الفيزا الامريكية لرحلة علمية من بريطانيا -ضروري جدا جدا

تقدري تقدمي من السفارة اللي بلندن (ألامريكية)
الموضوع بسيط ، بس الفكرة انه يكون عندك خطاب من جهة اللي طالبه منك الرحله ، علشان ما يدققون
والفيزا راح تكون سياحه بالغالب
ربي يوفقك

اهلين اختي Ms.Nano

انا قدمت عالفيزا الامريكية في لنــدن شهـر خمسـة اللي راح لاني كنت بحضـر مؤتمــر وعطوني فيزا نوعها بزنس وسياحيه B1/B2 لمـدة عشـر سنوات

اول شي عبيت الطلب اونلاين بهالموقع https://ceac.state.gov/genniv/ وحملت عليه صورة الفيزا

بعدين اتصلت السفارة الامريكية بلندن على هالرقم 09042450100 وخذت موعـد للمقابلـه

راح يطلبون منج : اسمج وعنوانج في بريطانيا .. مكان وتاريخ الميلاد .. الجنسية ورقم الجواز .. الايميل
وبنفس الوقت بيخلونـج تدفعيــن الـ MRV Application Fee تكون غالبا بـ $160 ويعطونج تاريخ المقابلـة

طبعا بما انها رحلة علميـة لازم يكون معاج خطاب من المركز او المؤسسة اللي بتحضرينها نفس ما قال الاخ I-Fsc

اي استفسار ثاني انا حاضره

تسلمي اخت لوف جيم وجزاكي الله الف خير بس عندي سؤال كم تاخذ وقت عشان تطلع الفيزا من بعد تعبئة الابلكيشن

وشكرا جزيلا لكي

الله يسلمج ويجزيج بمثله ان شاءالله

الفيزا طلعت لي في خلال خمــس ايــام .. يطرشونها عالبريد

بس حبيت اقولج ان تعبئة الابلكيشن اونلاين هاي بس الخطـوه الاولى من خطوات التقديم .. بعد ماتخلصين تعبئة لازم تطبعين صفحة الـ confirmation في نهاية الطلب.. وتاخذينها معاج للمقابلة (هاي الورقه مهمه فيها رقم باركود خاص للطلب حقج)

الخطوة الرئيسية هي المقابلـه وهناك يسألونج كم سؤال ويحـددون اذا بيسـون لج ابروف للفيزا

ومواعـيد المقابلات اللي يعطونها مرات تكون بعييده ف لازم تاخذين احتياطج وتقدمين قبـل موعـد الرحلة العلمية بفترة كافيه

اهلا اختي لوف جيم مرة ثانية بس عندي سؤال عن نوع الفيزا للرحلة العلمية لاني وجدت انواع كثيرة في الموقع فاي نوع هو اللي اقدم عليه وخاص بالرحلة العلمية
الف شكر لكي مرة ثانية

السلام عليكم,
خارج الموضوع سوالي...
هل الرحلة العلمية لأمريكا هي نفسها الي يطلعوها المبتعثين للسعودية؟يعني الملحقية متكفله بالمصاريف؟