغة من البداية بس وحده جامعة هيا الي قالت انو فيها معهد يدرسو فية انجليزي اسمها East Anglia بس انا ما اعرف عنها شي ..
اما بالنسة للمعهد عجبني معهد في كانتربيري اسمو stafford house school of englisg بس لسة ابا اسأل عنو اكتر...



بس الي استغربت من المعرض انو سألنا عن الكاونتر الي فيه الموظفين تبع الوزاره التعليم العالي قالو انو بس جو الثلاثاء والاربعاء ما جو ..وحتى الموظف تبع معهد kAPLAN ASPECT قال انو المبتعثين تبع برنامج الملك عبدالله اهم شي يجيبو قبول المعهد والمعهد يساعدوكم في قبول الجامعات .. .. والله انو قالي كذا حتى استغربت من كلام الموظف دا ..
بس هادا الي صار معايا ...


يعني تيتي تيتي زي مارحتي جيتي