كتب تساعد في اجتياز الايلتس

اخوي اول شي توصل بالسلامه وربي يوفقك
بخصوص كيف انك تجتازه ، ترى الامتحان بسيط بس يبي له تركيز

اول شيء اول مره في الامتحانت اعتربها طريقة لتعرف الامتحان والاسلوب
اول فتره اهتم بانك تكون مرتاح في السكن ومن المعهد ويكون بالك في دراستك بس

بعد ما تطور نفسك بالانجليزي ، في كتب كثيره مساعده للايلتس
وفي كمان مواقع تقدر تجرب عن طريقها الايلتس وكلها تفيدك


بالتوفيق

اخوي لاهنت على الرد الله يعطيك العافيه
اقصد الايلتس يحتاج تكنيك معين يتدرب عليه اي طالب
وحسب ماسمعت فيه كتب لهاالشئ
او كتب معها اختبارات وحلول للايلتس
مع اني حاصل على 4 بالايلتس بالسعوديه
لكن ودي اتدرب اكثر خلال هالشهرين

اخوي عندك كتب كامبردج فيها 4 اختبارات كاملة للايلتس مع الحلول حقتها
وعندك هذا الموقع خاص باختبار الايلتس انا شخصيا استفدت منه كثيرررر ielts-simon.com
واالله يوفقك يااارب وان شاءلله تعدي الاختبار بالدرجة اللي تتمناها

أخوي شف هالموضوع إن شاء الله يفيدك

http://www.mbt3th.us/vb/forum8/thread331706.html

اختي معيده ولكن ..
الله يعطيك العافيه
الموقع مفيد .... بس عندي سوال اذا سمحتي
كم احتاج من الوقت للحصول على 6 بالايلتس
انا معااي 4 حاليا .........

أخوي هو يختلف من شخص للثاني والايلتس مايقيس مستوى لغتك ابدا يعني اذا كانت لغتك جيده او لا بس انت سوي براكتس للاختباار كامل كل يوم الى حد يوم الاختبار وقبل هذا كله خلي عندك ثقة بالله انك بتجيب الدرجة وصدقني ربي ماراح يضيع لك تعب ابداً .. الله يوفقك يااااارب

كلام رائع وجميل ونصيحة متميزة فشكرا لك

‫ضع الايلتس في جيبك IELTS‬‎ - YouTube
تفضل أخوي هذا أحد طلاب دولة كندا بالإشتراك مع النادي السعودي اللي هناك سوا محاضرة عن الأيلتس
عن نفسي أنا استفدت منه كثير

وبالنسبة للكتب فكلها بالنسبة لي زي بعض مع ان اللي في الفيديو أذكر إنه نصح بكتاب اسمه Objective IELTS عن نفسي كنت أروح مكتبة المعهد وأستعير كتب من عندهم ببلاش لكن ما لقيت هالكتاب عندهم لذلك ماقدر أعطيك تقييمي
أهم شي تتدرب على الإستماع ويكون عن طريق السي دي اللي يجي مع الكتاب،، تجاوب عالأسئلة وتشيك عليها بعدين والأجوبة الخطأ ترجع تسمع القطعة مرة ثانية عشان تعرف كيف غلطت فيه حاول تدرب فيه لين ما توصل إنك تجاوب عالأسئلة من المرة الأولى
وبالنسبة للقراءة فصعب إنك تدرب عليه في فترة قصيرة لأنه يعتمد عالفوكابلري اللي عندك لكن تقدر تتعلم تكنيك خاص مثل إنك تحط خط تحت الأسماء ودائرة على التواريخ وخط متعرج على المعلومات اللي تتوقع إنها مهمة مثلاً وهكذا،،، وفي المعهد ممكن يعلمونكم هالشي إذا سألتهم
وبالنسبة للسبيكينج والرايتينج فأفضل شي إنك تروح حافظ في حال أردت درجة أعلى
فيه موقع كان ممتاز جداً لكن مب عندي للأسف كان إختباري للأيلتس قبل 8 شهور تقريباً،، ميزته إن فيه تجميع لأسئلة السبيكينج وانا للأسف اكتشفته بعد الإختبار،، يوم شفت الموقع بالصدفة شفت ان 90% من الأسئلة اللي جتني كانت موجودة في الموقع،، أحياناً تكون المشكلة في السؤال نفسه وليست قابلية الشخص في الحديث،، أذكر أول اختبار لي كان عن الحدايق وعن الأطفال وسلامتهم فكان التفكير في جواب جداً صعب لذلك أعتقد إنك تتجهز لبعض الأسئلة راح يفيدك،،
والرايتينج نفس الموقع أذكر كانت فيه نماذج بنفس الموقع لتاسك1 وانا رحت حافظ كل كتابته،، وفيه كلمات مهمة لازم تحفظها، زيادة ونقصان ومردفاتها ~ 90% راح يجيك رسم بياني ويقولك اوصفه،، وتاسك2 ما امداني اتجهز فيه لكن مشيت على نصيحة أخوي في ترتيب المقال وهو إني أول شي أكتب مقدمة عامة للموضوع والبارقراف الثاني إيجابيات والبارقراف الثالث سلبيات والبارقراف الأخير اكتب فيه رأيي وخاتمة،، أعتقد هذا أسهل أسلوب لأنه يرتبلك كل أفكارك

وبالتوفيق يارب ^^"

الف شكر خالد والله ماقصرت
الله يعطيك العافيه وترجع لاهلك سالم