كيف احجز اختبار ايلس في السعوديه ..كيف الطريقه؟؟ وايش المطلوب ساعدوني...

.................................................. ................................

اختي الفاضلة توي مختبر قبل شهر

الخطوات اول شيء ادخل على موقع

https://ielts.britishcouncil.org/Default.aspx

واختر البلد مثلا السعودية بعدين حدد الشهر الي تبي تختبر فيه

وتحدد مكان الاختبار مثلا الرياض جدة الخبر

وبعدين نوع الاختبار academic للدراسات الجامعية والعليا

و general للعمل والهجرة

تختار academic ثم يظهر لك مواعيد الاختبارات وتحدد اليوم

فيه بتلاقي male للرجال و female للنساء

تضغط على apply اللي مقابل اليوم اللي اخترته وبتلقى كلمة available يعني متاح بعدها بتطلع الشروط وباشرحها لك في الاخير

بعد ماتنتهي بيطلع لك نموذج تعبيه الكتروني بياناتك وجواز سفرك او بطاقة الاحوال وليه تختبر ووو الخ كلها سهلة ( لازم تحدد وش نوع الاثبات اللي تجيبه معاك لانو يوم الاختبار ماراح تختبر بدون هالاثبات وهو واحد من اثنين يابطاقة احوال يا جواز سفر )

الخطوة اللي بعدها بيعطونك 5 ايام عمل انك توصل لهم الاوراق والرسوم المطلوبة باحد طريقتين :
- اذا انت من المدن اللي فيها اختبارك فتروح للمجلس الثقافي البريطاني حي المرسلات وتعطيهم التالي :
صورتين شخصية حديثة وهذي محلات التصوير يعرفونها قلهم صورة فيزا
وصورة من اثبات الهوية ( يابطاقة الاحوال او جواز السفر )
تدفع لهم كاش 850 ريال رسوم الاختبار

- اذا انت برى هالمدن مثلا انا في ابها واختبرت بالرياض فياتعرف شخص يروح يدفع لهم ويعطيهم الاوراق
او تروح DHL وتحط في مظروف وتكتب اسمك عليه وتحط فيه الاوراق والصور الشخصية وشيك من البنك بمبلغ 850 ريال باسم المجلس الثقافي البريطاني بالرياض لانهم بالحالة هذي مايقبلون الا شيك

يعني لاتحط كاش في الظرف تروح عليك الفلوس ههههه

بعدها بيجيك رسالة بالايميل انو استلمنا الاوراق والمبلغ ويعطونك رابط اختباات تجريبية رائعة تفيدك في الاختبار

والخطوة اللي بعدها بيجيك ايميل يحدد اختبارك التحريري الموعد والوقت والمكان وكذلك الاختباار الشفوي ( التحدث ) وايضا الموعد والمكان والوقت

اذا انت من هالمدن احتمال يكون اختبار التحريري بيوم والشفوي بيوم

واذا انت من برى هالمدن فراح تختبر في نفس اليوم كل الاجزاء الاربعة

هذا ملخص واتمنى لك التوفيق واذا حبيت تستفسر فانا حاضر

فعلا افدتني الله يجزاك خير ويجعلها في ميزان حسناتك يارب واله ماقصضرت كفيت ووفيت ويارب اى اعلى الدرجات يارب ....مشكوره من جد مشكور

ماقصر اخوي ابهاوي غير
كفى ووفى
ولكن بالنسبه للدفع تقدري تحولي لهم على حسابهم في الراجحي مايحتاج تروحي لهم
ورقم الحساب موجود في الابليكشن بعد ماتسجلين
والله يوففقك

العفو وانا شرحت لك بالتفصيل
اما اللي قاله الاخ صالح بخصوص التحويل انا سألتهم قالوا مافيه غير طريقتين الدفع شيك او تسليم نقد ومدري اذا كان هناك تحويل على حسابهم او لا


( تمت المشاركة باستخدام تطبيق مبتعث )