كيفية التواصل مع الطلاب السعوديين بـ مدينة " بورموث " و " برايتون " ..

هلا اخوي
مرحبا بك
من ناحية برايتون فاقراء هذا الموضوع فسينفعك

http://www.mbt3th.us/vb/forum66/thread338272.html

اما بورموث فلا اعرف عنها شي

اقراء الموضوع والتعليقات وماتريد بعدها فانا بالخدمه

ومن ناحية الدراسه فنصيحه عامه المعهد اخذه مده قصيره للتجربه واذا جاز لك مدد او لا ادفع لهم الا حق اول شهر وخصوصا اذا كنت علي حسابك

..

يعطيك العافية " ابو مالك " ..
موضوعك قد سبق لي قراءته ..
معلومات مهمة .. وافادتني صراحة ..

بغيت طريقة التواصل معك .. بما أنك من طلاب برايتون ..
الرسائل الخاصة ما بعد اشتغلت عندي ...


بإنتظار ردك ..
و بإنتظار البقية .. من طلاب بورموث .. او جنوب بريطانيا عموما ..

تم حذف الايميل

واعتذر لكتابته ولم اعلم بمنع ذلك في المنتدي

يا اخوي
انا في مدينة بورنموث
تحت امرك في الي تبغى
اعطيك نبذه عن المدينة
تقع في الجنوب مدينه حلوه جدا صغيره ومريحة نفسيا تتميز بقوة معاهدها انا ادرس في معهد beet المعهد قوي خصوصا في كورسات الايلتس وفيها معاهد اخرى قوية السكن مرتفع شوي من حدود 650 وطالع االسعوديين كثير وكذلك العرب والجنسيات الاخرى الاكل الحلال كثير ومتوفر خصوصا في شارع الشارمنتستر وكانك في احد مدن السعودية من كثرة السعوديين والاخوة العرب
تبعد عن لندن ساعة ونص بالقطار. السكن مع عوائل متوفر
تحب تسأل عن شي ثاني اسال وابشر

م . ابو مالك .
الله يعطيك العافية .. ما قصرت .. لي تواصل معك .. وجدا افدتني شكرا جزيلا لك ..


" يا الله على القوه " .. حياك الله .. ما تقصر ياخوي .. بزعجك شوي بالاسئلة .. تحملني ~


# من ناحية المعاهد .. تقدر تفيدني بمعهد الكنجز كولج .. والساوثبورن .. و البريتش ستدي ..

# ومن ناحية المدينة .. بسبب اني نوعا ما ثبتت عليها .. ان شاء الله ... فأبدا اسأل بالاسئلة الثانوية الاهمية ..
انا الحالي جاي .. وناوي ادرس لغة بس ..

هل متوفرة الاسواق بكثرة
من ناحية مشتريات الكترونية .. " جهاز كمبيوتر .. جوال ..ألخ " !
ومن ناحية ملابس و بضائع بشكل عام ..
وهل اسعارها مناسبة ..
لأن تعرف حتى هنا بالسعودية غلاء .. وهناك جودة و كواليتي افضل .. و سمعت ان مش غالي مرة .. اذا شلت الضرائب ..

ومن ناحية الاندية الرياضية و غيرها تقدر تفيدني فيها ..
ومن ناحية ألامان كيف .. هل فيه احياء غير جيّده ..
وكيف السكن مع العائلة هناك .. هل فيه عوائل مميزة تقدر تنصحني فيهم ..

وسؤال اخير .. و لو تجاوبني عليه بس يكفيني عن الاسئلة السابقة : بما انك كاتب في معلومات الشخصية " أمريكا " .. تقدر تفيدني بتجربتكم .. وش الافضل و تقارن لي بين البلدين بدراسة اللغة ..


وجزاكم الله خير اخواني .. يعطيكم العافية ..

