يا ساكني مانشستر كيف سكنتوا؟؟الخطوة اللي بعد موقع rightmove!!!!

وعليكم السلام ورحمة الله وبركاته
اسال الله ان يسر امرك ويكتب لك الخيره
بالنسبه بعد البحث والحصول على الشقق
ترسلي لهم ايميل او تكلميهم لمعاينة الشقه
وبالنسبه كيف تعرفي انها امنه ولا لا
انصحك اختي اذا رحتي تشوفينها
تشوفي كيف العماره وهل لها استقبال وموظف موجود اربعة وعشرين ساعه ام لا
او هل لها باب مقفل للمبنى مايدخله غير الساكنين
وكذلك ممكن تسألي اي احد في العماره اذا قابلتيهم
بالنسبه للعقد اكون معك صادق
والله ماعمري قريت سطر واحد ههههههههههههههه اوقع وامشي وربك يستر
لكن اهم شي تشوفين بس كم مدة العقد وكذلك الدوبزت كيف دفعه واسترجاعه
وكذلك طريقة الدفع كيف شهري او كيف
والله يسر امرك يارب

وعليكم السلام ورحمة الله وبركاته ...
حياك الله اختي في مانشسنر ...
بالنسبة للأحياء انا اقولك تعتمد على مكان دراستك ... والامان الحمد لله موجود ما دامك من بيتك لدوامك وانت بالسليم ان شاء الله ,,,
منطقة هيوم جيدة .. جزء منها غير محبذ للسكن فيه على الرغم من وجود سعوديين فيه ومرتاحين ..
الرشم كله مطاعم عربية والسكن فيه مزعج جدا وللأمانة لا اعرف احد ساكن هناك الا الطلاب العزوبية ...
السنتر السكن فيه مزعج لكثرة الاسواق وايضا غالي الايجارات فيه ...
سالفورد ابتعدي عنها جدا لانها منطقة بصراحة غير آمنة جدااااااا .
سالفورد كيز منطقة راقية وهي ارقى منطقة في مانشستر . عيبها البعد وقلة المواصلات فيها والغلاء ايضا ... فيها ترام ينزل على طول للسنتر وفيه باص مجاني لجامعة سالفورد .
شولتون مكان مرغوب للعوائل السعودية وكلها بيوت وليست شقق وهي بعيدة عن الجامعات لكن هناك باصات متوفرة ..
بالنسبة لطريقة التاجير :
تحصلي الشقة بموقع الرايت موف او عن موقع مكتب العقار ..وبعده :
1- تكلمي المكتب وتحجزي موعد وتستفسري هل هناك احد حجز موعد لرؤية الشقة ام لا .. لانه بعض المكاتب تحجز لزبائن كثير , واول زبون يشوفها ويرغب فيها تروح على الباقين .. فنصيحة : انك تحجزي موعد مع اكثر من مكتب لاكثر من شقة وان عجبتك شقة تقدري تلغي المواعيد الاخرى باتصال .
2- بعد ما تشوفي الشقة وترغبي فيها يطلب منك المكتب دفع رسوم المكتب كعربون انك ترغبين فيها .
3- بعدها تكملي الاجراءات من دفع الديبوزت وبعض المكاتب تطلب ايجار شهر مقدم ..

الله يوفقك يارب واي سؤال او حتى خدمة من مانشستر لا تترددي ...

الله يجزاكم خير.
إن شاء الله ألقى سكن دعواتكم الله يكتب اللي فيه الخير.

ربما يساعدك هذا الدليل لمانشستر




دليل مانشستر: السكن



- - - مشاركة محدثة - - -

ربما يساعدك هذا الدليل لمانشستر




http://daleelmanchester.blogspot.com...-post_708.html

انا ساكن في Rusholme place
العمارة كلها عوائل أي على عكس كلام أخي طموح
وبالنسبة للإزعاج
انت بتنام بالشارع ؟؟؟
اذا دخلت الشقة خلاص هدووووووء ماعاد تحس بالدنيا اللي برا