استفسار لـو خـيـروك , ويـن بـتـروح ؟؟!

للرفع

شباب تكفون محتاج مشورتكم لازم احدد الجامعه خلال 3 ايام

مشكور اخوي طالب نوتنقهام

لكن ماعندك فكرة عن ريدنق من ناحية عدد الطلاب الخليجيين فالجامعه ؟

انا بعد ابغى اعرف عن ريدنق ما عليكم امر

لـلـرفـــــع ....

لو تخبرت بينهم راح أختار University of Nottingham بدون شك !
وانا رايحلها بإذن الله في السنة الدراسية الجديدة لدراسة الجامعة :\

وبالنسبة لنورثامبريا فهي في مدينة نيوكاسل ~ وهي مدينة جداً جميلة وما تتفوت صراحة وفيها عرب كثير والجامعة مب قد كذا لكن أعتقد فيها عرب كثير :\ وأعرف شباب راح يدرسون فيها الجامعة سبتمبر الجاي

بالتوفيق ~

جامعة ريدنق جامعة متميزة وقوية .. المدينة صغيرة وقريبة من لندن وفيها سعوديين على ما اعلم ... بامكانك الدخول على منتداهم ملتقى ريدينق - ملتقى الطلاب السعوديين في بريطانيا

الله يجزاكم خير ويرحم والديكم عالاضافة

لو أنا مكانك راح أختار جامعة نوتنجهتام، هي جامعه بحثيه كبيره ومن الراسل قروب وترى عادي مو شرط تكون صعبه ويمكن تكون بمستوى ريدنج من ناحية مستوى الصعوبه، جامعة ريدنج جيده لكنها بالمستوى الثاني وليس الأول، يعني مستواها متوسط ، حتى لو في قطر ما يفرقون بين الجامعه القويه والعاديه كفايه انك تحصل تعليم جيد، وماتعرف المستقبل شو يخبي لك، ممكن تبي تكمل دراستك أو تتوظف بمكان مختلف، الدراسة الأكاديمية جدا مفيده لمستقبلك ،،


بالنسبه للمدن، اللي أعرفه نوتنجهام مدينه فيها وايد مسلمين، لو كنت متردد بخصوص الجرايم والفقر اسكن في حي مستواه جيد واسال أكثر عنها، ولاتطلع بالليل ودايما اطلع مع زملائك ماراح يصير لك شي، بالنسبه لريدنج هي مدينه قريبه وايد من لندن بالقطار ، لكن فيها قليل جدا من العرب أو المسلمين، ممكن هالشي البعض يعتبره ادفانتج أو شي عادي، بالنسبه لي أشوف لو أن مظهرك يوحي فيه شي إسلامي مثلا حجاب أو لحيه ، أو مظهرك شرق أوسطي ما أنصح بالسكن في مدن الغرب لأن الأغلبيه فيها بريطانيين القوقازيين ويندر وجود الأقليات الشرق أوسطيه والهنديه والصينيه بشكل ملحوظ جدا بل يكاد يكون نادر.

طبعا أنا أشوف تفكر بالجامعه أول وبعدين المدينه، الا اذا كانت الجامعتين بمستوى متشابه وقتها فكر تختار حسب المدينه، بس بما أن فرق بين مستوى الجامعتين فأنصحك تروح لنوتنجهام ،،


طبعا من ناحية تكاليف المعيشه لو تهمك، ريدنج تعتبر معيشه مرتفعه نوعا ما عكس نوتنجهام ،،
أغلب الجامعات توفر سكن للطلاب الانترناشيونال في أول سنه، أنصحك بشدة تروح سكن الجامعه لأنه من خلاله راح يكون عندك أصدقاء أكثر وتقدر تطلع وترجع معاهم ،، بعد هذي السنه ممكن تنتقل مع أصدقائك بالسكن برى في سكن مشترك ماله دخل بالجامعه انتوا اللي تدورون عليه، وبعض الجامعات ممكن تسمح لك تظل بالسكن ،،


بالتوفيق