مرحبا أخوي الغالي ان شاء الله بجاوبك بالي أقدر عليه
بخصوص سوالك عن المعاهد المذكورة المعهدين الاولين لا أظن أنها تتمتع بسمعة جيدة كمثل الذي ذكرتهم لك أما الثالث فنصحني به أحد الاخوان والذي يعود الفضل لله أولا ثم له في مجييء للمعهد الي أدرس فيه وأنا بصراحة أثق في كلامة
من ناحية سؤالك عن المدينة فالأسواق متوفرة في التاون سنتر وهي كثيرة نوعا ما وبحكم انني لست من أهل التسوق فربما تكون نظرتي غير ولكنها موجودة .والاجهزة اللاكترونية موجودة وكذلك الجوالات ولكن لابد ان اذكر لك قصتي مع الجوالات فعندما كنت أريد اشتري جوال ما حصلت محل يبيع كاش كلها لازم عقد لمدة 24 شهر وبعضها 16 شهر فاشتريت جهازي من لندن.اما بخصوص الغلا والله يا الغالي اشوف أنها غالية حتى الملابس الا في وقت التخفيض الي عندهم واتوقع انه يكون في نهاية السنة ولازلت اقول لك انه مو كثير فاهم في التسوق.
الاندية الرياضية: غالبا كل المعاهد يوفرون يوم لكرة القدم فتستطيع التسجيل في ذلك اليوم بعض المعاهد يفورون باص والبعض الاخر لا. اما اذا كنت مع شباب وحقين كورة ففيه ملاعب كثير في منطقه اسمها لتل داون تقدروا تستاجروا وتلعبوا اما اذا كان تسال عن انواع اخرى من الرياضات غير كرة القدم فأتوقع فيه لانه قد شفت بعض اللوحات والتي تشير الى وجود أندية رياضية. العوائل: كل الشباب الي ساكنين مع عوائل ما قد شكوا لي من تعاملهم بل العكس تماما يثنون عليهم حتى انه معنا بنت سعودية كانت ساكنة مع حرمة انجليزية وعندما أرادت الخروج . أصرت انها تبقى معاها وبدون مقابل ولكن البنت اصرت على الخروج بسبب بعد العائلة عن المعهد واذا حبيت اجيب رقمها من عند البنت احاول لك ولكن مثل ما قلت لك كل العوائل جيدين بصراحة
سوالك الاخير يا الغالي انا ما رحت أمريكا وسبب كتابتي لها في معلوماتي الشخصية هو أنه كانت البعثة أساسا لامريكا وكتبتها في معلوماتي ولكن البعثة تحولت لبريطانيا بفضل الله ولم أذهب الى هناك
انا تحت امرك واسال قد ما تبغى
وفقك الله

أنا تجولت افتراضياً في الشارمنستر وشفت مطاعم عربية وتركية وواحد تونسي إسمه بدوين (البدوي) ومطعم لبناني.... بس هل فيه شارع غيره؟
أنا ممكن أدرس في منطقة ونتون أو السكوير واقرب شي الاولى من شارع شارمنستر شمال غرب مع شارع ألما ..
وعندي استفسار عن العوائل هل كلهم نيتف سبيكرز؟ ولا من أصول أخرى؟
أنا رايح تغيير جو وبنفس الوقت دراسة بس مو مكثفة.... وكيف الأمان في المدينة للي يحب يتمشى بعد الدراسة يعني العصريات وهل العائلة يقفلون الباب على اللي يتأخر وأي وقت؟ وكيف العرب اللي فيها ؟
آخر سؤال بالنسبة لمتطلبات الفيزا, إذا كان الضامن المالي الوالد هل مطلوب جوازه؟؟ الحين قريت موضوع هنا قبل 3 اشهر واحد يقول مطلوب؟؟ لأن ذا ممكن يسبب مشكله لاختلاف السبيلنق بين جوازاتنا

..

اخوي " يا الله على القوة " ..

ألله يجزاك الف خير .. وشكرا شكرا جزيلا لك ..
جدا افدتني بردك .. و ما قصرت يالغالي ..

معهد BEET .. نصحوني فيه كثير .. ولكني تكاليفه جدا عالية بالنسبة لي .. لاني بدرس 9 شهور .. و احسه بيكلفني كثير ..
ولكني حاطه خياري الاخير اذا ما لقيت معهد جيّد بتكاليف مناسبة ..

لأني الحين محتار بين ويست بورن و ساوث بورن و الكنجز كولج و البريتش ستدي ..

و يبدو انني فهمت من كلامك ان البريتش ستدي نصحك فيه شخص تثق به .. و اي

العوائل نعم كلهم نيتف سبيكرز وعلى حسب علمي انك تقدر تطلب من المعهد انهم يكونون كذلك ولم اسمع انه احد قفلوا عليه الباب اذا تاخر ولكن كل عائلة اكيد تختلف وعليك سؤالهم اول ما توصل
الامان من الله سبحانه وتعالي مثل ما ذكرت يا الغالي ما قد صار لي موقف ولا لأحد أعرفه بس ما يمنع انك تبتعد عن محل البارات والسهرات اخر الليل لانهم يكونون سكرانين
بخصوص جواز الوالد مطلوب او لا ما عندي فكره يا الغالي ولو تسأل الشباب هنا ما بيقصرون
تحياتي