مصيبة فوق راسي في قبول الجامعة

August 22nd, 2012, 12:19 AM

السلام عليكم ورحمة الله وبركاته
يا جماعة الخير أنا كان عندي قبول مشروط في جامعة نوتنقهام الأم ~ وكان شرطهم الوحيد إني أجيب 65% في الفاونديشن مع العلم إني أرفقت لهم كشف درجات حق أول ترم لهم قبل لا يعطوني القبول وكنت جايب 6 في إختبار الأيلتس الداخلي حق الجامعة وكل المهارات 6 وفوق

اتصلت عليهم بعد ما جاني القبول وقلتلهم أبي أتأكد من قبولي لا يكون فاونديشن ولا شي ~ قالولي قبولك فيرست يير عادي ~ قلتلهم ما فيه شرط لغة؟ ~ قالوا ما فيه !! ~ أكدت عليهم وقالولي كل المطلوب انك تجيب شهادة فاونديشن وخلاص
قلت الحمدلله سهالات
والحمدلله أنهيت الفاونديشن وجبت نسبة عالية لكن المصيبة الآن بعد ما أرسلت لهم الشهادة قالولي عطنا إثبات لغة :\
أرسلتلهم درجاتي في الإنجليزي حقت الفاونديشن الحمدلله جبت 6 ثلاث مرات

قالولي لا هذا ما نعترف فيه نبي إختبار أيلتس أو توفل الأساسي >.> وهالكلام كان قبل أمس

المهم إن ما عندي لا ذا ولا ذاك وأنا راجع السعودية إجازة مالي اسبوع ~ ويوم شيكت عالإختبارات ما لقيت أي اختبار قريب وكان الموعد النهائي للتسليم يوم 31 أوقست
بعد المحاولات والإتصالات مددولي لين 14 سبتمبر وقالوا مستحيل نأجل أكثر من كذا
وقالولي تعال عندنا ندبرلك اختبار ايلتس او توفل او نختبرك عندنا ~ ولقيت فيه اختبار ايلتس يوم 25 في لندن
قلت الحمدلله الآن جالس أدورلي أي حجز يمين يسار ~ كل الحجوزات غالية لكن الله ييسر إن شاء الله وفيزا الفاونديشن حقتي باقيلها شهر ونص وهي اللي بدخل فيها بريطانيا وان شاء الله يقبلونها الجوازات

مطلوب مني 6 أوفرال و5.5 في كل المهارات
عشان أكون صريح أنا لغتي مب ذيك اللغة القوية لأني تعلمت اللغة في السعودية وماني واثق 100% إني أجيب الدرجة
لكني الحمدلله واثق بربي وان كان كاتب لي هالجامعة فراح ادخلها ~ وانا راح أبذل جهدي عشان اجيب الدرجة (:


خطتي باختصار: أسافر مع أقرب طيارة على لندن وأدخل بفيزني القديمة + أدخل أقرب اختبار ايلتس وبحاول اقنع الجامعة يسوونلي اختبار عندهم لأن يقولون أسهل

فتكفون اللي عنده خبرة ولا مشورة لا يبخل علي !
الله يعين وييسر
دعواتكم ,,

• نشر عبر تويتر
• نشر عبر فيسبوك
• نشر عبر جوجل