أول شي تشوف الجامعات اللي تطرح هذا التخصص, وتحط لسته بالجامعات اللي تبي تقدم عليها، حاول تنوع بمستوى الجامعات، علشان لو ما قبلتك جامعه قويه تقبلك جامعه متوسطه،
بعدين تقدم على الجامعات اللي باللسته، وتشوف الجامعات اللي تقبلك. وتختار عدد من الجامعات اللي تبيها، يعني تبي جامعه قويه، ولا جامعه سهله وقبول سهل، أو جامعة بمنطقه مو غاليه، الخ
اذا قدمت من الحين حق السنه القادمه، الجامعات راح ترد عليك بسرعه، وبيكون بامكانك التقديم للمنحه الماليه المقدمه من الجامعه (اذا تواجدت) ،ممكن تخصم عنك جزء من تكاليف الدراسه، اللي معدلهم مرتفع فرصهم تكون أكبر بالحصول على المنحه.
تكاليف الدراسه، هذا جدول من الجارديات يوضح فيه تكاليف الماستر في عدد من الجامعات في بريطانيا (مو كل الجامعات) والتكاليف تتراوح من ١٠ الاف باوند الى ٢٠ الف باوند، طبعا للطلاب الانترناشيونال
Mathematics postgraduate and master's courses in 2012 | Education | guardian.co.uk
الاقامه يعتمد على نوع السكن اللي بتسكن فيه والمدينه،
بعض المدن ارخص من غيره وفيه فرق واضح بين الاجار، لندن مثلا جدا غاليه،
نوع السكن حسب انت راح تسكن في سكن الجامعه، او سكن طلابي خاص، او سكن مشترك ، او شقه لوحدك او استوديو الخ
ويعتمد لو انت لوحدك او مع عائلتك لوكنت متزوج ،
في مدينه تكاليف المعيشه فيها متوسطه ، سعر سكن الجامعي لو كان حمام مشترك ٩٠ باوند بالاسبوع، ولو حمام لوحدك يتراوح من ١١٥ الى ١٥٠ باوند بالاسبوع، لو بتسكن بسكن طلاب خاص غير تابع للجامعه يعتمد على نوع السكن، لوكان سكن فاخر مثلا، متوسط السعر ل١٦٠ باوند ستوديو فاخر ومتوسط الحجم، بعض الطلبه يدورله فيلا ويتشاركها مع طلبه اخرين، ويعتمد على نوع الفيلا ومكانها يعني لو قريبه من الجامعه او السيتي سنتر، يعني ممكن تكون أرخص من سكن الجامعه ويمكن أغلى، وفيه مواقع كثيره بتحصل فيها اعلانات عن غرف في فلل مشتركه، يعني مو شرط تعرف الطلاب اللي راح تعيش معاهم،
انت لو قررت الجامعات اللي محتار بينهم، ممكن تسوي سيرج اونلاين عن سكن وتشوف الاسعار وتقارن، انا لاحظت أن حتى سكنات الجامعه يختلف سعرها من جامعه لاخرى، يعني جامعة مانشستر أقل سعرها.
لندن طبعا أغلي، سعر الغرفه يوصل ٢٠٠ باوند، وسعر ستوديو فاخر متوسطه ٢٧٠ باوند.
بالنسبه لتكاليف المعيشه يعتمد عليك انت، احس ما يقدر شخص يحدد ، يعني حسب مصروفاتك. لكن ممكن تحسب أسعار النقل والطعام كأساس،، أسعار النقل أيضا تختلف من مدينه لأخرى حسب الناقل، تقدر تاخذ بطاقه شهريه وتستخدم الباص كثر ماتبي، بعض المدن سعر البطاقه ٦٠ باوند لكن في مدن أخرى أقل، طبعا لو سكنت قريب من الجامعه ماراح تحتاج تكاليف نقل.
وبالتوفيق
August 31st, 2012, 12:42 PM
يا اخوان انا معلم وعندي نية إني أدرس ماجستير رياضيات على حسابي الخاص في بريطانيا لمدة عام واحد فقطمن أين أبدأ ، وكم تكاليف الدراسة + الاقامة + المعيشة
نوروني أنار الله عليكم