مساعدة ماهي خطوات البحث عن تخصص الدكتوراه

يعتمد على التخصص...اذا كان ساينس في الاغلب في بروجكتات من عند الدكاتره نفسهم...تراسلهم عن طريق الايميل (يكون ايميل مرتب تشرح فيه وضعك وايش درست وعندك بعثه او لا وترفق سي في وتذكر انك اطلعت على ابحاث الدكتور هذا نفسه وان عندك نفس الاهتمامات... بعدها ممكن يسوي مقابله عن طريق التلفون او شخصيه اذا انت هنا في يو كي...
لكن لو تخصص مثل تخصصات الاداره والكمبيوتر ساينس لازم يكون عندك بروبوزال (فكره بحث)..
في موقع ممتاز تسوي فيه بحث عن التخصص ويطلع لك كل الجامعات والمشرفين الا يبغوا طلاب دكتوراه وفيه يعرضوا ابحاثهم.. تقدر تختار بحث لو اانت انترستد وتراسل المشرف على طول عن طريق الايميل ..

هذا الموقع:

http://www.findaphd.com/

انشالله اكون افدتك وبالتوفيق

شكرااا اخوي


انا واحد قالي تشوف الجامعة الي انت تبيه وبعذين تكلم السكول اوفس يرسلولك اسم الدكاتره المتخصصين في تخصصك الي انت تبيه بعذين تتفاهم معاهم واذا قبل هو يصدرلك القبول هل هذا صحيح؟

يعني مثلا انا ابغا بحثي يكون عن ادارة المشاريع الهندسية
اروح مثلا جامعة مانشستر واقولهم ابي اسوي بي اتش دي في ادارة المشاريع الهندسية وهم بعذين يشوفو الدكتور المناسب وبعذين انا اراسله وهو يشوف يا يوافق يا لا
هل هذا صحيح؟؟؟؟؟؟؟

وبعذين ادارة المشاريع الهندسيه كلها ابحاث مافيها معامل ممكن يكون فيها استخدام برامج

ياريت تقولولي اذا هذا الشي صحيح ولا لا

انت ادخل اونلاين على موقع الجامعه الا تبغاها وشوف الدكاتره الا يسووا نفس تخصصك وراسلهم بالايميل واكتب في الايميل الا قلته في ردي الاول..بعدها بيرد عليك يمكن يطلب يسوي لك مقاابله عن طريق التلفون او شخصيا او انت في انجلاند ويمكن مايسوي اصلا لو انت ارفقت سي في ممتازه في ايميلك..اذا وافق عليك هو يرسل الى الادمشن اوفس ويقول لهم يصدروا لك قبول. انشالله افدتك بالتوفيق

شكرااااااا الله يوفقك امين

اذا ماعندك موضوع معين تبغا تشتغل عليه .. تدخل على الجامعه وتدخل على البروفايلات تبع الدكاتره الي في التخصص تبعك وتشوف كل واحد فيهم اش مجالو البحثي وترسلهم انك حابب تشتغل على بروجكت دكتوراه وعندك اهتمام لاهتمامات الدكتور وهوا ممكن يقولك اش المواضيع الي ممكن تشتغلو عليها
اذا عندك موضوع معين حتكتب بروبوزال ونفس الشي حتدور في الجامعه الي تبغاها على الدكاتره الي هما عندهم اهتمام في مجال الموضوع تبعك وغالبا حيطلبو يقابلوك فيس تو فيس او تلفون عشان يناقشو الموضوع معاك


وانشالله موفق