ارجو مساعدتي ..

الله يحييك ويسر امورك يارب
والامور بسيطه ولا داعي للقلق
والسياره تعرفيها يااما عن طريق كتابة اسمك اذا انتي منسقه للتوصيل من قبل تجدينهم ماسكين لوحه عليها اسمك
او عن طريق الاتصال
وافضل شريحه للاتصال اخذي ليبارا مؤقت وبعدين تشوفين افضل شي يناسبك ويناسب ميزانيتك وتسوي عقد معاهم
والله يسر امورك اختي

اول شي الله يعينك على برايتون وكآبتها .. ممكن البعض يختلف معي لكن مدينة بحق كئيبة ولا فيها الا شارع واحد اللي فيه تاج نسيت اسمه .. والبحر .. وزحمة في الصيف خصوصا..

ثاني شي امور التوصيل اذا كنتي مرتبتها لاتشيلين هم اول ماتطلعين للصالة بتشوفين اسمك .. واذا مارتبتي سيارة فيه مواقع باصات توصلك .. ابحثي عنها في النت .. لكن توصلك إلى نقاط معينه في برايتون وبعدها بكيفك دبري نفسك ومحظوظه لو كان نقطة توقفهم قريبه من سكنك

اول ماتوصلين هناك اليوم الثاني روحي للمعهد وعرفيهم بنفسك وهم يقومون بالباقي ..


بالنسبة لشركات الاتصال أتوقع فودافون ممتازه وعندهم عروض كويسه .. لكن انتبهي تاخذين عقد .. اشتري شريحة واشحنيها .. إلا اذا كنتي مطوله هناك شوفي العروض اللي تناسبك ونصيحة اخ اقرأي الشروط قبل توقعين على أي عقد مع اي شركة كانت (تلفون ، تلفزيون، نت، الخ) وأي نقطة مو واضحه استفسري عنها وحاولي تعرفين كل نقطة بالتفصيل قبل توهقين .. ولا تستحين منهم لأنهم مايستحون لو عندك 5 بنس يبونها منك اخذوها ..

يعني دائماً اسألي عن T & C ..

terms & conditions

وبالنسبة للإيجار اذا كنتي مستأجره شقه او بيت .. صوريه تصوير كامل .. حتى لو فيه نمله على الجدار صوريها (واذا صرتي بتطلعين جيبي نمله وحطيها مكان النمله القديمه وصوريها) --دعابه--
.. بكره لو جيتي تطلعين سلميهم البيت ونسخه من الصور قولي هذا البيت مثل ماخذته منكم عشان ماياخذون عليك التأمين ويلعبون عليك ..

اتمنى اني افدتك .. وترى انسى ارجع للمواضيع اللي ارد عليها .. فلو كان عندك استفسار يرجى تذكيري برساله عالخاص

بالتوفيق

الشباب ما قصروا

وافضل شريحة بلاك بيري هي تي مويايل

20 باوند في 6 شهور يعني 100 ريال


اذا احتجتي اي خدمة من إخوانك المغتربين في بريطانيا نحن بالخدمة

اول شي اكيد الدنيا حتكون صعبة في البداية لكن ان شاء الله تتسهل

بالنسبة للمعهد خدي معاك جواز السفر اول يوم

بالنسبة للسيارة اغلب الشركات تحط سواق داخل المطار بلوحه عليها اسمك

بالنسبة لطريق المعهد ادخلي على موقع المعهد وشوفي شي اسمو ال post code او الرمز البريدي وادخلي على جوجل وادخلي هناك بتوصلي ان شاء الله

افضل الشرائح

عندك شريحة اسمها لايكا .. الشريحه ريخصه جدا للاتصال على السعودية

عندك شريحه اورانج تاخد شي اسمو pay as you go تعتبر شريحه شحن عادية تقدرري تشغلي عليها البلاك بيري ويكلفك 5 باوند شهريا بس الاتصال الدولي فيها مكلف

اتمنى لك التوفيق .. واي مساعدات المنتدى كلو حيخدمك ان شاء الله