استفسارات خفيفة بخصوص الفيزا ..

مشكور ع الموضوع وأنا أنتظر نفس الاجابات لان عندي نفس الأسئلة والقلق ورايح في نفس الوقت ونفس الغرض: لدراسة اللغة بس مخطط ع الجنوب .. وأقدر أجاوب فقرة من اسئلتك حول الخطأ في السبيلينق وهو إنك تجيب من عملك ورقة ثانية حسب اسمك في الجواز أعتقد مقدور عليها..

بس ما قلت هل استلمت ورقة القبول من المعهد حتى تقدمها للسفارة ؟ وهل جات عن طريق الايميل أو البريد وهل يطلبون الاصل ؟




وعندي اسئلة أتمنى ألقى لها جواب شافي:

1 -أنا إلى الآن ما سويت شي حقيقي مثلك.. فقط راسلت المعهد وعبيت ورقة التسجيل وجاء في بريدي تأكيد عملية التعبئة مباشرة .. وكلمتهم وأنتظر ورقة القبول ومعلومات الدفع والأسعار وغيره... صار لي أسبوع أنتظر..أنت من انتظرت؟

2- أنا عندي حساب في البنك بس ما فيه شي ! ومعتمد فقط على إن الوالد هو الضامن المالي يعني آخذ معي كشف حسابه لأخر 3 أشهر وشهادة بنكية له فهل يكفي هذا؟ أم أقوله يحول لحسابي مثلاً ( 30000 ) وآخذ من البنك شهادة بالرصيد + أوراق الوالد كضامن مالي؟

3 - المشكلة اللي معقدتني إن إسم الوالد الثلاثي في جوازه يختلف عن إسمي الثلاثي في جوازي وهناك فقره ضروري يكون اسم الضامن حسب الجواز وصلة القرابة توضح انه الأب ... فهل فيها مشكلة.؟؟.

اهلا وسهلا اخوي منور الموضوع ..
بخصوص ورقة القبول من المعهد ضروري تقدم الاصل عن التقديم على الفيزا
الاشعار الي وصلك على البريد الالكتروني لا يكفي ..

انا وصلتني ورقة القبول الاصلية بعد اسبوع من تسجيلي ..

نصيحتي لك من الان احجز تذاكر الطيران لانه كل ما تتأخر كل ماتغلى
انا شريتها بــ 2600 ريال
ذهاب 4-4-2012
اياب 7-6-2012

بالنسبة للحساب البنكي اذا انت مو موظف لازم يكون عندك ضامن وهو والدك
حتى لا يرفضون طلبك .

بالنسبه للفقره 3 صراحه ماعندي ادني فكره عنها ..
اتمنى من اخواني الاعضاء مساعدتك ومساعدتي على باقي الاستفسارات

وينكم شباب مافي حد يرد على الاستفسارات ؟؟

امورك كلها OK ولا عندك عائق بحول الله