أرجوا المساعدة (مبتعث جديد)

السلام عليكم ورحمة الله وبركاتة

اخى الكريم انا اقدر اساعدك في قبول اللغة والجامعة وفي جامعات طيبة وغير معقدة

بعد اذن الادارة طبعا راح اعطيك جزء من ايميلى وكمل علية هوتميل moh_ksa82

وعليكم السلام
مراحب

بجاوبك على قد ما اقدر خصوصا ان اسالتك اغلبها عن الابتعاث
س1: كم الفتره أللي راح أدرس فيها على حسابي إن شاءلله حتى يشملني الضمان المالي؟
ما ادري وش تقصد بيشملني الضمان لكن اذا تقصد الالتحاق بالبعثة انت تابع مع الملحقية من اول ما توصل وادعي ربك يفرجها....


س2:كيف المعيشة في بريطانيا من الناحيه الماديه وكم المكافأة ؟
جدا مريحة ولاتخاف من اي شي الامور هنا بسيطة وسهله وترى كنت في نفس حالك وشفت عكس ما كنت افكر هيا بس اول اسبوع الى ما تاخذ على الوضع وبتصير العيشة عندك اكثر من عادية.
بالنسبة للمكافأة انا مو مبتعث لكن اشوفها تكفي بعد الزيادة اللي جت وممكن لو انتا اقتصادي يبقى منها كمان.


س3: أيش الأغراض اللي لازم تآخذها من السعودية غير الملابس ؟
على حسب استعمالك وعلى حسب ما انتا تحتاجه لكن ما اشوفه مهم هو: قاموس - مظلة عشان المطر - فيش ثلاثي - شاحن جوال لاب توب - اغراض شخصية - شنطة للمدرسة ومايخص الدراسة - سجادة - قران - ساعة منبه - ادوية مثل بندول ومثيلها المسكنات واي شي تحس انك ما تقدر تستغني عنه لأن ممكن ماتحصله هنا..


س4: كيف ستكون إن شاءلله الإختبارات النهائية للمرحله الجامعيه وكيف طريقتها ؟
والله ماني عارف وياليت اذا عرفت تخبرني الله لايهينك

س5: أحس أنني بطولها معاكم ولاأبغى أطفشكم معاي عالعمووم أرجوا من أي واحد من أصحاب التجربة يقراء الموضوع ان يقدم لي النصائح وأتمنى أن كل واحد يقوول كل شي بخصوص الطالب المبتعث خضة الجديد اللي مثلي وآسف جدا جدا على الإطالة.

صدقني ما في تقلق عليه جدا الامور عاديه ومريحه
الناس هنا تحترم بعضها اغلب المدن المعروفه تلاقي فيها نسبه عرب ومحلات عربية ومساجد
بس الديره فيها الغلا لكن اذا انتا مبتعث ان شا الله ماعليك ....
خلك ماشي مع النظام انتا بخير ولو اني ما اشوف اي شي صعب او معقد او غريب ..

اتمنالك التوفيق حبيبي ..

تسلم ياراقي والله

تسلم ياراقي والله ماقصرت و الإداره أن شاءلله ماعندها مانع .

ولدنا والله ماني عارف كيف أشكرك وفعلا بديت أرتاح والحمدلله فيه مساجد ممكن هي الشي الوحيد اللي يخليك ما تحس بالغربة لكن فيه شي واحد يقلقني شوي وهو أنني لست أقتصاديا البتة لكن ليس هناك مشكلة إن شاءلله تسلم ياولدنا والله يوفقك وويجعلك من الأوائل يارب .