طريقة طلب القبول

وعليكم السلام ورحمة الله وبركاته
بالنسبه لتخصصك متوفر في كذا جامعه
ولكن اختي الدكتوراه تعتمد بشكل كبير على المشرف وليس الجامعه
فبعض الجامعات تجدين فيها تخصصك ولكن بعض المشرفين مايقبلون الموضوع
بالنسبه للمطلوب هو بروبوزل ممتاز واختيار موضوع دقيق للبحث
ولا يحتاج اختبار جيمات
والقبول يتطلب دائما درجة ايلتس سته او سته ونص لا اذا كان الماستر عندك من دوله تتحدث الانجليزيه
بالنسبه لافضل الاماكن للدراسه من وجهة نظري
اولا مانشستر
ثانيا لستر
ثالثا نوتنقهام
رابعا برمنقهام
والله يكتب لك الخيره ويسر امرك يارب

الله يعطيك العافية ..

أنا دارسة الماستر في السعودية وأحتاج إلى لغة قبل دراسة الدكتوراه

كيف راح يكون وضعي ، وهل أجد جامعات تقبل قبول مشروط ؟؟

وطريقة المراسلة كيف تكون للجامعة ..

والمعذرة على الإطالة

زيادة بسيطة على كلام الاخوان
لاتشغلي نفسك بالاوراق والرسميات او الروتينيات حق قبول الدكتوراه....... اولا اختاري موضوع كويس واكتبي بروبوزل ممتاز وبعدها راسلي الدكاتره مباشرة قبل ماتقدمين رسمي على اي جامعة... واذا حصلتي دكتور مهتم باحد الجامعات ان شاء الله ذاك الوقت الباقي كله بيكون روتيني اوراق وشغلات تسوينها بيوم
انا قلت لك كذا لان الكثير يجهل نقطة مهمه في التقديم على قبول دكتوراه..وهي ان بعض الجامعات اذا تقدم له الطالب مباشرة وتم رفضه لاي سبب خلاص يقفلون ومايسمحون له يقدم مره ثانيه حتى لو حصل مشرف بعدين يعني بمجرد يقدم الطالب المره الثانيه ينرفض تلقائي
النقطة الاخرى واللي عشان ماتضيعين وقت بالبحث عن قبول لانه مثل ماهو معروف ان قبول الدكتوراه متعب ويحتاج وقت في اغلب الاحيان.. حاولي تسألين الطلاب اللي يدرسون دكتوراه نفس تخصصك وتسألين عن امكانية ان احدهم يكلم/تكلم مشرفه لقبولك فهالطريق هو اقصر واضمن طريق لك... يمكن ان مراسلة النوادي السعودية بالمدن يفيدك كثير لانه بيوصلك بطلاب دكتوراه بشكل اسهل.... وان شاء الله انك مابتطولي بالبحث لان تخصصك متوفر مقارنه مع التخصصات الاخرى

وبالتوفيق

أ. عبدالرحمن ... شكرا على الرد الله يعطيك العافية ,,

ولكن هل الجامعة تسمح لي بدراسة اللغة قبل إكمال الدكتوراه ؟؟؟

أبو جبل شاكرة لك ومقدرة ع النقطة التي ذكرت ،،

وللأسف ما أعرف أحد يدرس هالتخصص إلا بأمريكا ومثل ما قلت أسهل

وأسرع التقديم ..

عندي سؤال هل البربوزل هو خطة البحث ؟؟

البربوزال هل نفسها خطة بحث و لي راي ثاني اتوقع ساوثهامبتون جيدة جدا في تقنيات التعليم و ممكن تاخذي قبول دكتوراة بدون خطة في بعض الاقسام عن طريق نظام IPhD او New Route PhD و هذا النظام هو مواد السنة الاولى زي طلاب الماستر بالضبط و نهاية السنة الاولى تقدمي حطة بحث اشوفه انا اكثر من رائئئئئع يهيء الطالب لمعرفة الجديد بالتخصص يأسس الطالب معرفيا و بحثيا و عند كتابىة الخطة تكون سهلة على الطالب اعتمدي على نفسك و ابحثي كلية التربية عندهم جامعة ساوثهامبتون و بالتوفيق
Southampton Education School - Integrated PhD Programme :: University of Southampton

طالبين خطة لكن حسب معلوماتي انهم ما يدققوا كثير فيها لان الطالب اللي يدرس بهذا النظام 99% يغير افكاره انا ما ادرس بكلية التربية معلوماتي محدودة عنها بس شوفي الرابط واضح كل شي بالتوفيق

ذكرت التواصل بالنوادي السعودية يسهل عليك التواصل مع الطلاب اللي يدرسوا نفس التخصص..يمكنك البحث عن طريق صفحة كل نادي في الفيسبوك وهذي اسهل طريقة

بالتوفيق

الله يسلمك
نعم الجاامعه تعطيك قبول مشروط بدرجة ايلتس
وطريقة المراسله ياانتي بنفسك تراسليهم او تشوفي لك مكتب ولكن اذا لغتك ماهي جيده انصحك بمكتب افضل

والله يسر امرك يارب

شكرا لك سارا على المبادرة