طلاب بريطانيا استفسار ضروري الله يوفقكم

يا الربع 38 ولا رد شلون كذا ترى انتظركم انا بطلع وبكره برد او الفجر امانة لو احد دخل وعنده معلومة يفيدني لاجل بقدم خلال ها الاسبوع على اجازة سنة بدون مرتب واجرائتها يبيلها ابو شهر زمان وفيزة وقبول وامور قول شهرين ويكون رمضان جا كل عام وانتم بخير ارمضن عند الاهل واحط رجلي علمونا

سؤال يطرح نفسه : انت ناوي تكمل ماستر او بكالوريوس؟
وان شاء الله راح اساعدك

والله يا الغالي فرحتني كنت جالس على الايميل وجاني ايميل ان في رد على موضوعي

اخوي الغالي انا ما عندي الا شهادة ثانوية يعني بكمل بكالوريوس لكن لي زميل بالعمل يقول لي في بريطانيا اقدر اخلص البكالوريوس خلال سنة وحده بس اذا معاي شهادة خبرة من عملي انه اعمل 4 سنوات في الموارد البشرية بالاضافة الى الايلتس وشهادات التدريب والخبرة

اللي اعرفه , الطالب الللي حاصل على دبلوم عالي او دبلوم عالي بالسعودية, يحصل على قبول جامعي في بريطانيا على سنتين او ثلاث سنوات بالتخصص المطلوب,
اذا معاك دبلوم راح اساعدك على حصول قبول جامعي لمده سنتان في عده جامعات في بريطانيا

اخوي اذا مامعك الا الخبره وناوي تكمل فوقها سنه او سنتين وتاخذ البكالريوس بتتوهق لاجيت تعادل الشهاده بعد التخرج من الوزاره .. السبب طال عمرك انه لازم تكون مخلص 120 ساعه اكاديميه عشان تتعادل شهادتك .. وانت طال عمرك بتدرس في بريطانيا بس 32 - 35 ساعه ( سنه اكاديميه وحده ) .. نصيحتي اخوي انقز لقسم التوظيف في البنك واسألهم هل شهادة البكالريوس لازم تكون مصدّقه ومعادله من وزارة التعليم العالي ؟ اذا قالوا ايه وقتها زي ماقلتلك بتتوهق .. ان قالوا مايحتاج .. قدم على الجامعات البريطانيه وشوف لك قبول تدرس سنه او سنتين بس وتخلص وارجع توظف في البنك ..... كلامي ذا كله على افتراض انه ماعندك نيه تكمل دراسات عليا بعدين لانه وقتها بتكون مجبور على معادلة الشهاده .. بالتوفيق حبيبي

Kosb2

اخوي تقدر تخدمني وتعطيني عنوان مكاتب او ايجنتس يدبرون لي قبول سنه اخيره ؟ معي 85 ساعه-- دبلوم + ساعاات جامعيه (سنه ونص في امريكا شامله اللغه) .

^^^
الحل هو معادلة خبراتك وتدريباتك وشهاداتك من ويس!
وهي مؤسسة تعليمية امريكية تعادل الساعات الاكاديمية!!
ومعروفة ومعتمدة وتقبل لدى معظم الجامعات الامريكية!!! يمكن البريطانيين يقتنعون بمعادلات المؤسسة المذكورة أو لديهم مؤسسة شبيههة لها!!!!!
واذا لم تفلح الطريقة المذكورة سجل بجامعة مفتوحة دبلوم تنفيذي موارد بشرية ولكن تأكد من قبوله لدى عملك أولا والجامعة المقصودة هنا هي الجامعة الماليزية المفتوحة بالبحرين!!!!!
تقدرتلتحق بدبلومهم المذكور وانت على رأس عملك بالبنك لأن الحضور مرن جدا كل اسبوعين مرة بأيام الخميس مع العلم انها غير معتمدة لدى التعليم العالي السعودي ولكن معتمدة بتعليم البحرين العالي!!!!!
=========
WES
============
Good luck bro

في انظمة كثير زي كذا لكن كلها غير معتمدة من التعليم العالي تأكد من البنك اذا يقبلوا شي زي كذا
بعدين اغلبها مايحتاج انك تحضر لامريكا او بريطانيا غالبا تكون دراسه عن بعد
ليه ما تسجل انتساب في السعودية

هلاااا والله باخواني الاعزاء ومقترحاتكم الجميلة بامانة كل مقترح احسن من الثاني مشكورين ما قصرتو لكن انا سئلت البنك وما عندهم مشكلة اهم شي تخرج من بريطانية ومصدقه من الملحقية اعتراف وغيره غير مهم من قبل الوزارة

بالنسبة اخوي حسوني كيف طريقة الانتساب يعني اروح وقت الاختبارات فقط ايه هذا ممتازة الطريقة بس كيف اقدر اسويها يا ليت تعلمني ووش هي الجامعات اذا انتساب ما عندي مشكلة لو 4 سنين ادرس كاملة علما ان معاي الايلتس لكن مشكلة الثالث ثانوي من 7 سنوات ومعدله مقبول اقل من 60 يقبلوني

^^^
التصديق من الملحقية!
هنا مربط الفرس!! لأن الملحقية لاتصادق على شيء يخالف انظمة الوزارة!!!
على فكرة وزارة التعليم العالي لا تعتمد شهادات الإنتساب أو التعليم المفتوح أو التعليم عن بعد إذا كانت من خارج المملكة!!!!
عموما لقيت لك حل يناسب وضعك ويقبل درجتك المذكورة وهو الالتحاق ببكالوريوس الجامعة العربية المفتوحة بالرياض لأنها معتمدة من الوزارة!!!!!
او الانتظار حتى تفتح الجامعة الالكترونية السعودية وهي حكومية وتابعة للتعليم العالي ومعتمدة طبعا ولكن برسوم لكل فصل تقريبا 3 آلاف ريال، تأكد منهم هل يقبلون بدرجتك أم لا!!!!!!
المهم تأكد لي من خلال ردك السابق ان عملك لا يقبل الشهادة الا اذا كانت مصدقة من الملحقية فذلك يعني ان الجامعة الماليزية المفتوحة بالبحرين لاتصلح لك لانها لاتصدق من الملحقية ولا من الوزارة!!!!!
وفقك الله لما فيه الخير لمستقبلك العلمي والعملي،، تحياتي.