مساعده لوجه الله ابي اطلع من لندن الى سوانسي عاجلا

لا اله الا الله
وسبحان الله
والحمدلله

غالي جدا الافضل لك القطار رحلة مباشرة من لندن الى سوانزي وريح راسك
طبعا المحطة London Paddington اتوقع انها قريبة الادجوار رود التكلفة ارخص شي 42 بدون بطاقة طالب
المدة 3 ساعات وخمس دقائق

ترا القطار مافيه شي صعب أو يدوخك, لكن رح قبل بفترة احجز, لأن عندهم أوقات ذروة
وقبل بفترة ما اعرف معناها صراحة ممكن أحد يفيدك
لأني لما دخلت المحطة بأحجز لقيت الات حجز الي لكن مارحت لها
ورحت للأوادم,هالأوادم ما يحجزون لك إلا بنفس اليوم
أو يحجزون لبكرة من بعد الساعة 7:30>>تراي مش متأكدة من الساعة لأني سمعتها تكلم واحد حولي كان بيحجز لبكرة

طبعا لأني جاية بنفس اليوم وابي اطلع على 8
طلعت علي التذكرة من مانشستر للندن ذهاب وعودة ب 600 باوند الا خمسه ههههه ياسلام>>طبعا حنا شخصين اقسمها على 2 لو انت واحد
ومن بعد 9:30 تطلع التذكرة ب 74 للشخص

بين مانشستر ولندن ساعتين وعشر دقايق
طبعا اعرف المحطة اللي لازم توصل لها لأنه احتمال يوقف القطار باكثر من محطة قبل مايوصل محطتك لكن لاتخاف ماراح يوقف كثير
وتراه مرييح مره لكن ممل اذا ما عندك شي تسوييه خلال هالوقت

طيب وسط القطار
القناطر E U والظاهر D عادي تجلس بأي كرسي
لكن باقي القناطر بتلقى مكتوب فوق الجدار اللي عند الكرسي كلمة
available لو ماكان محجوز
وبتلقى الكلمة ممسوحة لو كان محجوز
لأني جلست مرتين بكرسي محجوز فماودي يتكرر هالموقف لأحد
ويوم جلست جنب عجوز بريطانية قلت لها هذا محجوز قالت لأ قلت وشلون دريتي وعلمتني
وقالت لي ترا أنا أجلس بكراسي محجوزة لأن بعضهم يحجز ولا يجي وإذا جوا ((عادي)) أقوم أغير مكاني >>يا سلاااام على الروقان

وممكن تطلب من اللي يقص لك يحجز لك مقعد,لكن ما جربت ولا ادري اذا عليها فلوس زيادة أو لا
لأن ماشاء الله بريطانيا, تمشي وتدفع الله يخلف علينا ويعوضنا

هذي تجربتي بالقطار
أتمنى تفيدك
والظاهر فيه موقع يحجز اون لاين لكن ما جربت
ياليت إذا أحد عنده اضافة يضيف
عشان ما يتمرمطون اخوانكم الجدد على أشياء تافهه وبسيطة

اخوي : ممكن نحجز لك ونعلمك القطار .

وبسوانزي ادبرك ما عليك .

حرام تروح بتكسي لسوانزي مرة غالي

بعدين القطار من لندن إلى سوانزي : ما تنزل ابد .